又難捲、又難切 (附食譜)

既簡單又好食既『朱古力杏仁曲奇餅』﹐所需份量好簡單﹐我做二十幾塊

***不過呢!!! 好難捲、又難切得好.... 請各位指教 ***

例如用咩野先可以做到長方形﹐又或者圓形呢？ 我嘗試過放入淺盆中﹐都係好難做形﹐最後都係動手做。雪硬左之後非常難切﹐用雙手前後按住把刀先切得開﹐切完上下厚度唔平均﹐而且切到底時有微難 (散散地)。點算好？ >.<

******************************

食譜參考：五星級蛋糕甜品

材料：-  (以下是食譜的一半份糧, 可約做25片)

牛油 75g

砂糖 75g (我放65g)

雞蛋 25g

杏仁片 75g (下次可以減量)

低筋粉 130g

可可粉 20g

預熱焗爐：-

180度

我的做法：-

1. 牛油放軟加糖攪至完全均勻. 再加蛋攪拌.

2. 加入杏仁用膠刮攪勻.

3. 將已篩過的低粉及可可粉加入略攪拌.

4. 用手把麵糰搓揉至深啡色即可停.

5. 焗爐紙舖在淺盆上, 將麵糰平衡地放上.

6. 把焗爐紙將麵燭覆蓋, 用麵糰棍壓至所需形狀, 包好雪至硬.

7. 取出後切一片片放在焗盆上.

8. 用180度焗18分鐘, 熄火後再焗多5-10分鐘.

夜宵

~轉貼舊文~

努力加班中過後﹐孤伶伶嘅我收工就走左去沙地掃把買餸﹐我嘅晚飯差唔多成十點先有得食

見到朋友整左呢個菇菇搞到我好想食﹐順利就買埋材料做伴菜﹐仲要買左兩隻大嘅

見到朋友整左呢個菇菇搞到我好想食﹐順利就買埋材料做伴菜﹐仲要買左兩隻大嘅

仲有呢個小版嘅 Lasagne

唔小得嘅﹐就係呢個主菜焗春雞啦﹐都搞左我好鬼耐架~

什莓乜份 (附食譜)

~轉貼舊文~

好開心 ^_^ 又可以係『吐都烈士』(to do list) 刪減一行﹐呢個『什莓乜份』真係想做好耐

連d 什莓都係冰箱都等左我好耐﹐哇 ~ 估佢唔到… 原來份量咁多﹐撈起左做到成十五隻﹐就比我帶左返公司派街坊 ^o^v

後記：呢個 muffin 原來好好味 ~ 唔太甜﹐必定安哥 (超讚)

******************************

食譜轉載：仙姐

材料：- (15個份量)

牛油 100g

砂糖 70g

雞蛋 2隻

純乳酪 60g

淡忌廉 60g

蜜糖 60g

雲呢拿香油 適量

低筋粉 130g

高筋粉 90g

泡打粉 3g

梳打粉 2g

鹽 1g

急凍雜什莓 適量 (我用左100g)

預熱焗爐：-

180度

我的做法：-

1. 牛油加糖打至羽毛狀.

2. 蛋先打散, 分次加入牛油糊用機打慢慢打勻.

3. 先將純乳酪、淡忌廉、蜜糖及香油完全攪拌.

4. 把攪拌好的濕性材料加到牛油糊用膠刮拌勻.

5. 將已篩過的粉類加入濕性材料繼續攪拌.

6. 最後便加入什莓輕輕拌勻即可.

7. 入模後用180度焗20-22分鐘.

辛苦喇

~轉貼舊文~

夏天係我最怕既天氣﹐做一個『西瓜西米露』

巨型熱狗包

~轉貼舊文~

用左條大大既熱狗腸做左個包﹐再加埋芝士、洋蔥同茄汁一齊焗﹐變成一個巨型熱狗包。

貢大個 … 真個要分兩餐先食得完 XDDD

雙料芝麻飽

~轉貼舊文~

做定17小時麵種做粟米包 (原本係咁唸)

哈哈哈 … 懶就係懶!! 始終都冇出去買料﹐咁就唯有用屋企現在材料吧!! 黑白芝麻醬又有、黑白芝麻粒又有 …  上網搵搵~~

見到 Moon爺 整左呢個做形都好可愛﹐一於就照跟﹐我下次應該加少少奶撈入芝麻醬會好 d。因為焗完出黎好乾﹐不過依然好得意﹐捲捲捲… 不過做方包就唔係太方便﹐一切就散。

黑胡麻雪芳

同我想像中有 d 出入﹐點解唔係全個都係黑色嘅？點解咁矮嘅？？

蛋白混入黑胡麻醬時﹐蛋白消得好快﹐撈多兩撈… 謝晒 >.<

麵糊倒入模時﹐得五乘滿﹐都知道升得唔會高﹐有 d 難度咁囉~

比起平時正常嘅雪芳真係矮左成三份一﹐而且手感同口感都冇咁軟熟﹐乜野解究呢？？？ 

第一個四吋 @ 芒果流沙朱古力慕思蛋糕

~轉貼舊文~

做左個『芒果流沙朱古力慕思蛋糕』﹐朱古力同芒果配搭都係第一次試﹐效果出黎都好夾﹐好好味 XDDD (讚呀)

發現原來朱古力都好多味都好百搭﹐希望細細地既一個蛋糕您會喜歡 ^3^

香芋曲奇

紫色應該係好靚... 不過我呢個紫就真係﹐好耐都冇做唧花曲奇﹐唔咁做咁多怕搞到一團糟。"香芋粉" 都好似冇乜特別味咁﹐定係我落得唔夠多呢？

呢排公事私事都煩得我要命﹐令我非常懊腦﹐無論整食物、寫卜、去玩、講野... 都唔係好願郁﹐典解貢架 >.< 以前既我究竟喺冰樹呀

好想... 出去 散散心 ~>.<~

Dried Raspberry Cup Cake

~轉貼舊文~

跟日嚐甜品2 做左呢個蛋糕仔﹐查實~ 個矽膠模已經買左有一年﹐一直都係藏身於百寶箱中。今次… 到您出場喇 XDDDD

酸辣湯

~轉貼舊文~

正常一星期都唔知有冇食到一碗飯﹐日抖就食粉麵﹐夜晚都會係食餸多

鍾意有 d 野濕下個口﹐有啖湯暖下個肚﹐閒來茅樹撕撕切切﹐就整左個酸辣湯

仲要加埋家姐喺三多買嘅雲吞同水餃﹐超大粒 O_o 食完飽到想瞓 zzzZZZ

足料朱古力瑪芬

~轉貼舊文~

第一次跟仙姐呢個食譜做古力瑪芬﹐想做好耐...

次次見到要用咁多材料先可以整個到瑪芬又卻步﹐嘻嘻!! 不過都終於整左﹐原來個份量都幾多﹐細杯仔都做左成十四個﹐有十二個博老命都嘔到個盆都係﹐貪心之過呀﹗﹗>.<"""

呢隻已經係最好樣嘅一隻 XDDD

唔食都整﹗

~轉貼舊文~

見到人地整呢個西米布甸﹐真係睇到都想食﹐囉囉攣!!唔鍾意食熱甜品都想試一試

少少地整左半個份量﹐咪兩啖都好﹐一個攤凍入雪櫃聽晚食﹐一個就趁熱即刻食~^^

獻醜 @ 天使蛋糕？

~轉貼舊文~

正統既天使蛋糕究竟係點？間間都好似唔同﹐但又好似大同小異!! 真係唔知道 +_+"

參考下、綜合下、加加減減得出黎就係下面呢個~~

抆忌廉真係好難好難﹐而且我都係第一次﹐得過且過都見得下人啦﹐起碼都知道佢係一個蛋糕。 

雖然遲左 d ﹐Janice ~ 祝您生日快樂呀!!!