人生第一盅燉湯… 哈哈哈﹗講得好嚴重~ 咁呢個又真係事實吖嘛 ☆*:.｡. o(≧▽≦)o .｡.:*☆
早兩日心血來潮去街市買左一大堆野 (ﾉ≧∀≦)ﾉ (好似誓要拎到自己屎為止)﹐其實係見好朋友呢排忙到不得了 (連7-11便利店都唔得閒去喎… 佢話﹗(¬_¬)" )﹐我又幫唔到咩手﹐所以就發揮自己嘅唯一嘅強項… 整 ~ 野 ~ 食 ~ ﹗哈哈 ヾ(＠＾▽＾＠)ﾉ
好起勁係咁喺屋企整整整 (≧▽≦) 整左一 d 佢鍾意食嘅野﹐仲有呢個『花膠螺片燉豬展湯』比佢補吓身 (´ε｀ )♡ 呵呵呵~ 好彩乜野都一早準備好晒啫﹗(´∀｀)♡ 我真係冇乜野可以幫得上﹐呢 d 小小嘅心意 + 支持希望叫做幫到您啦﹗( ˘ ³˘)♥ 可能喺您安定落嚟嘅時間﹐就係我功成身退之時。好朋友就係咁樣互相扶持。
煲湯同燉湯準備功夫大同小異﹐燉湯係以隔水烹調方法滾四個鐘或以上﹐冇比明火直接煮理 (´∀`) 燉湯對食材嘅破壞性冇咁高﹐可以提煉出食材嘅精華﹐保存返食材本身嘅功效同營養價值 ლ(´ڡ`ლ) 多數人喺屋企燉湯都會係用上比較貴價 d 嘅材料﹐例如花膠、冬蟲草、燕窩… ╰(*´︶`*)╯♡ 等﹐同時燉湯真係比較清甜﹐唔會好似煲湯出嚟嘅顏色咁混濁﹐大部份嘅食材都可以食得返而且唔會因為煲得過火而韌… 等等好處 ヽ(●´∀｀●)ﾉ 煲湯就係直接用明火迫食材嘅味道出嚟﹐各有各好﹐一樣有佢嘅功效同營養價值﹐只係燉湯比煲湯檔次更高咁解啫 p(*＾-＾*)q
******************************
我的花膠浸泡法：-
1. 花膠用水浸四至五小時 (半日也可以)
2. 薑切片、蔥切段 (薑蔥可以去除花膠腥味﹐ 分量視乎花膠多少﹐ 多 d 都冇所謂)
3. 煲一煲滾水﹐將薑、蔥加入滾幾分鐘﹐ 再放入花膠.
4. 待水滾後﹐ 熄火﹐ 原煲放置涼透.
5. 將薑蔥水連花膠原煲或轉至另一器皿﹐ 放入雪櫃浸泡三日. (薑蔥水要浸過花膠面)
6. 取出已浸泡後肥大嘅花膠﹐ 印乾水份﹐ 視乎個人所需分隻放入保鮮袋﹐ 紮實後放入冰箱保存.
**我習慣一次過浸泡所有買回來的花膠﹐ 分兩隻及四隻一袋入保鮮袋 (亦都可以用保鮮紙包好)﹐再將全部放入一個大嘅密實袋﹐ 先再放入冰箱。要嘅時候就拎返需要嘅分量解凍即可用。
******************************
食譜：- 約二至三人用
材料：
花膠 - 2隻
螺片 - 1片
淮山 - 8片
杞子 - 適量
龍眼肉 - 適量
豬展 - 1斤
我的做法：
1. 冰箱取出花膠、螺片浸軟. 豬展洗淨汆水備用.
2. 其他材料沖洗略浸備用.
3. 將所有材料放入燉盅﹐再加入約 1.5 公升滾水﹐隔水燉四小時 (水滾後轉細火)﹐落鹽調味即成.
(備註：杞子也可以在最後十五分鐘才加進去﹐各有喜好)
另一燉湯推介：花膠螺頭瑤柱燉湯 (附食譜)
