喺曼谷上完一個烹飪班超開心
原來煮泰菜都唔係想像中咁難
上次曼谷之行 D 相都未得閒執
而且仲有大量文要 PO >"< 過兩日又要飛﹗ 點算好
喺曼谷 我喺超市買左一堆香料同調味料返嚟
好犀利 ~ 因為我連糯米都買返嚟﹗
哈哈 XDDD 我自知太癲 太愛煮真係冇辦法吖
急不及待
返嚟第二晚就煮餐泰國菜比情人試吓我嘅廚藝
學以致用 即刻就試吓
其實情人唔食得辣
所以所有味道都要輕手 D
先嚟一個『冬蔭功湯』
情人要多酸 我就加多 D 青檸汁
情人話好好味吖 仲問下次可唔可以加 D 薯仔 =.= ?
咁… 以乎有 D 變左質喎 Hahahaa
好好好 ~ 煮野食各有所好架啫﹗
下次就為左您試吓啦 XP
我地平日喺出面街都會點『豬肉 or 雞肉生菜包』嘅
原來好鬼易整架咋
可以話不費吹灰之力 炒炒撈撈就可以
當然要買埋 D 通透嘅玻璃生菜啦
一瓣瓣洗淨排好 包入調好味嘅肉碎就食得
爽爽爽
老師話 ~ 原來雞肉係容易入味過豬肉架
講真… 呢樣野我真係冇研究過﹗
咁就先整客『雞肉生菜包』啦
喺泰國『Pad Thai』周街都係 (即係炒金邊粉)
香港人就食最多 亦無人不知
喺街邊… 只需要 Baht 40 為港紙約十蚊 (HK$10) 就可以食到
難得有得學真係開心屎我
講真 ~ 當然冇佢地煮得咁好味
不過我會努力 再煮得好味 D 好味 D
我連 PAD THAI 個粉都係喺當地超市買架
夠晒地道喇呱 ~ Hahaha
未算呀﹗ 我每次去曼谷都好瘋狂
除左會空運海南雞飯返嚟香港
仲會買埋芒果返嚟 泰國嘅生果真係好味好多
今次仲用左喺泰國買返嚟嘅芒果同糯米
整左呢個『椰汁芒果糯米飯』
真係覺得自己好犀利 (暗笑中)
