慰勞 Honey @ 住家菜 (附食譜)

依家比起以前反而好似煲少左湯
唔得唔得  真係要努力 D
煲返多 D 湯水飲吓補補先得

快快手就揀左個呢個
『眉豆花生雞腳木瓜大魚尾湯』

您地冇睇錯！係魚… 大魚尾湯
魚湯甚少煲… 原因係我覺得手感好核突
總之就係有 D 接受唔到咁嘅感覺

大魚尾叫做好 D ~
起碼佢冇望住我 >.< 要點樣或者幾時先克服到呀？
嗚嗚嗚… 好想飲多 D 魚魚湯呀

今次買得開心左
兩個人食四個餸太多喇 ~ 哈哈！
無相肝啦  呢兩個月 Honey 太辛苦
點都要好好慰勞吓佢嘅 XP

先介紹呢個…『魚湯浸娃娃菜』
簡單易煮又健康好味

自己刴嘅蒜頭豆豉真係特別好味

用現成醬始終得個色唔夠香

呢個係我由細食到大嘅蒸排骨

去豬肉檔買左 D 好腍嘅排骨用嚟蒸

仲加左南瓜粒喺底索吓汁

勁正！

『節瓜蝦米粉絲』又係我另一道經典菜

想清清地嘅  拍兩片薑加鹽炒就可以

如果想香 D 重味 D 嘅  加少許雞湯同魚露炒仲正

『薑蔥炒蟹』

呢隻蟹差 D 玩謝左我 >.< 太長篇唔講喇

總之就嚇到我起晒雞皮腳都軟

呢隻肉蟹好抵吖  只需 HK$70

勁新鮮生猛  戰鬥力比我還要強

用多蔥多薑去炒

眨吓眼  我至愛嘅『薑蔥炒蟹』就上得碟

好好… 到分享吓點煲呢個

『眉豆花生雞腳木瓜大魚尾湯』

要準備木瓜一個… 去皮去籽切件

眉豆花生紅棗… 紅棗去核~ 全部用水略洗浸

雞腳(鳳爪)… 汆水備用

煲約 2 Ltrs 水至滾

等緊水滾時  又可以做吓其他野

嘻嘻… 影低左今次煎魚嘅過程同大家分享

大魚尾都算得上易處理

返嚟沖水  刮乾淨剩餘嘅鱗片
沖水 ~ 搵粗鹽搽上兩面待十五至二十分鐘
沖乾淨後  再用抹手紙印乾備用

圖一：拍一大舊薑  加油開鑊煎香兩邊
圖二：煎至兩邊金黃  倒去多餘油份
圖三：加入約1 - 1.5 Ltrs『熱水』  轉大火至滾
圖四：見到魚湯轉至為奶白色後滾多陣就可以熄火

用魚袋載起大魚尾同薑塊  扎實放入湯煲
魚湯及剛才備用嘅材料  亦可直接倒入湯煲
大火滾起後轉細火  煲多二個半小時就可以喇

加鹽試味 ~ 就得囉！

Yeah ~ 話咁快四餸一湯就完成

希望您鍾意食啦 >3<