一直都好想買『夜香花』做冬瓜盅
其實我都唔知點解每每見到冬瓜盅時
就會見到呢種一粒粒嘅『夜香花』
其實我都唔知點解每每見到冬瓜盅時
就會見到呢種一粒粒嘅『夜香花』
據資料解說：『夜香花』原名叫『夜來香』
用途：夜來香枝條細長，夏秋傍晚，黃綠色花朵開放，
飄出陣陣濃香，在南方多用來佈置庭院、
窗前、塘邊和亭畔。
又是以花和花蕾供食用的一種半野生蔬菜。
具清肝明目之功效，可治療目赤腫痛，麻疹上眼、角膜去翳等。
其花、葉在夜間吐放地濃香氣味（含丁香生物鹼等毒素），
也容易使人頭暈、失眠、甚至氣喘、胸悶、全身不適。
收工經過菜檔時竟然比我見到~ 呵呵﹗
不過來得太突然 未準備好要做冬瓜盅呀 >"<
但又唔想嘥左呢個買『夜香花』嘅機會
(好似視夜香花為珍貴罕物 ~ 好白黐呀 XDDD)
其實只需用好少
三蚊一兩 ~ 就買一兩玩吓啦 XP
嚟唔切燉冬瓜盅 簡簡單單煲個冬瓜湯都好吖
喺菜檔順手買埋冬瓜 再去買瘦肉
要冬瓜發揮其功效必須連皮煲
冬瓜洗淨切大件 瘦肉切大件汆水備用
走左去藥材舖買左包現成嘅祛濕湯包 超方便
祛濕湯包已有蜜棗、川草薢、燈芯花、苡仁、澤瀉、蓮蓬…
返屋企倒晒出嚟 沖沖水就可以
我真係覺得煲湯好簡單
水煲滾… 1~2~3 倒晒 D 材料落去
大火煲滾 再轉細火煲兩個半鐘加鹽就搞掂
唔好將『夜香花』放埋落去呀 (會黃晒架)
只要摘返 D 『夜香花』變成一粒粒
沖洗乾淨後隔水備用
飲湯時加幾粒落去就得架喇
香味會經湯嘅熱力慢慢微微散發出嚟
青綠色咁搶眼 用嚟點綴吓都靚呀
Yeah (鼓掌) 就係咁簡單~
