Hotpot @ Home

Honey 細佬同妹妹一家要嚟食飯
咁啱呢兩日都要外出
冇時間準備晚餐
就提議不如打邊爐

買野打邊爐可以好快
亦都可以好耐
點解咁講？！
因為要買靚料就需要去唔同地方啊

招呼得人嚟食飯又點可以媽呼呢！
簡單咁做左個藥膳鍋底
加左 D 北芪 黨參 杞子 紅棗 龍眼肉…

Honey 好好吖陪我去買餸

呢度走  嗰度走

由灣仔行到去銅鑼灣

返到屋企附近仲要去埋超市

好彩多個人可以幫手拎吓野

唔係我實好辛苦啫 >3<

嘩！大發現！

灣仔室內街市入面有檔賣墨魚滑超好食

我係墨魚粉絲  要求當然高

爽口  彈牙  又唔粉

仲食到粒粒墨魚

呢個雖然要 HK$88 半斤

不過真係物有所值

去左『鳳城』買雲吞同水餃

另外又買左半隻雞搵糟鹵醃浸做醉雞

有打邊爐唔少得嘅丸丸啦

以我經驗次次都食淨  所以買少少就好

有 D 芋絲同菇菇都係必買嘅

仲有 D 其他配料

Wowoo... 好開心呀

咁多好野食  又咁熱鬧

我男神又嚟同我玩

快 D 要安排下一次聚會啊！>3<