收到盒好靚嘅『有枝車厘茄』﹐想做沙律又想煮意粉
☆*:.｡. o(≧▽≦)o .｡.:*☆
好似好耐都冇開過爐 ~ 好啦﹗一於煮嘅意粉
屋企一定有『雞翼』做存貨﹐再走去超市買左樽『蕃茄意粉醬』同『磨菇片』
又見到『辣煙腸』做特價 ~ 買埋加料先﹐呵呵﹗(*´∀`*)
『意粉』烚好、『車厘茄』浸熱水去皮、『磨菇片』沖水兩次、
『辣煙腸』切片﹐『雞翼』輕輕略醃半個鐘 ~ 煎香備用
『辣煙腸』煎兩邊 (香口 d )﹐加入去皮『車厘茄』、『磨菇片』繼續炒
倒入適量『蕃茄意粉醬』﹐再加入『意粉』炒全熱﹐
加埋已煎好嘅『雞翼』就 OK 囉﹗
【鮮茄雞翼辣煙腸意粉】就完成喇
ლ(´ڡ`ლ)ლ(´ڡ`ლ) 冇難度架呢﹗ლ(´ڡ`ლ)ლ(´ڡ`ლ)
