早排睇完大熱嘅星星都有好興趣煮吓韓國野
Hehee... 見到超市有得買呢盒韓國炸醬
記得之前有睇過素顏教過整韓國炸醬麵
就買嚟試吓
就買嚟試吓
我自己就未食過韓國嘅炸醬麵
所以完全冇 Idea 到底係咩味道
無相肝 ~ 就買嚟試吓煮咪知道囉 XP
(好勇呢﹗ )
『韓國炸醬麵』買左炸醬都要配埋個麵
唔知係咪因為大熱嘅關係
連賣嘅韓國食品都好似多左
定係平時本身就有 只係我冇留意到呢
凍櫃有兩三款韓國麵
睇吓個煮法 我就隨意揀左呢款
煮每樣野都要準備功夫
呢個韓國麵嘅準備並唔困難
有興趣可以自己都試吓研究吓啊
Yeah.... 『韓國炸醬麵』已經準備就緒喇
味道 我覺得唔錯呀
點形容好呢？ 又好似冇咩味道近似
我仲切左 D 青瓜絲用少少鹽醃過
嚟做裝飾 ^^"
食韓國野又點少得佢﹗
泡菜 ~ 我最鍾意就係食宗家呢個牌子嘅泡菜
味道比較啱我 唔知又啱唔啱您呢？
************************************
材料：
韓國炸醬 1 盒
五花腩 1 件
薯仔 1 個
蘿蔔 1 小段
翠肉瓜 半條
洋蔥 半個
我的做法：
1. 五花腩洗淨印乾水後切成小粒。
2. 薯仔、蘿蔔、翠肉瓜同洋蔥同樣分別洗淨，切成小粒備用。
3. 先將五花腩用熱油爆香，盛起備用。
4. 同一鑊，將薯仔、蘿蔔、翠肉瓜同洋蔥粒粒一同炒熟，五花腩回鑊。
5. 鑊中間開一個小圈，加入韓國炸醬在中間炒一會。
6. 聞到香味後就可以把所有材料拌勻一齊炒約兩至三分鐘。
7. 開一份生粉水，加入炸醬材料中埋芡拌勻至合適杰度即可熄火。
