Yeah... 好靚吖 ^^"
第一次整都算係咁啦
見到素顏小姐整得好靚
咁啱情人又鍾意食南瓜
搞到我都忍唔住手整返個比情人開心吓
Woowoo... 見到張相我都覺得好靚好開心呀 ^^~
見賣相咁靚 仲以為好難整好複雜
原來比我想像中容易
只係需要花多少少功夫啫
第一次整都算係咁啦
見到素顏小姐整得好靚
咁啱情人又鍾意食南瓜
搞到我都忍唔住手整返個比情人開心吓
Woowoo... 見到張相我都覺得好靚好開心呀 ^^~
見賣相咁靚 仲以為好難整好複雜
原來比我想像中容易
只係需要花多少少功夫啫
假期同情人出去拍完拖就要諗諗食乜好
情人話想飲『咸蛋節瓜豆腐湯』
『節瓜蝦米粉絲』、『節瓜乜乜乜』同『節瓜物物物』…
開始 Feel 到佢有少少玩野 ~.~"
我問點解咁多都係節瓜嘅
佢話咁先顯得我勁 =.=" 一餸多味喎
此時此刻 想一拳打暈佢 XDDD (玩野吖嗱)
於是我就提議整炒飯
因為我一早已經煲好左飯 仲雪埋
準備做冷飯用嚟炒 呵呵呵
(我是有預謀的啦 XP )
同情人去左超市買左原個有機南瓜
佢問我做咩買成個咁多…
但係佢好犀利 好快就估到我想點整 >"<
Okok You Win You Win XD
返到屋企 佢有佢撚魚
我有我做煮飯婆 嗚嗚嗚~~~
我條命 真係… (感謝主)
『原個南瓜雞肉炒飯』獻給您 ^3^
情人麻麻地鍾意食蔥
我就分開兩次落 第一次落少少炒
之後有剩嘅就比我後加晒落我碟飯度
好巴閉啦 情人有原個南瓜咁靚
我得個碟頭飯咋
嗚嗚嗚… (講笑啦)
有好野當然留返比您嘅 XD
仲有情人指定嘅『咸蛋節瓜豆腐瘦肉湯』
呢個係滾湯 所以好快手就煮好
唔使一個鐘就有得飲嘞 ^^ Yummy
今日晏晝好開心呀
我地要去筲箕灣睇魚
上次冇去到東大街食野
今次情人就補返數同我去到東大街食野先
食野我鍾意啊 XDD
我地食左好多懷舊小食吖
好似去旅行掃街咁 食完又買… 食完又買…
去左呂仔記食左『碗仔翅』、『燒賣魚蛋』
之後我想食低調高手嘅『雞蛋仔』同『格仔餅』
呢個好味道啊﹗ 推介 ~ 外脆內軟 好多雞蛋肉肉
拍得住我鍾意食尖沙咀嗰間豐記雞蛋仔
雖然要排長龍 不過好快就到喇 ^^
低調高手大街小食
地址：筲箕灣東大街 76A號 B3號舖地下
情人趁我排隊時就去隔離檔買『章魚小丸子』
跟住又喺隔離買『魚蛋』同『腸仔』食
個感覺好正吖 亮點係冇強國人
感覺寧舍安靜舒服
我地經營左幾個月嘅魚缸同魚魚第一次亮相
同大家見吓面先 ~ Hello ~ 愈嚟愈多魚魚
而且水質同魚魚都已經穩定左好多
多得情人花左好多心思心機照顧佢地啊
最近我地又有新成員加入
遲吓拍到 D 嘅寫真先同大家再分享吖 ^^"
******************************
(跟原食譜稍微更改)
『原個南瓜雞肉炒飯』食譜：-
材料：
有機南瓜 1 個
雞扒 2 件 (已醃)
鮮冬菇 1 盒
冷飯 3碗
青蔥 1 扎
做法：
1. 原個南瓜洗淨，用微波爐保鮮紙包好，用隻碟盛住南瓜再放入微波爐用中高火叮
6 - 8 分鐘 (視乎大細)，取出後撕去保鮮紙放涼一陣。(好熱好熱 ~ 小心燙手)
2. 冷飯從雪櫃取出。鮮冬菇用濕毛巾抹淨去蒂切片、青蔥洗淨後切粒分開盛起。
3. 開一鑊，用中火加小許油將雞扒煎熟，切粒備用。
4. 南瓜稍微放涼後，小心用刀打橫切開頂部做個蓋。
5. 用小匙慢慢將南瓜中間挖空，南瓜肉盛起切粒，南瓜籽拿掉。(小心挖穿南瓜啊﹗)
6. 用同一鑊，加入鮮冬菇炒熟後加入雞肉粒同冷飯拌勻同炒數分鐘。
7. 加入 2 湯匙日式豉油、1 湯匙味淋同少許海鹽繼續炒。
8. 最後可加入南瓜肉同蔥粒炒多 1-2 分鐘，試味，熄火。
9. 將炒飯放回原個南瓜內，曬上即磨黑胡椒即可。
