花膠螺頭冬瓜盅 (附做法)

好耐都冇煲過湯

興致勃勃搵 D 新搞作先
夏天要消暑都莫過於煲冬瓜

今次就嚟個豪華版嘅冬瓜盅
雖然第一次整
但就冇緊張冇擔心嘅感覺

因為真係好鬼簡單啦 (得戚 mode)

好好 ~ 開始囉

Are you ready??

薑切片 蔥切段 備用

金腿火腿略略沖水

螺頭乾之前一晚浸定  換水數次

第二日取出  剪去污物
(螺頭太大可以切開一半)

用上述薑蔥出水十分鐘去腥味
拿起螺頭隔水備用

花膠已經一早發好晒放左喺冰箱 (按我)
取出解凍  略略沖水

主角出場！

就係呢個重四斤半嘅冬瓜

記得因住自己屋企個煲嚟買呀

仲要預位放個蒸架 同裝冬瓜個器皿

唔係買左返去放唔落就慘慘豬咯~

刀仔除左可以鋸大樹

仲可以用嚟鋸冬瓜架 XDD

先用鐵匙挖走中間 D 囊同籽

用刀仔慢慢沿邊邊界一個圈

(我就預留左1.5cm 嘅邊邊位)

鐵匙同刀仔合作  取出冬瓜用備用

太薄蒸完會好易穿

太厚又會唔夠位方湯料同冇咁靚

所以呢個部驟係最花時間嘅

(我大約花左 15-20 分鐘左右吧！)

之後就用刀仔切埋個 V 字花邊

(呢部份好快  三幾分鐘就完成)

冬瓜肉拎去切晒粒粒

Yeah Yeah... 呢個係我嘅製成品

將材料全部放入

噢噢… 冬瓜粒係放唔返晒入去架

剩返嗰 D 睇吓想另外整 D 乜野啦

(我就留嚟第二日煲左個冬瓜薏米水飲 ^_^")

冬瓜盅加入滾水至九乘滿

水滾後轉小火

隔水蒸 1 小時 熄火待半小時

再用小火蒸 1 小時

(記得睇水呀 ~ 唔好煲乾水)

最後加鹽吊味

有需要可加入少許胡椒粉

大至上係咁 ~ 又係又係嗰句

唔難… 係功夫多花時間囉

屋企人少可以買個細 D 或者迷你嘅冬瓜返嚟玩吓啊

終於打完收工！Enjoy~