呢埋天氣超不爽
變化不穩時冷時熱 稍一不慎就好易中蕉
隔嚟左右唔係感冒就咳 危機四伏
依家最慘就係病菌橫行霸道
中左蕉嘅 睇一次醫生都未必可以好得返晒
身邊嘅情人、朋友都有不少已中伏
情人病左成個星期 發燒、感冒同咳樣樣齊
西藥食得多好鬼燥 想快 D 好又不得不食
但中國人嘛 始終不及中藥或湯水內調有益
成日都話由內以外就係最好
多飲湯水 除左身體好面色都會通透紅潤 D
咳咳咳… 最好就係煲羅漢果
有人鍾意就咁用羅漢果煲水飲
我就唔係好接受到淨係用羅漢果煲水嗰陣味
所以搵 D 食材配搭一下
成件事即刻開心晒 ~ 呵呵呵…
慢慢享用
據資料… 中醫以其果實入藥，含有羅漢果甜苷、多種胺基酸和維生素等藥用成分，主治肺熱痰火咳嗽、咽喉炎、扁桃體炎、急性胃炎、便秘等。是中國廣西桂林市著名特產，是桂林三寶之一。
羅漢果又稱為甜味素，因其甜度高、熱量低而作為甜味劑廣泛使用，常作為肥胖者和糖尿病患者的代用糖。
產地：羅漢果對生長環境要求十分特殊，只有在中國廣西北部才能生長。中國廣西永福縣、融安縣、臨桂縣是羅漢果的三大產地，產量佔全球90%，其中永福縣是原產地。目前，全球羅漢果的年均產量僅為1億枚左右。
性味與歸經：甘，涼。歸肺、大腸經。
功能與主治：清熱潤肺，滑腸通便。用於肺火燥咳，咽痛失音，腸燥便秘。
******************************
食譜：- 四至六人份量 (太多就除 2 啦 ^^")
材料：
螺頭 - 4兩 (152g)
瑤柱 - 6粒
南北杏 - 6錢 (24g)
淮山 - 2兩 (76g)
羅漢果 - 1個
粟米 - 1條
紅蘿蔔 - 1條
瘦肉 - 1斤
我的做法：
1. 螺頭、瑤柱分開用清水浸過夜。
2. 螺頭用薑蔥汆水去除腥味﹐瑤柱跟水一同留用﹐瘦肉汆水備用。
3. 粟米及紅蘿蔔去皮切段及切件﹐其他材料則沖洗備用﹐羅漢果開半。
4. 將所有材料放入約3.5公升的滾水﹐待水滾後用轉細火煲多兩個半鐘﹐落鹽調味即成。
