用紅棗必須要揀雞心棗﹐雖然冇買現成嘅去核紅棗咁方便﹐但煲得湯必須用料靚﹐先至可以發揮其功效﹐所以冇得懶唷。
早前見到有大大粒﹐色澤紅潤又有光澤嘅雞心棗﹐買左四兩(約HK$15)看門口﹐啱啱又用得著 Very Good ^_^
******************************
食譜：- 約六至八人用 (太多就將份量除二啦 ^^" )
材料：
佛手瓜 - 5-6個
生熟薏米 - 各1兩
淮山 - 2兩
雞心棗 - 約20粒
陳皮 - 1片
瘦肉 - 1斤半
我的做法：
1. 瘦肉汆水備用.
2. 佛手瓜洗淨切件備用.
3. 生熟薏米、淮山、雞心棗及沖水洗淨. (雞心棗去核﹐陳皮用刀背去囊)
4. 將所有材料放入六公升的滾水﹐待水滾後用中火滾 15分鐘.
5. 轉細火煲多二個半鐘﹐落鹽調味即成.
