唸食咩都係一個超大嘅難題
先要考慮對方唔食咩 (๑-_-๑) 同鍾意食 d 咩
又要考慮買料時間上嘅配合
夠唔夠時間去準備同烹飪
所以最好先寫定菜單
將同一類型嘅野就寫埋一堆 ヽ(●´∀｀●)ﾉ
再分返類買咁就最穩陣 咁就唔會買漏啦
頭盆：薯蓉焗田螺
原來好多人都唔知道出面嘅薯蓉係用薯粉開水溝出嚟
想食有益健康嘅~ 幾時都係自己煮最安全同乾淨
情人第一次食自己整嘅薯蓉 (●^∀^●) 冇錯呀﹗係佢有份整架
┗(＾0＾)┓ ♥ 薯仔我地都鍾意食吖 ♥┏(＾0＾)┛
情人成日話霜降牛肉好味 ( ˘ ³˘)♥
香港地邊度有霜降牛肉買呢？？(滴汗 (¬_¬") 抓頭)
去到 Citysuper 凍肉櫃檯有好鬼多款選擇 有西冷、牛柳同肉眼
亦見到有雪櫃入面有預早切好嘅心形牛扒 ♥
的確唔錯… 但避免太露骨啦(>∀<●) Hahaa...
我驚情人邊食邊打冷震 (≧∀≦)
嚟得 Citysuper 都係希望買新鮮靚食材
所以一定要新鮮 ヾ(●´▽`●)ﾉ彡☆ 唔要冰鮮嘅扒
眼睛已釘中『澳洲黑毛和牛鮮肉眼牛扒』
雪花紋平均而清晰可見 (*˘︶˘*).｡.:*♡ 唔錯唔錯
哇！！HK$155 /100g 食左我隻車咩 ~ 好貴啦 (>д<;)
一塊閒閒地都應該有 3-400g 啦
收工時間 櫃檯開始人頭湧湧
咦！嗰盆黑毛和牛只剩返三片 (*￢ε￢*) 冇乜得揀喎
冷靜冷靜… 退後幾步睇定 d 先
呢位客人要一件 ┗(`･∀･)o ⇒ w(`･∀･)┛ 嗰位客人又要一件
多謝晒！！！m(_ _)m 我就係等您地買啦
店員隨即由廚房添上新嘅一盆放入櫃 (●^∀^●)
呢個時候 我手持架法拉利
以時速過百 ε=┏(;￣▽￣)┛ 而又保持儀態咁片入去有利嘅位置
唔該)))) 我要呢塊 (眼明手快嘅我已經揀左最靚嗰件)
Yeahhhhhh~~~ (ﾉ≧∀≦)ﾉ 大成功
情人主菜：
澳洲黑毛和牛鮮肉眼牛扒
配磨菇燒汁伴青邊豆
情人又送我 Red Bull (飄飄然的一對翼)
佢話好好味道呀 ლ(´ڡ`ლ) ) ) )
仲好快好快就食晒成件扒 ♪♪(●^∀^●)♪♪ (鼓掌)
好彩咋 真係一額汗
定係唔好意思話唔好味咋 (●>_<●) 嘻嘻
如果唔好味嘅就真係唔抵喇 好味嘅都值回票價
好啦好啦 ~ 您乖乖地嘅 唔使等到出年
再請您食多一塊咁多啦 XDDD
☆*:.｡. o(≧▽≦)o .｡.:*☆
到我喇~ 到我喇…
唔牛 (ﾉ≧∀≦)ﾉ 即係得豬、羊、雞揀
雞扒又唔係好想食 o(´^｀)o 烤雞又好難焗到成隻都唔"鞋"
呢刻我猶豫緊買『有骨豬鞍扒』還是『羊架』好
好好好~ 就羊啦
『蘇格蘭頂級鮮羊鞍扒』 HK$74 /100g
都 ok 抵食吖 (*￢ε￢*) (安慰自己)
您好您好… 唔該要呢邊呢三件同埋呢件吖
我嘅主菜：迷迭香烤焗羊架
我呢個羊架味道啱啱好 (´∀`)
係略嫌熟左 D 生返少少都 OK
之不過佢一 D 都唔會因為太熟而好乾似柴皮
仲食到有肉汁 ლ(´ڡ`ლ) 肉質又唔會霉 鮮肉真係唔同 D
下次要再努力先得 p(*＾-＾*)q
至於今晚嘅晚餐我都錯漏百出 (醜怪野唔話您知啦 XD)
哈哈﹗可能連我都有 D 緊張起嚟 Σ(ﾟ∀ﾟ)/
仲要情人出手幫我手壓薯仔蓉 (´ε｀ )♡ 唔該晒您吖
呢個就係我嘅情人節大餐喇
**溫馨 ~ 溫馨 ~ 溫馨**
(●´3` ♥ ´ε`●)
想唔想知我地交換左咩禮物呢？？？
記得繼續留意喇 ╰(*´︶`*)╯♡
~~~~~ ~~~~~ ~~~~~ ~~~~~
簡易食譜
頭盆：薯蓉焗田螺
薯仔 (ノ^_^)ノ 兩個先烚 30-45 分鐘至淋透 (視乎大細)
略放涼一下去皮﹐用叉子將薯仔壓成蓉
將牛奶逐少加入至喜歡嘅稀杰程度
最後加適量嘅鹽同少少胡椒粉拌勻備用
田螺 (ノ^_^)ノ 一罐 Citysuper 有售 (好似有 24 粒)
開罐後將田螺用水沖洗幾次後隔水
切蒜蓉將田螺炒炒去除腥味
薯仔 (ノ^_^)ノ 兩個先烚 30-45 分鐘至淋透 (視乎大細)
略放涼一下去皮﹐用叉子將薯仔壓成蓉
將牛奶逐少加入至喜歡嘅稀杰程度
最後加適量嘅鹽同少少胡椒粉拌勻備用
田螺 (ノ^_^)ノ 一罐 Citysuper 有售 (好似有 24 粒)
開罐後將田螺用水沖洗幾次後隔水
切蒜蓉將田螺炒炒去除腥味
將兩者放入爐兜，用 180-190 度焗 20 分鐘
唔夠色嘅 可以調去 220 度約 5 分鐘上色
*薯仔唔需要全部壓力蓉 食嘅時候口感會豐富 D
『澳洲黑毛和牛鮮肉眼牛扒』
(ノ^_^)ノ 有新鮮而有靚嘅牛扒喺手
其實唔需要用上太多嘅調味料
唔使解凍 亦可以免除去雪味嘅麻煩
我就用左少少蒜鹽撒兩邊醃左半個鐘
就可以拎去煎 而煎幾耐就視乎返個嘅口味
情人呢塊就約四、五乘熟
再將已烚好嘅青邊豆伴碟就 OK 囉 ^^
『迷迭香烤焗羊架』
(ノ^_^)ノ 我個羊架都係搵用左少少蒜鹽撒兩邊
再剪左 D 迷迭香葉一齊醃左半個鐘
用猛火快速煎香四周後 就可以放入焗爐進行 Show Cook
我要食熟 d 嘅 所以就用左 100 度焗約 30 分鐘
最後就用 220 度焗 5 分鐘上色 等佢靚仔 D
~~~
其實所有食譜只可以當作參考之用
因為每樣食材 每個爐火溫度都有差異
所以最好都係睇返自己真實嘅情況而作出調整
試多幾次就會愈做愈好味架喇
試吓啦 ~ 呵呵呵﹗
