遷後第一煮 (附食譜)

早前搬屋  執野執到進入瘋狂狀態

太多事情要安排  要買  要搬  要夾時間等等…

沒辦法 ~ 除左衫之外  我擁有嘅雜物實在有太多

剩係整餅 D 廚具、包裝品都兩大箱 ~.~"

仲其他碗碗碟碟、文具、小玩意… 唉﹗
就係我咁多年嘅資產 XP

(我係唔會掉低您地架 T.T 嗚嗚嗚~~ )

搬屋呢個動作太大工程  加上要返工要早起身

簡直係攰上加攰  但唔執又唔得

幸好  依家已經搞妥得八八九九

(仲有嗰一一二二要回回氣先 >.<")

雖然遷入之後都幫新居添設左 D 小玩意 / 小物 (遲 D 分享)

不過最想都係煮吓飯仔

好好感受吓一個由零開始建立到樣樣齊備嘅安樂窩

煮左情人愛食嘅『蠔油炆薯仔雞翼』、
『鹹酸菜炒牛肉』、『XO醬西蘭花炒雜菌』

笑話來了 ) ) )
情人話：點解 D 薯仔咁甜嘅
我：因為係我煮架囉 (心裡沾沾自喜 以為情人讚我)
情人：唔係呀﹐真係好甜﹗﹗﹗
我：傻了眼 (情天霹靂)
答案：我諗係我落糖吊味時重手左 XDDD (好白痴囉)

喺 759 阿信屋買左個『QA大理石紋中炒鑊28CM』 (電磁爐適用)

呵呵﹗ 折埋都係 HK$100 左右 ~ 抵用超讚

先嚟個開鑊儀式… 煎雞翼 Hahaaa XDDD

要煮『蠔油炆薯仔雞翼』其實超簡單

睇睇食譜~

雞翼解凍：抹乾後落生抽、老抽、糖醃 20-30 分鐘

再落生粉同油再醃多陣

薯仔：去皮略沖洗  澀乾水切大粒備用

開始囉~~  落少許油﹐中大火將雞翼煎至兩邊金黃色

再落薯仔炒幾炒  轉大火加水至可蓋過雞翼同薯仔

水滾後加入蠔油拌勻後就可轉細火炆約 30 分鐘

試吓薯仔夠唔夠淋  唔夠就再炆 (自己睇情況要唔要加少少水)

蠔油我都好隨意﹐落左約 3-4 個湯匙

見收汁到咁上下  就可以加少少糖吊味 XD

呵呵~ 大功告成﹗﹗