因為八號風球下嘅天兔﹐令我可以安在家中﹐樂得清閑
預知會掛八號前 (ノ^_^)ノ 想落去超市買定舊瘦肉煲湯﹐仲睇吓有咩要順便買埋
點知落到超市… 第一次見到咁多人 (≧▽≦) 可謂人山人海呀
┗(＾0＾)┓ 有理冇理﹐拎返架 Benz 慢慢行 ┏(＾0＾)┛
行完返屋企就開檔﹐呵呵﹗
整好晒 ~ 煲落湯就 Hea 吓﹐邊睇電視、邊執相、打 Blog﹐ 爽﹗
兩三個鐘眨吓眼就過﹐我煲『舞茸黨參何首烏煲瘦肉』就搞掂 ლ(´ڡ`ლ)
Easy Job (*˘︶˘*).｡.:*♡
見青椰菜又靚仔又特價 ヾ(●´▽`●)ﾉ彡☆ 買左個用嚟炒烏冬
再加左包金菇菜同一個燈籠青椒 + 四包烏冬
懶人模式著左燈﹐就買已經醃好左嘅豬扒﹐煎香切條加埋入 d 烏冬度再炒兩吓
就成就左我嘅大業『豬扒炒烏冬』囉﹗呵呵呵~
好大煲？﹗都係架~ 預埋小玉 (●´∀`)Ω 同 ★Ω(´∀`●) 啊神 (扮乖吖嘛)
真係多到四個人都未必食得晒
☆*:.｡. o(≧▽≦)o .｡.:*☆
******************************
『舞茸黨參何首烏煲瘦肉』
食譜：- 約六至八人用 (太多就將份量除二啦 ^^" )
材料：
舞茸 - 2兩
杞子 - 1兩
首烏 - 1兩
黨參 - 2兩
雞心棗 - 約16粒
瘦肉 - 1斤半
我的做法：
1. 所有藥材沖水備用﹐雞心棗略浸去核﹐舞茸浸軟沖洗乾淨.
2. 瘦肉汆水.
3. 將所有材料放入六公升的滾水﹐待水滾後用中火滾 15分鐘.
4. 轉細火煲多二個半鐘﹐落鹽吊味即成.
