焗南妹豬士餅

哈哈﹗又係我個拿手好戲『焗藍莓芝士餅』﹐今次轉左個 look﹐用左個方形慕士模去焗﹐又用左個靚靚紙兜載住﹐效果出黎 So Good。

有時鍾意食都唔可以整太多﹐我都開始見到都怕怕喇﹐不過耐唔耐食細細件都OK嘅。下次又做乜好呢？

叮叮叮… 叮噹包

再來叮叮叮…叮噹包。今次比起上次熟手了﹐掌握時間也得心應手﹐不過唔知點解包包較乾﹐呵呵 =)

餅友介紹 Citysuper 十勝牌紅豆蓉﹐便走去買來試試 ~ 好味道啊。唔太甜﹐杰度合我心意﹐雖然太大盒﹐有剩嗰 d 聽日就用嚟做雪糕紅豆冰嘆嘆啦。

椰汁馬豆糕 (附食譜)

原先打算做『荔枝蘆薈慕思』﹐點知出咗少少意外。

反正買咗馬豆﹐就煮咗佢吧﹗炎炎夏日食個透心涼﹐滑嘟嘟嘅馬豆糕都唔錯吖~﹗

跟以下分量做了三盆八個裝嘅花花模﹐多咗嗰啲就用個食物盒裝起佢留返自己食。

靚靚嗰啲當然愛嚟請人食啦。

******************************

食譜改編自『為食貓』

椰汁馬豆糕

材料：
馬豆 100g
花奶 160g (1罐細)
椰汁 400g (1罐大)
鷹栗粉 170g
水 1250g
砂糖 280g

做法：
1. 馬豆洗淨煲焾, 隔水備用.
2. 花奶、椰汁同鷹栗粉拌勻, 用篩隔一次.
3. 水同砂糖慢火煮溶, 慢慢加入粉漿,  不停輕輕攪拌.
4. 加入馬豆繼續輕輕攪拌至杰身, 熄火.
5. 倒入模中, 稍微放涼後入雪櫃雪凍即成.

杰作 - 雪芳蛋糕 (附食譜)

登

。

登

。

。

登

。

。

。

登

。

。

。

。

杰作……就係杰撻撻嘅雪芳。我睇 Blog 咁耐都未見過咁嘅雪芳﹐真係要拎嚟比大家分享吓先得﹐哈哈哈哈 ) ) )  唔單止冇唔開心﹐反而對住佢真係好好笑添。要失敗過先覺得成功嘅珍貴。

入爐時都仲好地地﹐倒扣完時一反起…咦﹗點解縮咗水嘅？我都係照食譜做咋嘛﹗錯喺邊呢？真係唔知道﹗

一直都知道做雪芳好難做得好﹐所以都未敢去嘗試﹐直到上次食過Catfood做嘅雪芳﹐直到切切實實有模有書喺手就膽粗粗試吓﹐結果？！就係咁囉。

請各位師姐師兄指教

我的失敗過程…都係跟書做… XP

******************************

食譜：『好吃戚風蛋糕輕鬆上手』

香草戚風蛋糕 Vanilla Chiffon

材料：（17cm 型)
蛋黃(L) 3個
砂糖 70g
沙拉油 50ml
水 50ml
低粉  80g
蛋白(L) 4個
雲呢拿條 1/3條

做法：
1. 鋼盆裡放入蛋黃稍微打散, 加入1/3量的砂糖用打蛋器確實地混拌均勻.
2. 沙拉油分次少量地加入混合, 加水後繼續攪拌.
3. 加入雲呢拿籽, 低粉混合拌勻.
4. 粉塊消失, 變得光滑柔潤後, 蛋黃麵糊便完成.
5. 別的鋼盆中放入蛋白用電動打蛋器打發泡. 全體打發泡後, 加入剩餘砂糖一半的分量.
6. 繼續攪拌, 再加入剩餘的砂糖打發泡.
7. 打到可拉出尖角後, 蛋白霜便完成.
8. 將1/3量的蛋白霜加入4的蛋黃麵糊中, 用打蛋器將全體調和般地確實混拌.
9. 加入剩餘的蛋白霜, 不要攪破氣泡般地快速攪拌均勻.
10. 換成橡皮刮刀, 不要留有蛋白霜痕跡地從鋼盆底部翻拌上來將全體混合.
11. 將麵糊從稍微高一點的位置一口氣倒入模型中.
12. 用兩手將模型提起然後放下輕敲, 讓裡面的空氣釋出. 以預熱至180度的焗爐依指定的時間烘烤。
13. 烘烤完成後馬上連著模型倒扣過來, 放在倒過來的杯子上冷卻.
14. 在冷卻的模型和蛋糕間放入刀子沿著外圍劃一圈.
15. 用刀子在中心部份劃一圈.
16. 將圓形烤模取下, 接著在蛋糕和烤模底部間劃入刀子, 使剩下的烤模底部脫離.

滑嘟嘟抹茶豆腐布甸

之前喺 Angel 個 Blog ﹐見到呢個布甸好正咁。其實想做呢個『抹茶豆腐布甸』已經好耐﹐但太多嘢想整﹐所以一直都放在喺 waiting list。屋企嘅材料實在太多﹐真係夠我隔天做一次﹐做足兩個月﹐哈哈 XDD 屎未？﹗真係發覺自己有購物狂添﹗

用左兩份材料打算做四杯﹐明明食譜話將抹茶糊篩兩次﹐但我又見到好似仲有好多渣咁﹐咪再篩多兩次囉﹐點知… 入杯仔時只倒得三杯 還是算吧﹗

Dark Chocolate Mousse

尋日去 IKEA行街﹐見到有個 Shooter 細杯仔好得意﹐杯仔只有 2 吋高﹐再用上Valrhona 70度嘅黑朱古力﹐一於嚟個迷你版嘅『特濃朱古力慕士』。

雪凍後食左一杯﹐好滑有濃郁朱古力味﹐令朱古力謎嘅我愛不釋手。

So Good... I Love It

人氣馬卡龍

一班餅友冒住生命危險﹐黑色暴雨下依然去上堂﹐學嘅係『馬卡龍』。

食就食過﹐做就未做過。看似材料步驟簡單﹐但好多人都被它擊敗﹐原因… 就是過程中嘅技巧。第一次做嘅我出嚟嘅製成品雖然唔算好靚﹐裙邊再多少少就會更加好。下次都可以喺屋企試試﹗

抹茶紅豆磅蛋糕

第一次做抹茶蛋糕﹐手痕痕加左 d 紅豆落去﹐焗出嚟好似冇咁靚﹐不過都接受到﹗食左件試味﹐覺得原來自己做真係抹茶味會重 d 足料 d 。呢隻抹茶粉都綠得幾靚﹐總算安慰。

下次嘅抹茶出品已經唸定左﹐想知係乜嘢？等我出品啦~

白汁吞拿魚酥

冰箱有包懶人酥皮放左好耐﹐見有材料做餡就試吓玩﹐出去食飯前就拎定盒酥皮解凍放軟。

揀左罐薯仔忌廉湯﹐切左半個洋蔥﹐加埋罐吞拿魚﹐再加少少紹興酒同胡椒粉﹐煮兩煮就做完個餡料﹐非常快趣。卷卷卷… 卷入餡料﹐皮面劃咗幾吓﹐就可以搽上蛋漿﹐入爐焗﹗

果然好酥﹐好鬆化﹗次次都可以放入唔同嘅餡料﹐簡簡單單的確唔錯﹐又好玩 hehee =)

一獲泡 @ 叮噹包 (更新版)

夜晚食飽飯就準備玩 >>> 新寵兒 >>> 『羊羊烙印』做豆沙包。

高高興興喺度準備麵糊﹐麵糊準備好後就開爐落鑊﹐原來真係好易燶架﹐您地睇吓… 燶到咁… 都唔知笑唔笑好﹗試左成六七塊先掌握到幾時要反轉﹐到開始做到兩三塊時候又興奮起嚟。哈哈 XDD

做到七七八八時就拎支新火槍出嚟入 Gas﹐出事喇… 入左少少竟然聽到吱吱聲﹐開頭仲以為隔離屋 d 水喉聲﹐咦﹗﹗d 聲咁近嘅？原來我拎住嗰支火槍漏 Gas ﹐好鬼驚呀))) 即刻放低咗支火槍喺廁所就彈返出嚟。再打比 d 餅友仔問問﹐又上 MSN 求救… 真係一額汗 >.< 最終支『羊羊烙印』都係用唔著﹗

最衰我屋企係用無火煮食﹐如果唔係撻著個爐就可以燒熱個『羊羊烙印』﹐咁就唔駛搞成咁喇﹗嗚嗚嗚~~~ T.T

**~~**~~第二晚的更新版~~**~~**
特別感謝 eRiCa 幫忙﹐多謝呀﹗

我個羊羊烙印豆沙包終於面世喇~ Yeahhhh... 超開心呀~~

Double Chocolate Soft Cookies (附食譜)

好耐都冇開過爐嚕﹐做咩好呢？繼上次做左朱古力粒、碎杏仁軟曲奇後﹐今次轉一轉少少個食譜﹐做左個朱古力軟曲奇底﹐用左 Valrhona 可可粉同加入左大量朱古力粒粒﹐變成一個香濃朱古力味軟曲奇。

上次落麵漿時份量太多﹐又比朋友笑好似喺到食緊『光酥餅』咁﹐今次做返一口一個嘅份量﹐食嘅時候乾淨利落。出爐時外層仲係軟軟嘅﹐放涼後就變左外實內軟﹐試左一粒… 嘩﹗勁正呀﹐非常啱我口味… 食多幾粒先。

******************************

食譜：-

朱古力粒粒軟曲奇

材料：
牛油 200g
砂糖 100g
黃糖 100g
蛋 2隻
香蘭籽香油 少許
鹽 少許
梳打粉 5g
低粉 340g
可可粉 60g
朱古力粒 130g

做法：
1. 牛油室溫放軟，然後加兩種糖打勻，徐徐拌入蛋汁及香油.
2. 低粉、可可粉、梳打粉及鹽篩入碗中拌勻.
3. 混入朱古力粒輕輕拌勻.
4. 把約一茶匙麵團，隔4厘米放在已放牛油紙的焗盤上.
5. 放入已預熱至190度的焗爐，焗約10分鐘至金黃色出爐.