有意無意喺某餐廳試過一個香草意粉
好香 ~ 而且好好味﹗只係覺得油左 d﹐ 感覺有點膩﹐
所以好想自己試吓整﹐睇吓可唔可以再調較得好 d
煮白汁煮得太多﹐多到都有 d 悶
第一次試煮呢個香草意粉﹐請教過廚師後就膽粗粗試吓
應該… 難食極都有個譜呱 (我估)
其實我呢個煮法真係超易做
材料都係同平時一樣預先炒好再回鑊
呢個意粉嘅重點係… 用『蒜片』爆香至金黃色
加意粉後再落『羅勒碎』繼續炒﹐炒多兩吓就已經香到不得了﹗
由 Amazing Girl 做我第一個食客…
結果係點？？
炒緊嘅時侯﹐Amazing Girl 已經不停叫好香好香喇﹗呵呵~
仲要全部都係佢鍾意嘅青椒、翠肉瓜同雞件﹐又點會唔鍾意食喎﹗
唔驚我下次唔再煮咩 Hehehee....
