神秘慶生 @ 焗經典紅桑子朱古力蛋糕

~ 轉貼舊文~

除夕晚特別節目......

補飛成功 @ 紅桑子朱古力慕士蛋糕

~轉貼舊文~

呢個 "Raspberry Chocolate Mousse Cake" 真係整到我一額汗 >.<"

原本都好快手   好順利   點知整到個 top 時就.... 失手 =.=""""

搞到我兩手一檯都係朱古力漿

嗱嗱聲補飛   做返條朱古力圍邊遮遮佢

一甩完模就係咁喇...   呢個都係好初頭既時候

之後漏到兩手一檯都係   仲嚇人啊   不過冇手影相嚕 ~~~ XP

好靚嘅紫色呀 @ 藍莓乳酪芝士蛋糕

~轉貼舊文~

呢隻紫呢真係好靚好迷人   所以家姐特別 order 話要訂送比朋友做生日

夜晚就再打比家姐問佢個蛋糕好唔好食

佢竟然同我講   個侍應拎個蛋糕出嚟果陣個圍d 朱古力片唔見晒

佢就再叫個侍應拎返個蛋糕盒比佢睇   原來 d 朱古力片黐晒喺個盒入面

家姐話佢可能拎住太多野   所以搞成咁..... 喎 ~ 哈哈 XDDD

呢個故事教罰我.... 要用膠托   咁個蛋糕就唔會飛黎飛去喇

突如其來的Order @ 藍莓芝士餅

~轉貼舊文~

朋友的朋友突然問我…

您識整蛋糕架？咁您識唔識做芝士餅架？

我太太下星期生日﹐佢好鍾意食芝士餅架… 要濃味 d

佢食親飯都特登留肚食甜品架﹐您可唔可以幫我做個？

當然可以啦 … 您咁錫您太太﹐真係值得一讚

祝您太太生日快樂﹐健康美麗 ^3^

滔滔里失敗

好耐都冇整過朱古力 ~ 當然結果只得一個 … 失敗

冇光澤 ‧ 唔可以完全甩模 ‧ 轉印紙又印唔晒

拍幾下   個面好似想裂咁   真失策呀

點解自己整同上堂時整差咁遠嘅 ~~~

真係冇眼睇啊

醉人蛋糕 @ B52 雙層朱古力慕士蛋糕

~轉貼舊文~

酒不醉人 ‧ 人自醉

但呢個 "B52 雙層朱古力慕士蛋糕" 真不簡單

加入了 Baileys、Kahlua 及 Grand Marnier

吃一口   已經暈了一下

受不了酒精的   可能已經醉了

我‧‧‧ 當然是自我陶醉呢

兩個都係芝士餅 @ 焗藍莓芝士餅 & 藍莓芝士凍餅

~轉貼舊文~

又一氣過整兩個蛋糕   仲要兩個都係『藍莓芝士餅』

哈哈哈   真係傻傻地架

雖然兩個都係凍食   但分別就係要焗同唔駛焗

兩個蛋糕食落去個感覺質地都好唔同

 呢個就係要焗既   我已經做過好多好多次

質地較實感覺豐富   芝士味亦都濃濃

另外呢個就係凍餅   唔駛焗不過個餡就要煮

質地軟滑   芝士味較清淡

表表生日快樂 @ Double Deck Mango Cheesecake

表哥生日   見佢平時都幾鍚我

做表妹嘅又點可以唔整個蛋糕賀賀佢呢

表哥要求要食返舊年果個蛋糕

呵呵   好啦好啦

祝您生日快樂   隨心所欲啦 ^3^

趕工 @ 木糠蛋糕 & 鮮果千層蛋糕

~轉貼舊文~

加緊練習   一連整兩個   離補我平日嘅懶惰

呢個『木糠蛋糕』   只係做朱古力圍邊時有點困難

因為長度不夠   要接駁   要第二次才成功

跟住呢個係『鮮果千層蛋糕』   煎薄餅時蠻好玩

最滿意係個裝飾   呵呵   好滿足啊

您地又覺得邊一個比較好呢？

頹廢期 @ Baileys Cheesecake

呢排公司真係好忙好忙  忙到個人都就嚟癲癲地,

由朝到晚都係咁做   做極都做唔完, 又怕做唔切,

搞到放工又唸   瞓覺又唸  半夜起身去廁所都唸  精神壓力好大,

自己又冇本事唔可以唔做   唯有叫自己加油加油   盡量做得幾多得幾多。

做吓蛋糕練習吓   順便減吓壓..... Baileys Cheesecake

Banana Oreo Cheesecake

練習

練習 @ 德國芝士餅

~轉貼舊文~

平平凡凡一個德國芝士餅

收到不少同事讚賞

除了清幽芝士未外   而且好軟滑

這個蛋糕正好用 『簡單就是美』 來形容

新嘗試

~轉貼舊文~

又落左旺角 .... 順便去左嗰間長期八折既書店逛逛

哈哈 ~ 手起刀落   話咁快就揀左本 『西式咸點』

週末就試做了一個   跟另一食譜合併了做法   份量及材料稍微不同

真係唔係自己讚自己   真係幾好味  

個撻做得好香   連家姐都話仲好味過出面果 d 添呀  Yeah ~~~

生日快樂呀 @ 鮮藍莓芝士撻

~轉貼舊文~

壽星女... 生日快樂呀

客氣嘅說話就心照啦 ~ 最緊要開心快樂 ^3^ 錫啖先

練習藍莓塔 ~ Tart aux Myrtilles

好耐都冇買過芝士   因為次次都未用完 1kg 就已經請左大口仔食

您指定話想食芝士蛋糕   嗰款食譜我做到都識背   而且仲有 d 悶

所以今次就揀左 "蛋糕裝飾師" 一書入面嘅『Tart aux Myrtilles』

今次買左文華酒店專用嘅 Lactos 忌廉芝士   而且有效期都較長

細細地做左 2 個 10cm 練習一下   等您放完假返黎   整個大嘅同您補祝生日

鮮菠蘿椰汁雪糕

再黎雪糕呀... 今次係鮮『菠蘿椰汁雪糕』

想做埋開心果味就收手....點知 ~ 冇貨....

咁﹗點算巧啊？？

肉桂卷

~轉貼舊文~

好耐都冇整過包包   係時候要練習一下

原本想做中種   但前一日總係懶懶   連個小小嘅麵種都唔肯走去做

結果   用左 65度湯種   整肉桂卷

肉桂味佈滿我整個手挽袋   久而不散

駒駒嗰半湯匙嘅肉桂粉   味道已經好犀利

橙餅味雪糕

朱古力雪糕加左橙酒、橙青同消化餅碎

個味點解好似咁熟咁嘅   喺邊道食過呢

原來個味係好似以前常吃嘅積及橙餅味道

幾得意... 幾得意...

蝦多士

~轉貼舊文~

繼續煮蝦... 多士

功夫係多少少   搞到熱辣辣一頭汗

不過煮完出嚟見大家都鍾意食   乜野辛苦都唔記得晒

再配上沙律醬食... 脆卜卜... 正呀

黃金蝦 (附食譜)

近排多左煮中菜

上網見到呢個食譜唔太複雜而且好吸引

就買左一斤海中蝦返屋企試試

好好味啊﹐而且都算好易煮

平常 四個人食一斤蝦可能唔係難事

不過『黃金蝦』唔知係唔係有咸蛋黃關係... 較膩

我食左三隻已經... 呆坐了 +_+"

******************************

食譜轉載：- (TCCOC)

材料 :
中蝦 - 半斤 (10隻)
咸蛋黃 - 3 隻 (如果想味道再濃啲就再加)
蒜頭 - 1 粒 (切成泥)
薑 - 1 片 (切幼粒)
蔥 - 1 棵 (切絲)
牛油 - 10 g
生粉 - 1 湯匙

調味 :
鹽 - 1/4 茶匙
糖 - 1/2 茶匙
酒 - 1 湯匙

水 - 2 湯匙 (可按情況加減)

做法 :

1. 先把 蒜頭  / 薑  / 蔥 切好做準備.
2. 咸蛋去蛋白取黃隔水蒸熟 (大約 10 分鐘), 再壓碎.
3. 蝦剪好 (先剪去眼部及手腳及蝦尾尖, 再剪開蝦頭中間除去黑色之廢物.  再去腸用水沖洗乾淨隔乾水).
4. 加入生粉灑勻全身, 以防炸時出太多水.  放入滾油 (可看見輕微出煙) 把蝦炸 半分鐘再隔乾油份待用.
5. 鑊內加入少許油加入薑粒先炒, 再落蒜泥後加入蝦隻.  再加入調味料之糖及鹽份, 灒酒當水份收乾時加入咸蛋黃兜勻再立即加入水份, 最後放入蔥絲再兜勻後上碟.

推介雪糕

用左仙姐個香子蘭雪糕底

再用自家浸泡既 Rum 酒提子﹐加多一大匙冧酒

就完成左呢個勁好味既雪糕

原來真係咁好食﹐唔怪得 R 都話要 Encore 啦 ^o^

** 用Rum酒浸提子不宜太久, 否則會有苦澀味。

Pizza 結晶品 (附食譜)

努力做"比薩"

記得 "上次" 個餅底都幾厚﹐所以今次就做左上次個 "食譜" 嘅一半份量

誓要做個薄批﹐壓到有幾薄得幾薄  (呢個大約10吋 x 7吋)

加左黑椒火腿、煙肉、洋蔥、菠蘿同兩款嘅芝士

您地睇下幾薄？好開心啊 ^_^ 個邊邊仲好脆口

我覺得整個 Pizza 仲好味道過上次嗰個添呀!!

好成功呀 ~ Yeah ^o^v

芝麻餅 (附食譜)

見到 G 小姐整芝麻曲奇﹐就唸起我家仲有兩包芝麻要消滅

真係煩屎人呀 +_+" 芝麻 d 到期日咁短架

哇!! 睇完個食譜﹐真係好簡單﹐而且唔駛用牛油

咁即係唔駛花我時間等牛油放軟啦~

哇!! 仲唔駛用手提攪伴機喎 ^o^ 用手搓、搓、搓就得

又可以洗少樣野﹐好 ~ 一於開工

******************************

食譜轉載：- b女

材料：- (20塊份量) 

低粉 100g

糖粉 45g

雞蛋 20g

泡打粉 1/4tsp

梳打粉 1/8tsp

水 10g

固體菜油/橄欖油 25g

白芝麻/黑芝麻 適量

我的做法：

1. 預熱焗爐180度.

2. 粉類過篩混合.

3. 加入砂糖、雞蛋、固體菜油/橄欖油、水用手輕輕攪拌搓勻.

4. 再將麵團分成20個小等份(每個10g)及搓至圓形.

5. 將小麵糰黐滿白芝麻/黑芝麻後，再用手輕輕壓扁麵糰.

6. 然後放在焗盤上, 再入爐焗180度15分鐘, 熄火後用餘溫焗多10分鐘.

麻麻地既？

用香蕉 + Rum酒整左呢個雪糕

點知原來係麻麻地好食嘅

唔通香蕉用嚟焗先香？唔緊要... 等我加油清埋佢

Weekend 再整其他味先得 ~ 誓要將部雪糕機用盡佢 XDDD

Expresso Ice-cream

終於比我買到 Nescafe 嘅 Expresso

上次用完樽細嘅   一直都買唔返

咁口啱早排比我喺超市見到大樽裝大特價

平左成$30... 就唸都唔唸即刻入貨

呢隻咖啡味我真係好 Like (讚呀)   要再安哥先得

夏日前菜

~轉貼舊文~

我屋企部電腦同我一樣傻傻地

上載程式有問題﹐加唔到新相呀 (激屎我) >.<

還好嘅係﹐有舊作喺相簿﹐粗粗地先用著啦

夏日炎炎﹐食熱嘅野必定令我一身汗

假期匿喺屋企都要開大冷氣降溫

嚟個涼伴解解暑… 『拍黃瓜』 ^o^v

還有。。。這一包

反正要送外賣﹐就多添一款吧

凍嘅甜點不便運送﹐就簡簡單單做曲奇吧

試做左呢款『杏仁片燕麥朱古力粒曲奇』

但我一片也沒試過﹐究竟味道如何﹐老實 d 話我知喎!! ^^"

我又鍾意整﹐您又鍾意食﹐真係最好不過 ~^^

送給... 表表一家

~轉貼舊文~

現在。很少開爐嚕~

所有想做嘅都計劃留喺週末一次過進行

表表好耐都冇食過我做嘅甜點﹐比左幾個選擇佢揀... 最後他佢揀左呢個...

靜雞雞搵速遞送比佢﹐點解我仲未收到電話嘅？唔通佢仲未收到？

原來佢正在開會忙得要屎 >_<" 巧可憐啊

日都要晚上七八點才到回家 ~ 辛苦了

等表妹為您打打氣....

Yeah Yeah Yo Yo ~ Yeah Yeah Yo Yo ~   比 d 正能量您  ) ) ) ) 

富貴球

用了馬達加斯加香子蘭、北海渡牛乳﹐加了呍呢拿糖、轉化糖、蛋黃和鮮奶油

才做成這個『富貴球』﹐要有最好的美食﹐材料當然是很重要啦 ^o^v

黑芝麻。。。嘩﹗

~轉貼舊文~

香濃。。。美味。。。飯後甜品 ^_^

夏天の假期睇波、睇碟必備之選。。。『雪糕』

朱古力撻

早幾日好似開左摩打咁﹐整唔停手﹐連埋個撻底應該有三層

不過見仲有 d 朱古力剩就唔好嘥倒滿 d﹐我又可以懶 d ﹐唔駛做個面

咁當然﹐有個面又真係會令 d 同靚 d 嘅 XP

等我下次再加少少酒落去﹐睇下會唔會食醉我先 ^^"

伯爵茶戚風蛋糕

茶唔常飲﹐如果要飲都係揀嚟飲﹐中國茶我鍾意飲鐵觀音﹐日本茶我就鍾意飲玄米茶﹐而西茶就係伯爵茶啦﹐有時仲會用佢黎整蛋糕甜品。

繼上次用過茉莉花茶做過雪芳之後﹐今次就用伯爵茶試試﹐味道如何 … 食左話您知 ^^"

仲要多謝多謝雪雪兔從馬來西亞送我嘅手信茶葉同自制嘅豆沙餅 ^3^

椰絲賓

唔係剩係得餅友唔記得睇火﹐我都係 >.< 除左可以香D﹐咬落去簡直係脆添呀

出爐正好是下午茶時間﹐好味))) XP (仲要死撐) 其實係椰絲都好搶火幾易燶~

朋友見到話：哇!!!!  咩黎架 ~~~ 黑炭頭麵包呀、非洲黑人麵包、燶口燶面麵包 …

唔好嘈啦 ~ 煩死人喇  好味咪得囉  Wakakakaaa.........

疑似小籠包

~轉貼舊文~

呢糰野究竟係咩嚟﹐甩模甩得已經係最好嘅一個

佢就係『楓糖漿布丁』真係估佢唔到 …

雪凍左食左個﹐又幾鬼好味﹐係醜 d 啫 ~ 哈哈哈 XDDD

思想中

~轉貼舊文~

呢幾日公司好忙﹐做到個人痴痴呆﹐就嚟眼都盲﹐收左工都提唔起勁﹐好似條死蛇剩係煲電視劇。

見幾日都冇整過野﹐唸住做個朱古力味嘅牛油蛋糕﹐點知… 唸野唸得太入神﹐唔記得扣低粉加可可粉﹐盡下人事﹐就加左朱古力碎係面當係 >.<"

Rocky Road

~轉貼舊文~

做左兩次先做得成『石板街雪糕』﹐第一次... 我估係我煮奶同蛋黃部驟出左問題

結果… 用雪糕機打完之後都仲未成形﹐估計再雪都係結成冰多

所以我就連朱古力碎同綿花糖都冇落﹐載起左就掉左入冰箱

..........

隔左幾日又再接再厲

終於成功左﹐仲要用左 Valrhona 72% 嘅特濃朱古力﹐啱我 Yeahhhh.....

我都係跟書做之嘛﹐不過您地嘅讚揚我會照單全收… ^o^v

多謝支持!!!

初嘗低溫發酵

~轉貼舊文~

因為夜晚要出街食飯﹐收工見有 d 時間﹐嗱嗱聲返屋企撈、打、搓﹐進行第一次室溫發酵﹐排氣完…

電話到﹐將第二次發酵既責任就比左雪櫃﹐希望佢唔會發得太快

三個多鐘後 … 打開雪櫃﹐見到佢漲到頂住上面果格 >.<" (屎火)

冇理 ~ 照掉入爐焗﹐哈哈哈 ))))

味道冇變 ~ 不過組織好似唔係好同咁 ~.~"