鍾意食粥嘅我唔會分春夏秋冬
夏天比較少煮 D
只係唔想夏天食到成身汗咁解啫 XD
我習慣會預早一日浸定米喺冰箱
(我通常浸 1.5 量米杯 洗完米水浸過面即可)
依家就長期都會 Keep 住一碗浸左水嘅米喺冰箱
方便自己心血來潮時都可以煮
之前都提過 用少許鹽、油嚟浸米
浸米喺冰箱係因為想 D 米 煮嘅時候容易開花
令粥快 D 變得綿身
煮野食冇特別既定手法… 啱定錯
各師各法 重點係好味啫
係味先 >3<
二至三人份量：-
我醃雞嘅方法係…
1.) 半隻雞件先去肥同皮 (鍾意可以要)
搵個大少少嘅器皿盛起
2.) 加入生抽、少少老抽同糖拌勻
3.) 加已拍過嘅薑片同蔥段拌勻再醃一陣
4.) 再加生粉拌勻
先再落油拌勻等佢包返住 D 調味料
備用~ (最少醃半小時以上)
5.) 煲加入水約 2 Ltrs
同時亦加入冰米 (冰米用水沖沖會易甩 D)
大火滾呀滾 (約20分鐘 不用蓋蓋)
{注意：最好用高身煲 (預空間會滾起同彈) &
用大火滾米 唔會沉底同黐底 ~
但都要隔一陣攪拌一下}
6.) 煮到米開始開花 熄火蓋上蓋焗約20-30分鐘
7.) 開蓋拌勻一下 (這時粥已經變得綿密)
加一盒 1 公升清雞湯
開大火再煮滾多15-20分鐘
8.) 將已醃好的薑蔥雞件下粥
拌勻一下 見滾就即時熄火
蓋上蓋焗30分鐘至雞件熟透 (雞會滑好多)
試味 ~ 睇吓需唔需要落鹽！
**平時有冬菇 ~ 我會浸透幾隻切絲 煲粥時一同煮
聞落有冬菇香味 粥加有雞湯打底
味道已經變得好豐富
又有薑蔥香 簡直香味集於一身 亦唔需要點落鹽
呢個就係我慣常煮粥嘅方法
我定必會切定 D 蔥白同青蔥粒啦 食嘅時候加上去
點綴之餘 食落又有生蔥香
當然… 唔少得一樽默默守護住佢嘅泰國胡椒粉 XP
我唔客氣喇 ^^"
