碟頭咖哩雞飯 (附做法)

行超市時見到樽裝嘅『利川椰汁咖哩醬』
記得長輩們都話樽裝好味過罐裝
雖然兩者我都冇試過
咁要買當然買樽裝試啦

一心就已經決定要做『咖哩雞翼薯仔』
順便再買埋雞翼同薯仔
仲買多包白菜仔添

返屋企就先將 10 隻雞翼啤水溶雪
白菜仔浸洗  再煮落米

其實樽咖哩醬已經調好晒味

但我都將已溶好雪嘅雞翼略醃

繼續就把薯仔去皮切件備用

雞翼醃好就先煎香兩邊

加埋著仔炒幾下就落埋樽咖哩醬

係成樽咖哩醬 ~ 哈哈… 太大意喇 (先繼續)

加水至蓋過雞翼同薯仔

將咖哩醬同水慢慢拌勻

先用大火煮滾  再轉細火蓋上蓋煮 30 分鐘

炆緊嘅時間已經暈到好香咖哩味

30 分鐘嘅時間  薯仔已經夠淋

雞翼都已經想骨肉分離 Hehehee....

試個味 ~ 哇！好辣呀 >"<

我都覺得辣嘅… 您就知真係好辣

加左兩茶匙三溫糖拌勻就盛起囉！

白菜仔我好簡單  用水白烚就好了

盛起白飯  加上白菜仔  再加埋我地今次嘅主菜

『咖哩雞翼薯仔』就大成功嚕

好好味啊！雖然我都係覺得稍辣左 D

所以我建議用半樽到三分二樽就可以

又或者煮多 D 雞翼同薯仔

自己食唔食得辣

食得幾辣  要先自己試味再調節啊！