黃花閏魚 @ 廚娘便飯

好乖嘅我早排喺屋企密密煮
所以就收收埋埋好多相
一次過出 Post XP

今日仲有時間比我煲埋個靚湯添
正所謂三餸一湯  白飯任裝

忽然間都覺得自己好犀利 (自我感覺良好吓先)

先嚟個『鹹蛋蒸肉餅』

豬肉如果有心機有時間嘅自己刴碎一定好食 D

我就懶… 就去買 D 已經攪爛左嘅

返嚟撻多幾吓就醃佢

醃好晒加埋隻鹹蛋黃就可以拎去蒸

『毛豆蝦仁豆腐』我都係第一次整

拼埋去 D 顏色真係好靚

蝦仁我都唔記得有冇煮過

點解咁講？

因為我挑腸時先知道  條腸喺下面

唔係好似平時嗰 D 咁喺背脊架 XDDD

(好似發現新大陸 ~ 仲即刻同 Daddy 講)

Yeah... 實情我都幾 Like 『清蒸黃花魚』

因為好滑嘟嘟  但就多骨少少囉！我 OK 嘅 ~ 

都算得易處理  又夠滑好鍾意

有個朋友突然有日問我

您條魚上面綠色嗰 D 係咩嚟？

我話蔥囉  朋友話以為我放左成斤菜上去囉

哈哈哈~ 傻的嗎？人地鍾意食蔥吖嘛 ~ 唔得咩 XP

當晚快手快腳煲左個

『蟲草花淮杞無花果雞腳湯』

其實除左買左舊瘦肉去吊味外

其他材料屋企都有

煲左兩個鐘多 D 就飲得！

如果時間許可嘅話

有啖湯水  感覺始於好 D

您地又鍾唔鍾意呢？！