初嘗低溫發酵

~轉貼舊文~

因為夜晚要出街食飯﹐收工見有 d 時間﹐嗱嗱聲返屋企撈、打、搓﹐進行第一次室溫發酵﹐排氣完…

電話到﹐將第二次發酵既責任就比左雪櫃﹐希望佢唔會發得太快

三個多鐘後 … 打開雪櫃﹐見到佢漲到頂住上面果格 >.<" (屎火)

冇理 ~ 照掉入爐焗﹐哈哈哈 ))))

味道冇變 ~ 不過組織好似唔係好同咁 ~.~"

楓糖扭扭包

~轉貼舊文~

難以控制兼失敗之作

玩到成手成檯都係楓糖漿 + 濕淋淋嘅麵糰

唔理咁多 照掉入爐

好硬... 不過趙落又好鬼香楓糖味   照食可也 XDDD

雪糕第一激 - 榴槤味

~轉貼舊文~

上次係澳門冇食到 『榴槤雪糕』﹐所以整返比自己食又可以玩下

第一次整雪糕有 d 興奮﹐不過材料的確簡單﹐比起整蛋糕麵包輕鬆得多 XDDD

辣味玉米片加工

~轉貼舊文~

星期六橫風橫雨﹐冇得去游水就留係屋企煮吓飯仔。煎牛排、整媽薯、做沙律同小食…

用左兩包墨西哥玉米片加工﹐加茄汁豆、青水欖、洋蔥… 再灑一層 Mozzarella Cheese 就入爐。雖然都仲係同出面果 d 冇得比﹐不過我都係貪得意玩吓啫 XP

再黎乜份

~轉貼舊文~

今晚要去 Wine Dinner﹐特意做左試個都話好味嘅什莓乜份

食完晚飯返到屋企十點幾十一點開檀﹐焗左兩底﹐攤凍、包裝搞到點幾鐘…

今朝七點幾又爬起身裝身返工﹐午飯時真係要眠一眠

成世人都係咁﹐剩係唸住希望人地開心﹐自己辛苦少少都覺得冇所謂

因為見到人地開心﹐不其然自己便感到開心﹐對著不懂領情的人﹐感覺卻是自討苦吃對牛彈琴嘅感覺 +_+"

迷你腸仔包

~轉貼舊文~

原來屋企高粉得返好少﹐唯有整嘅半份再半份嘅食譜﹐即係四份之一

不過都幾好﹐唔太多﹐又唔水開大機 KM 打﹐用手提電動攪拌機打到起薄膜都唔太難~

為左要配合番我 d 迷你腸仔﹐做左六個細細粒既腸仔包﹐好得意 ^^ 今日我晏晝食左二個﹐下午茶再食左一個﹐勁!!!

愛不釋手

『雲呢拿雪芳』‥ 都可謂係我雪芳之中最愛嘅一隻味

清香撲鼻之餘﹐軟綿綿又彈手﹐搞到我心思思成日都好想食佢~

我又點可以唔動手呢~

簡單心意 @ 藍莓芝士餅

~轉貼舊文~

咁啱﹐又係我學姐嘅生日﹐雖然好耐冇見佢﹐都想小小地送個心意比佢。

喺地鐵站見到佢先嚟個擁抱﹐感覺好親切好溫暖﹐可能由初中識到依家﹐雖然唔係成日見面﹐不過久唔久我地都會有聯絡互相問候。

同佢喺地鐵站短聚左半個鐘﹐傾計傾到有 d 好似返到屋企人身邊咁﹐好感慨~

最後大家互相鼓勵一番就分開﹐Esther~ 其實您喺我心目中係一個好好﹐好有本事好叻嘅女仔﹐所以我覺得您一定會得到更多更好的 ^3^