平日簡單三餸飯

如果收工得閒又唔太攰嘅
我絕對唔介意煮幾味
過吓手癮之餘又可以慳返 D 錢

我會選擇平日可以食得簡單 D
假期食得好 D
呵呵~ 所以煮幾味並唔難
快靚正就可以

中午時份略略諗定食咩
收工就衝去買餸
返到屋企先煲個靚飯再開始動工整餸
冇意外嘅  八點半就有得食  時間剛好

浸少少蝦米加片薑炒個椰菜
又係一條好漢 XDD

自從認識左翠玉瓜之後

一直都同佢好 Friend

好鍾意買佢嚟煮餸  爽口腍左都一樣咁好食

呀！Honey 話我煮 D 雞特別好味？真係？！

我通常都係喺超市凍櫃買

澳洲嘅雞上脾 或者 泰國 S*Pure 嘅無骨雞上脾

我覺得兩者嘅肉質都唔錯同埋有來源保證

您地都可以一試

呃極您都係有限錢啫  係咪先？！XP

不過依家就習慣蒸左 ~ 

去皮切絲先再拎去炒

如果唔係…

炒完 D 雞盛起備用

再炒瓜  再將 D 雞回鑊都係一樣

加上我覺得咁仲快左  乾淨俐落 D 添 =)

麻婆豆腐又係我一味無限 Loop 嘅人餸

易做又快  送飯又好

您… 諗好今晚食咩未呀？