何謂因果

因就是原因和種子的意思，果即是結果和果實。所謂因果，就是『種瓜得瓜，種豆得豆。 』佛教採用植物的因果關係，來說明眾生心理活動所產生的行為，最後所得到的反應是相等的。所以老子也說：『人為善者，天報之以福；人不為善者，天報之以禍！』就是這個道理。

我講個不懂因果的故事給你聽。四十年在南部，有位其貌不揚的小姐大鬧照相館，她指著牆上掛的另一張小姐的照片說：『當時我要你要照的和那張一樣，現在你把我照成這樣子，難看死了！』那位老闆很幽默的遞給她一面鏡子說：『你看有那一點走了樣？』她沒再說什麼，只是流著眼淚走了。假如我們每個人都相信因果『善有善報，惡有惡報，不是不報，時日未到』的道理，又能運用到日常工作和生活上去，那麼定能把人與人之間許多不必要的糾紛，減少到最低的限度。倘能懂得三世因果的道理，那就更為徹底。

司馬遷說：『昔者虞舜窘于井廩，伊尹負于鼎俎，傳說立於傳厔，呂尚困於棘津，夷吾桎梏，百里飯牛，仲尼畏匡，菜色陳蔡，此皆學士有道之人，猶然遭此災，況以中才而涉亂世之末流者乎！』由此可見司馬先生，是不明三世因果的，否則，必不出此言也。

所謂三世因果，就是：『欲知前世因，今生受者是。欲知來世果，今生作者是。』記得五十三年住院時，有位患友，品學均佳，就是不信因果。有一天他的原單位寄給他一枚忠勤勳章，我把握著機會說：『老劉！你幹的不錯嘛！』他把頭一偏，就說：『你又不在那裡，怎麼知道？』我說：『秀才不出門，能知天下事，我雖然沒有秀才的本領，卻有秀才的經驗。』於是指著他手上的勳章說：『欲知前世因，今生受者是。』此時他拍拍我的肩膀說：『你怎麼老是三句不離本行，又向我傳教是不是？』『傳教倒不敢說，不過我是個業餘的佛教徒，雖然不懂什麼，因機釋疑，是我應盡的義務。』於是我又接著說：『明年恐怕不會再寄給你了。』他說：『你真了不起！既知過去，又識未來，有何根據？』我說：『要知來世果，今生作者是。閣下如果長期在這裡泡病號，怎會給你？』眼看他的頭不再橫搖了，並且說：『這樣嘛！到是很合理的。』


謝謝分享 - 知義法師著《初機學佛決疑》

三界五行：歲晚不忘神恩

明天農曆十二月十六，是民俗傳統中的「尾禡」。禡，本來讀作馬，是古代行軍的旗幟。持旗者一馬當先，引領軍隊向前，因此，出征前必須祭祀軍禡。禡之所以唸作牙，是廣東、福建、台灣及海外華人，把農曆每月初二、十六定為「做禡」，禡轉音為牙。

古時，物資短缺，良心僱主把每月兩次「做禡」，作為改善員工福利、增加營養的不成文規定。他們會煲一鍋「清補涼」，再以大　雞、牛白腩、煎魚、雞內臟炒青菜，供員工享用。每年農曆正月初二為「頭禡」，十二月十六為「尾禡」。

農曆十二月十六，也是拜祭土地公的日子，土地公接受人間祭祀，會返回天上向玉帝述職，匯報地上一年的境況。在清朝，這一天被視為考核下屬一年政績的日子，設「尾禡」飯，席間宣布各人職位的調動。商家也有樣學樣，在「尾禡」飯把雞頭向着哪個員工，就表示與誰終止賓主關係。這就是「無情雞」的來源。

農曆十二月十六「尾禡」後，玉帝派駐人間的大神陸續返回天庭述職，而人間善信在年初向神佛祈福，如求籤、借庫、攝太歲等，亦要有始有終，要還神致謝。

網路轉載 ~ 謝謝方向宇先生分享

開口

網路轉載 - 謝謝林二汶分享

**********

睇完呢篇文章﹐我就唸起《溝通》二字

亦係喺我網誌右邊打上嘅座右銘

係一世人當中最深嘅學問

我唸好多人都犯緊同樣嘅弊病

有時自己都會有咁嘅情況發生

識唔識得去檢討自己﹐呢一環係好重要

有 d 人知道自己有問題﹐但係唔改 (等同唔知)

更有 d 人可以從來都唔覺得自己有問題

當冷靜落嚟﹐我會先唸一唸

呢個人有冇需要或者值唔值得

要我花時間去同佢溝通？﹗

如果我覺得您係對我重要嘅

我一定會主動行出呢一步

先行出呢步﹐唔關係什麼冇尊嚴同冇面子問題

而係我重視呢段感情

我堅持要人與人之間係要《溝通》要《坦承相處》

以我嘅性格﹐無論爽與不爽都會真心吐出

問題係視乎自己點去表達

可以令件事得到解決而大家又覺得舒服

明白每個人嘅接受能力各有不同

對唔同嘅人﹐方法亦有差異

所以我都不斷努力學習﹐取長補短

希望可以做得更好

天麻川芎瘦肉湯 (附食譜)

見好耐都冇煲過天麻川芎湯
就走去買舊瘦肉嚟煲吓補補佢

之前都講過﹐依家嘅魚頭唔適合煲湯水 (相關舊文)
所有嘅湯水我都勁鍾意飲
因為中國人嘅老火湯功效實在太勁

而藥材湯更為我嘅至愛
功效太多﹐所謂『有病醫病﹐無病內調』 (即調理身體)
所以雪櫃、儲物櫃都放滿左好多
只要買舊肉﹐或者買隻雞隨時就可以煲得

但每種藥材屬性都有唔同
有時都要根據個人嘅體質去配搭而飲用
一係可以煲 D 大路 D 嘅湯水
再唔係﹐可以請教您嘅中醫師啊﹗

呢個湯水味道好甘
但都唔叫難飲嘅… 最緊要係有益嘛﹗

特登影左 D 材料比您地睇吓個樣

又搵左 D 資料同大家分享吓﹗Enjoy~

根據資料記載﹐各樣藥材都含有藥用價值﹐其之功能如下：

天麻為珍貴藥材，中國諸多藥典中均有記載， 《本草綱目》記載，「天麻，乃肝經氣分之藥」。

天麻性味甘、辛、平、無毒，歸肝經，能息風止痙、平肝陽、祛風通絡，有治療驚厥、抽搐拘攣、眩暈、頭痛、半身不遂、肢體麻木、風濕痹痛等功效。

天麻中含有天麻苷（Gastrodin即天麻素）等有藥效的成分，現代醫學認為其有抗驚厥、健腦、延緩衰老、鎮靜、安眠、抗炎、提高免疫力、降血壓等藥理保健作用。

川芎：活血行氣﹐祛風止痛。常主治月經不調、經閉痛經、癥瘕腹痛、胸脅刺痛、跌扑腫痛、頭痛、風濕痹痛等之功效。

茯神：寧心、安神、利水、治心虛驚悸、健忘、失眠、驚癇﹐小便不利。

浮小麥：主止陰虛發熱﹐能斂虛汗。

******************************

食譜：-  二人份量

材料：

川芎  -  兩錢 (8g)

天麻  -  10片

茯神  -  1兩 (38g)

浮小麥  -  1兩 (38g)

南棗  -  4粒 

百合  -  約20粒

薑  -  6片

瘦肉  -  1斤

我的做法：

1. 瘦肉汆水備用.

2. 南棗去核﹐天麻用滾水過一過﹐其他材料沖水備用.

3. 將所有材料放入約2.5-3公升的滾水﹐待水滾後用轉細火煲多兩鐘﹐落鹽調味即成.

2014 三餸一湯

2014 年開爐第一激… 煮個開年住家飯
放假輕輕鬆鬆﹐有時間我就可以煲個靚湯煮番幾味
係我至愛嘅優質生活

請左我個 VIP ~ Amazing Girl 嚟食飯
呢個『節瓜蝦米粉絲』由2013 講到 2014 先煮
哈哈哈﹗咁有時樣樣都想煮﹐都唔知煮得邊樣先吖嘛
有相有真相… 終於有得食喇

自己都好耐冇食過﹐真係好好味
我習慣用魚露去煮呢個餸﹐炒起、食起都香 d
原本成碟滿晒架﹐食食吓先記得影咋

依家百物騰貴﹐一斤節瓜要成 $14-18
好瘋癲呀﹗節瓜咋喎 T.T (淚)



『露筍炒牛肉』
如果係煮日式﹐我就會買肥牛嚟卷住 d 露筍煎
再點芝麻醬或者照燒汁
既然今晚係中餐﹐就轉一轉

今次 d 牛肉唔夠腍啊~ 有 d 韌﹐屎人牛肉佬吖
明明叫左佢比 d 腍 d 嘅我架嘛
呃我﹗正衰人 >.<

原先計劃想蒸條魚﹐不過我好少整魚

有陰影之餘又唔知去邊度買好

Amazing Girl 話想食豆腐豆腐 =.=

好啦好啦﹗順吓您意啦

淨煮豆腐好似好單調

要唸唸~ 要唸唸… 見到有真姬菇

又醒起屋企有黑松露菌

落多少少功夫﹐將真姬菇先炒再加入黑松露菌

輕輕埋個芡﹐淋上肉子豆腐再蒸蒸就 K.O. 啦

三個餸就咁就完成左… 冇難度~

最開心嘅係﹐三大碟餸 Amazing Girl 都幫我清得晒

好犀利吖﹗睇唔出您咁大食 (各方面都係 Hehee... XD)

雖然有時自己煮係 d 麻煩

要花時間去唸食咩﹐又要買、要整、要煮又要洗

功夫一大輪

不過… 當見到有人會食晒您煮嘅野

又讚您整得好味嘅時候﹐真係咩都抵返晒﹐咩辛苦都唔記得嚕

呢個就係我嘅入廚樂

Amazing Girl 仲超好﹐係都要幫我洗晒 d 碗先走

(其實我地倆個都唔鍾意洗碗架)

但您過門都係客﹐點好意思呢

辛苦晒您啊﹐真抵鍚 ^3^

對呀﹗我仲有個湯…

等陣返嚟下回再分解﹗