今年嘅中秋節一好就計劃好左要整月餅
限量整十六個而已
叫做湊湊熱鬧 賀賀中秋吧 XDD
記得舊年用左『南』同『蔚南』嘅私家名模去做
可惜『蔚南』兩字唔係好突出
今年就只係做左四個嘅『南』字
其他都係用花花模
將突出嚟嘅位置搽左蛋漿 但個身就偏白左 D
因為呢個係酥皮 唔同普通月餅嘅餅皮所以唔會回油
要研究吓… 點樣可以將個身 ~
唔需要搽蛋漿都可以焗得燶返少少
做月餅嘅過程好煩 要準備嘅野同工序超多
先係個餡就要早一日煮定
第二又要浸蛋黃、做酥皮、分割、包餡、做形…
花花模比起字體出嚟嘅效果更加出更加靚
出年要唔要全部都轉晒用花花模好呢？
咁我另外嗰 D 模咪… 得個擺字？>"<
每年都希望將舊年做得唔好嘅地方改進… 做得更好﹗
今年都唔知咩原因技術上有點失手 可能係我太心急吧
就係將個奶黃餡包住個蛋黃時 包得唔名實
嗚嗚嗚… 睇吓睇吓 ~ 幾鬆散 >"<
不過食過呢個奶皇月餅嘅人都讚好好味又唔太甜
只因個奶黃餡煮得好香好軟滑~
用左新鮮雲呢拿籽煮個奶黃餡
黑色一點點雲呢拿籽… 粒粒清晰可見
其實自家做月餅一 D 都唔便宜 選材都係最靚最上等嘅材料
最開心見到嘅係爸媽都鍾意食又讚好
而且媽媽仲一連食左兩個 食到咀Lam Lam XD
Daddy 就比左個幾好嘅建議
話不如將蛋黃切成小粒 拌入奶黃餡中
咁就可以免除有包唔實嘅情況出現 而且蛋黃又可以平均分怖
呢個提議真係唔錯呢﹗﹗
另外…
今年多謝 Amazing Girl 比個左特別折扣我買星巴克嘅月餅
同樣係迷你裝 一盒八個獨立包裝
有四款口味 包括有咖啡杏仁、朱古力咖啡榛子、焙茶桂花同抹茶紅豆
嗯嗯 ~ 我自己今年都好想試吓其他唔同味道嘅月餅吖 ^^"
我覺得懂得享受嘅 應該沖定一杯熱茶
邊飲邊品嚐 除左感覺冇咁膩之餘又可以清清口腔本身之味道
再去品嚐另一個味道嘅月餅
喺呢幾款口味嘅月餅裡面
最深得我心應該係『朱古力咖啡榛子』
而最唔愛一定係『抹茶紅豆』
呢 D 係個人口味偏心問題 同星巴克嘅出品冇關 XP
出年出年… 我一定會做我自家制嘅月餅做得更好
Gogogo........
