三界五行：做個有覺悟的人

(轉貼自東方日報 2013.03.27 - 名家專欄 ~ 方向宇)

三界五行：做個有覺悟的人

佛教講求覺與悟，佛，全稱「佛陀耶」，是梵文音譯，意譯就是覺，佛的信徒，即是有覺悟的人。


覺的境界，也是覺的功德，有3個層次：一是自覺，我們俗世現在常用的自動自覺，就借用佛教名詞，自我覺醒、自我覺悟；二是覺化，一個有自覺能力的人，嘗到自覺好處，與人分享這個經驗，就是覺化；三是覺行圓滿，這是最高境界，不是一般人可以做到。覺，是修為目標。

至於悟，是修為的具體方法與途徑，主要有漸悟與頓悟。佛教傳入中國，本來無漸、頓之分，因為《心經》說，無智亦無得。但到了神秀的「時時勤拂拭，莫使惹塵埃」，主張以循序漸進的方法學佛，這就成了漸悟。而慧能的「本來無一物，何處惹塵埃」，成了頓悟，頓悟是醍醐灌頂，大徹大悟，忽然靈光一閃，開了竅。

漸悟與頓悟不是對立的，兩者可兼容，就等於一個小學生，應讓他養成自覺學習的良好習慣，在未開竅之前，只有循序漸進。做人處世，自然、自在、自覺、自主、自理才是快樂之源。


謝謝方向宇大師分享

辣味玉米片加工

~轉貼舊文~

星期六橫風橫雨﹐冇得去游水就留喺屋企煮下飯仔

煎牛排、整媽薯、做沙律同小食﹐用左兩包墨西哥玉米片加工﹐加茄汁豆、青水欖、洋蔥﹐再灑一層 Mozzarella Cheese 就入爐…

雖然都仲係同出面果 d 冇得比﹐不過我都係貪得意玩下 XP

綠豆薏米老黃瓜湯 (附食譜)

呢排好心歸 ("⌒∇⌒") 收工就走去街市買野煲湯﹐嘻嘻嘻… 梗係有 d 野嘅﹗ヾ(＠＾▽＾＠)ﾉ

煲返個啱夏天飲嘅湯水﹐『綠豆薏米老黃瓜湯』材料簡單又有益… 功效﹕綠豆清熱解毒﹐清暑利水﹐薏米利水去濕﹐有健脾之效﹐老黃瓜清熱止渴﹐利水解毒… 總之就好啦 ヽ(●´∀｀●)ﾉ

******************************

食譜：- 約三至四人用

材料：
老黃瓜  -  1個
綠豆  -  1兩
生薏米  -  1兩
陳皮  -  1片
蜜棗  -  3粒
豬展  -  12兩 (3/4 斤)

我的做法：
1. 豬展汆水備用.
2. 綠豆、生薏米洗淨浸透﹐陳皮浸軟用刀背去囊﹐蜜棗沖洗乾淨後備用
3. 將所有材料放入三公升的滾水﹐待水滾後用中火滾 15分鐘.
4. 轉細火煲多二個半鐘﹐落鹽調味即成.

栗子炆雞翼 (附食譜)

鍾意食雞翼嘅又點止我一個﹐大大話話我都識整十款八款唔同嘅雞翼 ლ(´ڡ`ლ)

尋日唔記得喺邊﹐無意見到『栗子炆雞』呢樣野﹐呢個… 我真係未整過喎﹗今日就上去啊蘇 (蘇施黃) 個飲食網睇吓有冇食譜可以偷吓師 ╰(*´︶`*)╯♡ 咁啱同小玉傾電話時佢講『栗子炆雞』﹐我就問咩咩『栗子炆雞』呀？原來佢見到某雜誌介紹梁堯祖教整『栗子炆雞』﹐呵呵呵﹗又會咁啱嘅﹐我今日都搵緊呢個食譜﹐佢就拎去 Scan & Send 左呢個食譜比我﹗Yeahhh~~ (´ε｀ )♡ 小玉啜啜先 ~

睇晒兩個食譜﹐綜合左 d 煮法同意見﹐收工就去買材料囉 ┗(＾0＾)┓ ┏(＾0＾)┛好鬼衰﹐呢排真係零舍有衝勁架啫 Hehehee... 部份菜檔都有栗子買﹐菜檔姐姐教﹐返嚟煲 d 水﹐水滾倒晒落去滾兩三分鐘﹐d 皮就好易去﹐如果太熱就用條毛巾包住粒栗子擦拭 d 皮就會易 d 甩。哈哈﹗(★^o^★) 真係得﹐好易咋﹗

不過如果您鍾意食栗子就買多少少﹐因為要預有 d 栗子係壞 (包住層衣睇唔到架)。我有 d 擔心栗子唔夠腍﹐所以去完衣之後切左一半再烚左陣﹐烚完偷食試吓腍唔腍﹐嗯嗯﹗腍喇 ~ 好味 ლ(´ڡ`ლ) 偷食… 再偷食… ლ(´ڡ`ლ) (所以要買多少少囉) Hahahaaa.... (≧▽≦)

原來都唔係比想像中咁難整﹐切吓炒吓炆吓… 就有成品喇﹗希望您鍾意啦 ╰(*´︶`*)╯♡

花膠螺片燉豬展湯 (附食譜)

人生第一盅燉湯… 哈哈哈﹗講得好嚴重~ 咁呢個又真係事實吖嘛 ☆*:.｡. o(≧▽≦)o .｡.:*☆ 

早兩日心血來潮去街市買左一大堆野 (ﾉ≧∀≦)ﾉ (好似誓要拎到自己屎為止)﹐其實係見好朋友呢排忙到不得了 (連7-11便利店都唔得閒去喎… 佢話﹗(¬_¬)" )﹐我又幫唔到咩手﹐所以就發揮自己嘅唯一嘅強項… 整 ~ 野 ~ 食 ~ ﹗哈哈 ヾ(＠＾▽＾＠)ﾉ 

好起勁係咁喺屋企整整整 (≧▽≦) 整左一 d 佢鍾意食嘅野﹐仲有呢個『花膠螺片燉豬展湯』比佢補吓身 (´ε｀ )♡ 呵呵呵~ 好彩乜野都一早準備好晒啫﹗(´∀｀)♡ 我真係冇乜野可以幫得上﹐呢 d 小小嘅心意 + 支持希望叫做幫到您啦﹗( ˘ ³˘)♥ 可能喺您安定落嚟嘅時間﹐就係我功成身退之時。好朋友就係咁樣互相扶持。

煲湯同燉湯準備功夫大同小異﹐燉湯係以隔水烹調方法滾四個鐘或以上﹐冇比明火直接煮理 (´∀`) 燉湯對食材嘅破壞性冇咁高﹐可以提煉出食材嘅精華﹐保存返食材本身嘅功效同營養價值 ლ(´ڡ`ლ) 多數人喺屋企燉湯都會係用上比較貴價 d 嘅材料﹐例如花膠、冬蟲草、燕窩… ╰(*´︶`*)╯♡ 等﹐同時燉湯真係比較清甜﹐唔會好似煲湯出嚟嘅顏色咁混濁﹐大部份嘅食材都可以食得返而且唔會因為煲得過火而韌… 等等好處 ヽ(●´∀｀●)ﾉ 煲湯就係直接用明火迫食材嘅味道出嚟﹐各有各好﹐一樣有佢嘅功效同營養價值﹐只係燉湯比煲湯檔次更高咁解啫 p(*＾-＾*)q

海底椰蘋果雪梨水 (附食譜)

呢排食左好多熱氣野﹐收工走去飲左杯『野葛菜水』之外﹐仲走去買雪梨同蛇果﹐煲左呢個清潤『海底椰蘋果雪梨水』放喺雪櫃當水飲 ╰(*´︶`*)╯♡ 我要多 d 滋潤 ( ˘ ³˘)♥ Hahahaa.....

最好煲定水先﹐切好雪梨同蛇果後可以立即放入﹐免得氧化變黃醜醜啊﹗ (ﾉ≧∀≦)ﾉ

******************************

食譜：- 煲完大約有 1.5 Ltrs﹐請預備器皿載唷﹗(*´∀`*)

材料：

海底椰  -  5錢

雪梨  -  5個

蘋果  -  5個 (我用蛇果)

百合  -  5錢

無花果  -  4粒

我的做法：

1. 雪梨、蛇果去皮去芯切片.

2. 其他材料沖洗略浸. 無花果切半.

3. 將所有材料放入約 2.5 公升滾水﹐待水滾後用轉細火煲多一個半鐘即成.

泰式酸辣鳳爪 (附食譜)

呢個夏天﹐剩係整呢個『泰式酸辣鳳爪』都整左四五次﹐哈哈﹗好多 Fans 支持 (★^o^★) 多謝多謝﹗

您地要食我梗整﹐最緊要您地食得落就得… ╰(*´︶`*)╯♡

之前叫我整~ 我都懶懶地 w(@。@;)w 因為地方淺窄﹐要特登搬部 KA (食物處理器) 出嚟打個汁﹐打開就順便打一過打多少少放雪櫃 ヽ(●´∀｀●)ﾉ 只要小心處理都可以放到一個多月。呢個『泰式酸辣鳳爪』唔難整﹐都係嗰句… 煩 d 啫﹐哈哈﹗☆*:.｡. o(≧▽≦)o .｡.:*☆ 

天麻川芎瘦肉湯

早排睇完中醫飲左兩次中藥﹐到試吓呢個湯水 (*´∀`*) 呢個湯水係年頭靚媽帶我去買藥材時個中醫教嘅﹐我都係鍾意飲湯多 d (*´˘`*)♡

近日眩暈頻頻 w(@。@;)w 其實早早就買晒藥材唸住煲呢個湯水﹐次次都係咁﹐擺…擺…擺… (一。一;;) 唔逼埋身都唔去煲。多數 d 人都係煲『天麻川芎煲魚頭』﹐但中醫師話依家 d 魚頭太肥膩﹐唔適合用嚟調理身體喎 ~ 哦哦﹗(ノ^_^)ノ 所以就叫我煲瘦肉。

Hm.... 飲落甘甘地咁啦﹐都 ok 接受到 ╰(*´︶`*)╯食完一輪生日飯﹐旅行又去埋﹐忙完晒要乖乖多 d 留喺屋企﹐努力煲吓湯先得 ("⌒∇⌒")

白果薏米腐竹蛋糖水 (附食譜)

靚媽煮嘅『白果薏米腐竹蛋糖水』係我食過之中最最最好味 ლ(´ڡ`ლ) 每次去佢屋企我都好唔客氣話比佢知我好想食﹐佢就會整定 ("⌒∇⌒") 講左好多次話搵次早 d 去佢度學﹐一味都係得個講字… (~_~;) 早排同 Daddy 食父親節飯﹐Daddy 幫我喺樹記買左 d 腐皮碎 + 扁竹放在喺冰箱﹐唸住去完日本返嚟就整﹐所以上次去靚媽屋企就問定佢點整 ヽ(●´∀｀●)ﾉ

靚媽話唔好懶﹐白果要買原粒自己去殼去皮﹐而靚媽煮腐竹蛋糖水係用『竹絲雞雞蛋』﹐我都係喺佢度先第一次食﹐Size 比雞蛋細 d ﹐蛋味都好香~ 不過唔記得有咩益處﹐哈哈﹗啱咁又比我喺街市見到就買左五隻 (好貴﹐都要成兩蚊隻 >.<)

其實煮呢個糖水都好快﹐亦冇咩難度﹐只係去白果殼同皮要花 d 時間﹐記得白果要去埋芯﹐唔係食白果嗰陣就會苦… 我就係唔記得左 ~(>_<。) 煲完先隔返 d 白果出嚟去芯 (¬_¬) 超豬兜﹗