有晚喺 FB 見到朋友仔半夜放毒
整個臘味飯 整好似好好味咁
搞到我勁想食！
即刻上網睇食譜睇吓點整
哈~ 好易啫 (好得戚)
都係切吓粒粒炒幾炒之嘛
咦！要浸糯米浸過夜架？！
哦哦哦…
即刻嗱嗱聲走去浸左三杯糯米
整個臘味飯 整好似好好味咁
搞到我勁想食！
即刻上網睇食譜睇吓點整
哈~ 好易啫 (好得戚)
都係切吓粒粒炒幾炒之嘛
咦！要浸糯米浸過夜架？！
哦哦哦…
即刻嗱嗱聲走去浸左三杯糯米
當晚已經急不及代拎定晒 D 野出嚟
糯米略洗後浸水備用
冬菇、乾瑤柱同蝦米乾準備聽日返工前浸水
臘腸、潤腸用水沖洗表面層衣
全部切定晒粒粒 包好放返入雪櫃 (天冷可不入)
咁我聽晚放工返嚟就可以快好多
哎呀！點知呢~
第二日返到公司又搜尋吓 D 炒糯米飯嘅食譜嘩嘩… 好似好有學問咁
又帶點複雜喎
咩生炒糯米飯 同熟炒糯米飯
鳴鳴鳴~~~ 咁深架！
原來生炒係邊炒糯米邊加上湯炒至熟
熟炒就係蒸左 D 糯米先再炒
都係唔好~ 嗱嗱聲打電話問功課
朋友仔話依家好少人會生炒
出面食到嗰 D 都係熟炒架喎
仲笑我仲咩浸 D 糯米過夜 浸兩三個鐘就可以
哈哈！無所謂啦
我開始喇… 您地準備好未？
蝦米水倒掉 略沖洗隔水備用
冬菇水倒掉 略沖洗去蒂切粒
乾瑤柱水倒起 留用
臘腸、潤腸粒拿出備用
糯米隔水備用
我先用隔渣魚袋剪開舖左大碟上
將糯米平均舖上魚袋面上 (避免黐碟)
水滾蒸15分鐘 開蓋注入乾瑤柱水
再多加三湯匙雞湯 蓋上蓋繼續用大火蒸多5分鐘
分別用2小碗放入乾瑤柱、臘腸潤腸粒加入一齊蒸
再蒸多10分鐘就可以熄火
前後蒸左合共30分鐘
(蒸好的乾瑤柱撕開備用)
開一鑊加少許油
倒入蝦米乾、臘腸潤腸粒、冬菇粒
同炒數分鐘至釋出香味
加入剛蒸好嘅糯米飯炒勻
用老抽調色 生抽較味
加回乾瑤柱絲拌勻
咁就得架喇！
*如果想炒得更加粒粒
糯米飯可以先用水沖一下
沖走飯面的粘 就可以炒得更加靚
原來臘味糯米飯最花力氣
並唔係切粒粒呢個工序
而係用力炒勻糯米飯至上色平均
哈哈~ 不過都算係一個幾好玩意
又好味 都幾有成功感架
之前一日 突然間好想飲霸王花湯
就走左去藥材舖買左二兩霸王花
再用埋之前用剩嗰半個羅漢果煲埋佢
******************************
食譜：- (約二至四人份量)
材料：
霸王花
- 2 兩
羅漢果 - 半個
海竹 -
數片
紅棗 -
數粒
蜜棗 - 2 粒
南北杏 -
少許
果皮 - 1 角
豬爭肉 - 我買左HK$40
我的做法：
1. 霸王花浸軟，反覆沖洗數次，澀乾水備用。
2. 羅漢果沖沖水。海竹、蜜棗、南北杏略浸洗。
3. 紅棗、果皮浸軟去核去瓤。豬爭肉去肥，沖洗後汆水備用。
4. 先放入豬爭肉於
3 公升滾水煲 15 分鐘。
5. 再將所有材料加入，水滾後轉小火煲 2 個小時，落鹽吊味即成。
