新年第一擊
試吓玩 D 新野先 Hehee...
之前喺 Aeon 買左包炸粉返嚟
遲遲都未用 都係時侯幫佢開吓齋
又咁啱冰櫃有兩條白魚柳未煮
呵呵呵 ~ 仲唔係您！天助我也
收工九秒九衝去買埋其他野
一心以為自己好犀利 好快就搞我掂
點知……！九點先食得 XDD
其實炸魚真係好易
只要喺白魚柳面蘸上
一層麵粉 一層蛋漿 一層炸粉
就可以拎去炸
點知白魚柳解凍後有好大陣腥味 >.<""
沖左一陣水 印乾佢 就加左 D 海鹽同黑胡椒粉醃左陣
幸好！真係好左好多~ 冇咁腥
之後就將佢切件 就做返上面個部驟
一層麵粉 一層蛋漿 一層炸粉
呢一個環節我好呢 Hea 吖 XD
我用左一吋高嘅生油喺個煮麵煲煮熱
因為我都甚少炸野 所以用中火將油慢慢煮熱
將木筷插入 見到有細細嘅氣泡浮上就可以
唔好煮到 D 油咁滾
唔係一放落去就好易濃 而入面又唔熱未熟
可以先放一至兩件入去試一試油溫
我大約每件炸左三分鐘左右
之後就放喺墊有廚紙嘅碟上面輕輕印減多餘嘅油份
再用另一個煲煮埋個粟米汁
個粟米汁只係罐頭粟米湯 加左少少水
煮滾左就可以熄火上碟
咁就完成架喇！
我嘅代表作『粟米斑塊』
我想講好好味呀 ) ) )
雖然係麻煩 D 不過食嗰陣真係好開心
可能又係第一次整 特別有滿足感 XP
炸粉
『蒜頭豆豉蒸南瓜排骨』
呢個餸已經做過幾次
又容易 又好味
喺邊醃排骨嘅時間又可以做其他野
開飯前拎去蒸八分鐘 撒上蔥花就得！
『魚湯浸豆腐磨菇娃娃菜』
只需要一粒 "鮮魚濃湯寶" 就幫到您
水滾後加入一粒鮮魚濃湯寶
略拌勻一下
再將已準備好嘅娃娃菜同磨菇一齊滾
煮至菜淋就可以落埋 D 豆腐
煮多 2-3 分鐘就食得
方便到不得之了 完全無技術可言呀！
希望您地都鍾意啦 >3<
