黑白層層疊

~轉貼舊文~

做過正常既『木糠布甸』﹐今次就做改版既『Oero 木糠布甸』

煉奶係淡忌廉既三分一﹐但係都仲好似甜左少少﹐下次再減多少少煉奶﹐不過希望奶味唔好太重就得﹐個樣其實都唔係太吸引﹐味道我都係鍾意傳統用馬利餅做既多d ^^"

朱古力雪芳 (附食譜)

身體抱恙﹐仍然不能停止我對做餅嘅熱情減退﹐本應打算在假期做d 曲奇送給友人作伴手禮﹐但累仍是累… 我知道您們一定會體諒﹐簡單快趣做了個『朱古力雪芳』滿足一下自己的手癮。

******************************

食譜：-『好吃戚風蛋糕輕鬆上手』

可可戚風蛋糕 Cocoa Chiffon Cake

材料：（17cm 型)

蛋黃(L) 3個

砂糖 80g

沙拉油 40ml

水 60ml

低粉  45g

可可粉 30g

泡打粉 1/2小匙

蛋白(L) 5個

做法：

1. 鋼盆中依序倒入蛋黃、1/3量的砂糖、沙拉油、水混合.

2. 將過篩的粉類倒入 1. 中, 用打蛋器攪拌至光滑柔潤 (蛋黃麵糊要比普通戚風蛋糕稍硬).

3. 別的鋼盆中放入蛋白用電動打蛋器打發泡. 全體打發泡後, 加入剩餘砂糖一半的分量.

4. 繼續攪拌, 再加入剩餘的砂糖打發泡.

5. 打到可拉出尖角後, 蛋白霜便完成.

6. 取1/3量的蛋白霜加入 2. 裡, 用打蛋器確實攪拌均勻.

7. 加入剩餘的蛋白霜, 不要攪破氣泡般地混合.

10. 換成橡皮刮刀, 不要留有蛋白霜痕跡地從鋼盆底部翻拌上來將全體混合.

11. 將麵糊從稍微高一點的位置一口氣倒入模型中.

12. 用兩手將模型提起然後放下輕敲, 讓裡面的空氣釋出. 以預熱至180度烘烤30分鐘。

13. 烘烤完成後馬上連著模型倒扣過來, 放在倒過來的杯子上冷卻.

14. 在冷卻的模型和蛋糕間放入刀子沿著外圍劃一圈.

15. 用刀子在中心部份劃一圈.

16. 將圓形烤模取下, 接著在蛋糕和烤模底部間劃入刀子, 使剩下的烤模底部脫離.

小貼士：冷卻到某個程度後放進冰箱一小時左右(我冷藏半小時)﹐蛋糕冷藏收縮後便能漂亮地脫模。

素炒

~轉貼舊文~

巧鍾意食『蘆筍』﹐無論係新鮮既定係經處理既白蘆筍都巧愛﹐新鮮既可以用黎煮或者做沙律﹐白蘆筍我鍾意用黎煮忌廉湯﹐用牛油洋蔥配上白磨菇加鮮蘆筍炒炒即成 ~ 茅難度 ^o^v

耐唔耐肥一次

~轉貼舊文~

以前讀書﹐學校差唔多日日都煮… Supper 時見到廚師一盆盆拎出黎﹐心唸… 又係呢樣呀﹐真係食到怕怕 >.< 今日唸起好耐都冇食過﹐反而又好想回味一番 ^_^

炒熟免治牛肉加少許調味煮好放入焗盆底﹐新薯烚熟去皮切粒粒﹐用牛油起鑊加入薯粒略炒加入調味﹐放入兩片 Mozzarella Cheese﹐加入少杯淡忌廉或牛奶不停攪拌﹐煮至芝士溶化可與淡忌廉混合收火﹐將芝士薯仔混合物倒入已烹調好的免治牛肉上﹐入爐開 220 度焗 13 分鐘即成。Yeahhhh ^_^

咖啡香

下午茶時間囉囉攣﹐打開雪櫃﹐見到上次買左罐咖啡仲未飲﹐想開與唔開之間﹐剩飲又好似寡寡地…

翻開食譜書﹐特意揀左個咖啡雪芳試試﹐今次打蛋白冇上次打得咁挻身﹐而且又加左咖啡水同咖啡酒怕水上加水﹐都驚驚地怕個雪芳倒扣後會失敗。好彩 ~ 安全甩模 Yeah

影左個近鏡 ~ 似唔似酒樓馬拉糕呀…

清清倉大行動 @ 焗藍莓芝士餅

~轉貼舊文~

做左兩個六吋 『焗藍莓芝士餅』﹐實行送舊迎新﹐唔係又點可以再入貨呢？嘿嘿 ^^

招牌芝士餅冇難度﹐三兩下功夫就做好。原先仲心思思想做個雪芳食下﹐點知… 冇雞蛋﹐又唔想貢去買﹐唯有忍下手先 +_+"

睇見您望到個芝士餅﹐發現原來有藍莓時個開心樣 ^^  

哈哈~ 次再整其他野比您試~

栗米麵包@17小時

~轉貼舊文~

我覺得假期做麵包比較寫意﹐唔駛搞到自己半夜三更 (唔願瞓一件事 XDD )

又要備料/搓/靜止/等發酵兩次/焗/放涼/擺靚靚影相/包裝/收檔﹐都仲未計洗野呀﹐真係唸起都頭痛 >.< 用埋 d 中種做個 『栗米包』﹐唔知本身個麵糰係唔係咁濕黐到我雙手都係﹐切都唔想切﹐搵左 d 杯杯兜兜埋左佢就入爐焗~

出爐之後就第一時間撕開佢一半睇下佢熟唔熟透﹐好好彩﹐茅樹﹗^o^v 仲食得 hehee 雖然唔係巧香粟米味﹐不過感覺好健康﹐淡淡地都 OK

伯爵奶茶麵包@17小時

~轉貼舊文~

紅極卜界既17小時麵包點都要試試﹐星期五晚已經做定中種﹐星期六就可以開工﹐好期待有幾好食﹐幾軟熟

唔知做既過程出現左乜野問題﹐切開時既然中間未熟透﹐拿拿聲放返入爐再焗多陣﹐結果都係一樣… 失敗

組織仲怪怪 ~ 一 d 都唔軟熟 ~ 呆晒 +_+""

久遺…

~轉貼舊文~

不經不覺已經在這個網誌一年﹐認識了很多卜友同做甜點嘅知識﹐可謂獲益良多﹐還記得一年前起步焗的就是『香蕉核桃馬芬』。

時至今日我仍然愛她﹐令我回想起當初一舊飯的我…

第一次去卜聚送給您們的就是她…

多謝一班卜友不厭其煩既講解、幫忙、教導… 令我由零知識升上初班﹐多謝一班隊友對我既關心… 令我更傷心 (感動落淚)﹐我會用我學會了的﹐用心﹐做食物報答您們 ^^

多謝晒您地 ^3^

招待家姐

家姐突如其來要黎我樹食飯﹐冇準備之下﹐拎晒雪櫃食得嘅野出嚟… 知您鍾意食芝士﹐特意用 Mozzarella Cheese 整左個『芝士火腿蟹柳長通粉』﹐仲整左盒外賣比家姐帶返工當午餐。

啱啱幾日前排左半個鐘買左 d 羊扒做存貨﹐好彩好彩~ 羊扒』d 肉好嫩﹐可以入定 d 放冰箱備用﹐仲有不日公映嘅『肉眼扒』(冇影相 XP)

臨時臨急係咁上下﹐嘻嘻嘻… ^^ 下次要過嚟食飯要早 d 出聲﹐如果唔係可能剩係得煎雞蛋 XDDD

繼續說謊

『雪芳』會係我今個月既目標 … 因為我終於識整喇 ~ 哈哈！

失敗左之後一直都覺得好難﹐又唔想嘥晒 d 雞蛋﹐直至掌握到… 真係又快又易又好味。下次做咩味好呢？朱古力？綠茶？楓糖？伯爵茶？柚子蜜？黑胡麻……

送上香蕉雪芳蛋糕 ^3^

湯種65度牛奶包包

好耐都冇做包包﹐既然為左搓包買部機﹐冇奶油唔用﹐原先想做17小時麵包﹐可惜左磨右磨都冇做到中種… 等唔切﹐嚟一個湯種65度牛奶吐司試試佢﹐過程非常順利﹐不過唔知算唔算合格呢 XP

下次我要奮戰17小時麵包﹐睇下係唔係人人講得咁正先 ^^