有次小玉提議整韓國嘅『部隊鍋』
原來『部隊鍋』喺韓國係好普遍嘅野 好多地方都可以食到
其實… 就等同我地香港打邊爐一樣 一年四季都可以食到
而型式亦差無兩 都係拾吓拾吓
睇左幾個台灣同韓國嘅 Blogger 介紹
見唔係好複雜… 我又心思思想整
於是我地就發揮我地嘅慳家本領
就係將所有野都兩份分嘞~ Heheheee
喺屋企煮野 少人食有個唔好之處就係好難買野啦
唔可以買兩粒兩條半包架嘛
又唔係樣樣都可以放得耐 由其係蔬菜添啊
之後我地就各自買 D 可以用得晒嘅野
用唔晒嗰 D 我地買完再約交收
哈哈哈 ~ 我真係覺得我地好犀利呀﹗
零技術嘅韓式『部隊鍋』不費吹灰之力就可以完成
睇吓圖啦 ~ 簡單 D 講就係買、洗、切、砌
(我麻麻地鍾意食韓國麵~ 所以就轉左烏冬 嘿嘿﹗)
砌好之後再加雞湯同兩片芝士… (鍾意食嘅可以加多一至兩片)
蓋上蓋準備開火﹗
滾起打開蓋就見到芝士片已經比我個 ~ 心… 溶左化喇 ^^"
同情人開住冷氣一碗又一碗 好爽呀﹗
仲要估唔到原來咁好味 呢個韓式辣辣地嘅一品鍋超 Good 啊
冇難度又易整 食完又唔使洗好多碗碟真係太開心嘞
啱晒我呢 D 死懶鬼
您都快 D 試吓啦 嘿嘿嘿﹗
