老表聚 @ 廚娘便飯

老表們一直都好想試吓我嘅手勢
趁婚後冇咁忙
就大家相約抽出日子嚟我同 Honey 家聚吓

問好左佢地想食咩餐
早早就同大家夾好晒  定好餐牌
好讓自己有個預算準備一下

有家姐、兩個表哥、表嫂同表姪一行五人

大家嚟到參觀吓傾左陣偈

我就交左招呼老表們  呢個重任比 Honey

我…當然要開始準備啦

揀左 D 自己比較有信心嘅野食嚟煮

普遍我定嘅餐牌食物已經煮過好幾次

先上頭盆  有…

『煙三文魚沙律配自制油醋汁』

『蒜蓉焗田螺薯蓉』

『香煎鵝肝配法包』

大家食到咁上下時

又到主菜上場

我一直喺廚房忙過不停去準備

雖然之前已經準備好晒菜料同分好先後次序

但做起上嚟點都有 D 壓力 ~ 哈哈

仲要做咁大份量  都怕失手架嘛 XP

因為表姪可以食嘅野唔多

而且佢又鍾意食意粉

所以表嫂就特意揀左呢個…

『意大利煙肉意粉』

『美國安格斯肉眼扒』

大家食嘅生熟情程唔同

未開始煎時  就切開左兩件方便控制

呢個係我同 Honey 最愛嘅

『蜜糖芥末焗羊鞍』

(原來家姐都好愛吖)

可能太耐冇焗過羊鞍

出爐時切落去有點生 ~ 真可惡 >.<"

要再落平底鑊輕輕煎一下

幸好嘅係大家都好鍾意食

而且差唔多都食得晒

都算好犀利吖

嘻嘻哈哈嘅一個晚上好快就結束

雖然我成晚都匿左喺廚房

但見到大家咁開心  我地好開心呀~

下次要再嚟啊！