楓糖漿戚風

屋企得返四隻蛋﹐諗起家姐病左﹐要食 d 野先可以食藥﹐就做左佢鍾意嘅戚風蛋糕。每次家姐食戚風都話"非呢骨"﹐見您咁識貨﹐我會識做呢^^~

加埋我愛嘅楓糖漿真係不得了﹐聞到楓糖味就諗起當日雪雪兔請我食的包包﹐回味無窮~~~

今次調低少少溫160度焗多10分鐘﹐試下會唔會可以減低收縮後一節濕濕既情況﹐不過效果沒有分別﹐有待研究。

上堂去。。

~轉貼舊文~

好耐都冇去過紅色廚房上堂﹐巧掛字啊蛇添。呢個蛋糕想學好耐『百爵紅茶朱古力蛋糕』﹐用濃郁朱古力蛋糕做底層﹐內餡有百爵紅茶燉蛋、朱古力趣趣﹐包上香滑牛奶朱古力慕思 ~ 再用噴槍噴上一層薄薄既白朱古力

原來啊蛇話之前學果 d 係有加 Lemon Filling ~ 不過有同學話麻麻地﹐所以就刪減左﹐肯接受意見不斷改良嘅精神非常讚 (鼓掌) XD

百爵茶&朱古力都啱我﹐屋企冇噴槍冇得再玩﹐而且要玩就要好大工程去開個檔 >.<

程序都煩複﹐而且甩模又巧功夫﹐不過做完出黎外型都好靚好吸引﹐用三個鐘都係值得嘅 ^_^

試完一件之後覺得好好味﹐細細件又唔太漏﹐好清香既百爵茶香﹐而且個慕思好滑﹐又一個 Encore 之選 ^o^v

(PS: 仲有要多謝『啊謙』&『Jason』兩位高徒既協助下完成)

贈『冰雪』提子牛油蛋糕

~轉貼舊文~

『冰雪』記唔記得您個名點黎？

係比您發現左我地個秘密﹐海鮮同您改架… 哈哈~

少左您陪我去﹐再冇得喺 6 樓花園吹水講核突野

見到人噤左制又唔入 Lift ~ 又會唸起我地 d 賤格野 XDDD

得閒多 d 返嚟呀衰婆 ~ 再唔係睇下今年 Outing 去冰樹 Join 我地啦

知道您返黎探班﹐特意為您做左過『提子牛油蛋糕』

唔好再話《點解冇我份嘅!!》=.="

記得您提過話您媽咪次次都話要提子提子

所以今次落左﹐唔知您同您媽咪又鍾唔鍾意呢 ^3^

A貨莎莉蛋糕 (附食譜)

見餅友推介又心思思想試下﹐材料做法都好簡單﹐同平時做磅蛋糕大同小異﹐唯一係打好的麵糊比平時杰身得多﹐未出爐已經傳出牛油香﹐出爐就梗係… 靚啦!! Yo Yo~

影完第一張就脫模放涼﹐之後偷食左邊位個片﹐哇!! 果然冇介紹錯﹐好正呀 ^_^

唔太乾唔太濕﹐總之就正啦!! (讚呀) XDDD

******************************

食譜轉貼：-  小吱喳

材料：-
金罐牛油 120g
糖霜 90g
蛋 2隻
奶 16g
低粉 100g
栗粉 35g
泡打粉 1/4tsp

預熱焗爐：-
170度

我的做法：-
1. 牛油與糖霜打勻至羽毛狀.
2. 蛋先打散及分次加入用機打慢慢打勻.
3. 加奶打勻
4. 加入已過篩的粉類，用膠刮拌至完全均勻.
5. 倒入焗模中，放入已預熱170度的焗爐中焗45分鐘.

** 焗到10分鐘，用濕左水嘅刀在蛋糕面中間界一下，蛋糕面會開得靚 d.
** 如果怕面太燶，可在最後10分鐘在蛋糕面輕輕放上一塊錫紙

夾心果醬曲奇

見到餅友做個夾心曲奇咁鬼得﹐一於就有樣學樣照跟﹐睇食譜都好似好簡單﹐以為唔係好難﹐殊不知掉已輕心添﹐雪完就印模啦。

哇!! 作屎囉﹐咁難甩既？已經分左兩盆輪流雪同印花﹐搽完蛋白就入爐 (我有睇火架) 出爐後成個人灰灰地﹐以為自己整緊變形金剛﹐左砌右砌先合得埋﹐差啲連果醬都唔想搽 >.< 廢事嘥晒。

原來身邊真係高手雲集、臥虎藏龍

一試便知龍與鳳 … 救命呀 ~>.<~

連環失敗

~轉貼舊文~

由星期六晚開始做個『肉桂戚風』失敗﹐第二朝再接再厲做個『泡芙』﹐以為好簡單﹐原來唧果下係咁高技巧﹐搞到個個好似不倒翁咁企唔定﹐一怒之下被吞掉﹐冇影相﹐連吉士忌廉都唔願做  >.<"

再繼續做個『果醬夾心曲奇』差 d 暈埋係度﹐原來要印要花咁耐時間同心機 +_+

結果係點… 有待公佈 =.=""

講返個包包﹐上次拎左兩個包包去送人﹐接到柯打話唔要有餡 ~ 得。得。得。收到!!揀左個『65度湯種祼麥包』改用左代糖整…

好在 ~ ~ ~ 冇失手﹐如果唔係就真係醜屎鬼囉 ^o^v

糖醋排骨

~轉貼舊文~

試過幾次後﹐我學會了煮糖醋排骨﹐雖然人人嘅做法唔同﹐味道卻有所出入﹐希望您吃回當初的回憶﹐今次做得不夠好﹐下次我會做得更好… 『我會做好呢份工』

冷麵

有時日抖起身唔想食太多﹐我就會唸起煮冷麵﹐煮個冷麵過冷河

再切些青瓜絲同火腿絲作伴菜﹐就食得喇 ^_^

呢隻冷麵係我首選推介呀﹐煮佢兩三分鐘就可以拎去過冷河架喇

『揖保乃系素麵』

冬菇肉丸粥 (附食譜)

我好鍾意食粥﹐有時 Lunch ~ d 同事問去邊到食﹐我答佢地食粥﹐佢地就覺得係因為病﹐對著這奇怪意識真摸不透 +_+""

******************************

煮粥前一晚的準備：- (懶人做法﹐米就會快 d 開花 ^^" )

- 米洗淨加少許油、鹽、水放入雪櫃 (水要浸過米)

- 免治豬肉加糖、生抽、粟粉、水同油撈均﹐用手唧定波波入雪櫃定形同醃.

- 冬菇浸水﹐第二日去蒂切片.

- 第二日煲水，水滾落米煮三十至四十五分鐘至米開花，加埋冬菇同肉丸煮多十五分鐘﹐落鹽吊味即成. (要用個高身煲﹐唔係會彈到四圍都係)

肉桂小餅

記得應承過您﹐做您愛的肉桂小點給您吃

復活節給我充裕的時間﹐做了一大包送給您

希望您愛呢 。。。

肉桂小餅配上您的咖啡﹐唔知夠您食幾耐呢？

我已經預備了下次的肉桂小點食譜﹐快快食完再話我知啊 ~

麻芝腿包

~轉貼舊文~

難得有幾日假期﹐怎可能唔做包﹐沒有準備麵種﹚就來個快嘅 65 度湯種包包。一邊打麵糰一邊煲粥﹐一邊粥就一邊發酵﹐太好太好。呵呵呵~

放入了厚切火腿加入上下兩層的 Mozzarella Cheese﹐印上漲卜卜有機芝麻﹐巧巧味呢 ^^~ 包起兩個拎比朋友明天作早點 ~ 乖 ~ 乖 ~

茉莉花抹茶戚風

我都算係一個幾有 Planning 嘅人﹐有 Planning 個人就即係有目標﹐就算失左預算都可以再 Plan 過。

之前一晚已經唸定第二晚做呢個雪芳﹐所以就一晚前做定個茉莉花茶茶膽﹐第二晚食完飯返到屋企已經十點幾。呢呢拿拿磅粉打蛋白 ~ 十五鐘就入得爐﹐入爐後就走去洗白白﹐出黎就差唔多夠鐘收貨。

除左 Earl Grey Tea 我都鍾意 Jasmine Tea 仲有 Chamomile Tea﹐呢個味道都可以﹐不過我嫌佢都係唔夠香﹐下次等我再沖濃 d 個茶膽再玩過先得 ^_^

煎牛肉薯仔餅

~轉貼舊文~

牛肉薯仔餅好耐都冇整過﹐一邊煎一邊偷食﹐真係好鬼正 XDDD

做法好簡單﹐買 d 薯仔烚淋佢﹐用叉壓成溶﹐加入牛油、雞蛋、鹽、胡椒粉同黑胡椒調味﹐再加埋d 免治牛肉落去 ~ 撈呀撈 ~ 撈呀撈 ~ 就可以入鑊煎架喇 ^o^ 易過借火 XD

煮野食永遠都係咁開心架啫 ^_^

3G Pizza (附食譜)

乜野係 3G Pizza﹐就係我用左三隻唔同既芝士做出既 Pizza 囉

有 Mozzarella Cheese, Gruyere Cheese 同 Parmesan Chesse﹐早幾日已經買晒材料﹐見聽日休息今晚就開工﹐實行自己做一個屬於自己既 Pizza ^^

返到屋企快快手手做好就等發酵﹐等既期間就備料﹐個半鐘倒就有得食﹐超好味呀 ^_^

焗緊 Pizza 嘅時﹐朋友聞到突然間叫『都幾香喎』﹐佢食既時侯仲係咁講『哇~ 好味~ 哇~ 好味 ~ 』搞到人地心都甜埋﹐一個 8x10 吋嘅 Pizza﹐朋友食晒我 3/4 個 Pizza ~ 勁呀 ^^

食譜在此

Pizza 食譜 (附食譜)

我的第一個比薩 (Pizza) ^o^v

******************************

食譜：- (原食譜參考 Vanlily)

材料：

高粉 100g

低份 70g

糖 3g

鹽 3g

依士 3g

牛油 12g

水 100g (80g凍水 + 20g熱水)

做法：

1. 用20g 水浸依士1-2分鐘.

2. 所有粉類篩過, 加入糖、鹽、依士水及剩餘80g 的溫水.

3. 用手將所有材料混合成糰後加入牛油.

4. 用電動攪拌機S棒打5分鐘.

5. 放置30分鐘發酵.

6. 發酵後滾圓, 靜置10分鐘.

7. 展開需要的尺寸入焗盆. (焗盆已篩入少許高粉)

8. 先加一層茄醬. (我用了意粉茄醬, 有埋黑水欖)

9. 加入Mozzarella Cheese墊底.

10. 加入自己喜愛的材料. (我加了Salami, Spicy Jalapeno Chicken Sausage同Onion)

11. 再舖上 Parmesan Cheese 及 Gruyere Chesse.

12. 放了幾顆迷迭香增加香味.

13. 放入已預熱220度的焗爐20分鐘.

Dried Cranberry Rye Bread

~轉貼舊文~

好乖前一日已經做定麵種﹐第二朝一起身就走去磅埋其他野﹐快快手手其實三個鐘已經搞掂。晏晝仲有時間走去逛街﹐奇怪地對呢個包底情有獨鍾﹐平時加入都係核桃同提子﹐今次就變一變佢 ~ 轉做紅莓乾。

唔知道啱唔啱我食呢？

Mini Muffin

~轉貼舊文~

傷患復出好似上左電咁﹐假期天搞到個腦又停唔到﹐手又停唔到…

未整完呢樣就已經唸定下一樣﹐做出細細粒一口一個乾淨又俐落既

『香蕉蜜糖瑪芬』鍾唔鍾意先？

朱古力杏仁曲奇餅

好耐冇好似冇做過曲奇餅﹐搵左個食譜改量左少少做出呢款曲奇﹐打碎左 d 燕麥片加左杏仁片同朱古力粒﹐出爐食左兩件 … Hmm 都唔錯。

如果下次可以再焗多一兩分鐘就會更加 Good 喇 ^^

終於衰左

依舊如常跟食譜做另一款『雪芳』﹐唔知因乜解究 … 衰左 >.<

放涼後起模先知道原來縮左﹐嗚嗚嗚 … 『抹茶雪芳』不日再見﹐因為我樽抺茶粉已經用晒﹐暫時都唔想再買住﹐Byebye 喇『抹茶雪芳』。

不過我仍然會努力再試做其他唔同口味既雪芳~~~

魚蛋

~轉貼舊文~

一粒粒好似魚蛋既物睇係咩黎？講真 … 連我都唔知﹐有次見到有包叫做什麼『麻糬波波預伴粉』﹐見佢都好似好簡單﹐就買左返屋企﹐擺左好耐﹐終於都郁手試試﹐撈完之後都唔知佢想點﹐又唔知佢係咩味… +_+"""""

就係每粒既中間加左兩小粒朱古力﹐焗完出黎都係摸不著頭﹐這東東到底是什麼？食落煙煙 un un 都係唔知佢想點？真無奈 Hahahahaaa