三界五行：不忘初心 永遠保鮮

「一個巴掌拍不響」，用粵語來說，就是「相嗌唔好口」。

「家和萬事興」這句話大家都耳熟能詳，但是下一句是甚麼？相信很多人都未必知道，這就是「家衰口不停」。如果早知「初則口角，繼而動武」的悲劇收場，我們為甚麼不開開心心的演好「家和萬事興」這齣好戲呢？

相敬如賓，就是夫妻相處永遠好像初相識，保持客氣，由基本的禮貌開始。相敬，就是你敬我一尺，我敬你一丈。丈夫永遠記住，當初追求對方的時候，是多麼的客氣；妻子也要永遠記住，當初和對方約會的時候，是多麼的矜持。說得文雅一些，就是「不忘初心」；說得通俗一些，就是永遠「保鮮」。常存謙卑、感恩的心，用讚美代替挑剔，用「唔該你、麻煩你、請你……」代替呼呼喝喝，「家和」，由和氣、和顏悅色開始。

如果在世界上，沒有一個國家開第一槍，那就一定不會有世界大戰。如果在家庭裏，沒有一個人說第一惡言，那就一定不會有家庭悲劇發生。忍一時之氣，免百日之憂。想風平浪靜，由一個忍字開始。

誰忍，誰對家庭的貢獻最大，夫妻兩人都忍，兩人都偉大。幾十年的日子晃眼就過，放過對方，其實就是放過自己。


謝謝方向宇先生分享~

涼瓜黃豆排骨湯 @ 廚娘便飯 (附食譜)

大滿足！個湯好回甘好正呀~

遲遲都未試整呢個『涼瓜黃豆排骨湯』
終於突然的起心肝去做
又有湯飲  又可以當一個餸  太好啦！

平時就三餸一湯
今日就三餸包埋個湯 hehehee...

莞茜皮蛋茶瓜魚片湯 @ 廚娘便飯 (附食譜)

有日見到『莞茜皮蛋茶瓜魚片湯』好想飲
趁得閒即刻去買料準備

最難係… 仲要諗多三個餸
我覺得煮真係冇問題
係諗食咩先頭痛

因為老公有好多野都唔食架啦 =.=

花旗蔘螺頭冬瓜雞湯 (附食譜)

喺蘋果網報見到呢湯水好吸引

見到捱夜人士啱飲

即時好吸晴

放假即刻試吓煲

海鮮大餐 @ 廚娘便飯 (附做法)

對住呢餐飯有 D 沾沾自喜
四樣海鮮都係成惠 HK$190
感覺超抵！

放假瞓醒同老公講
您今晚請我食海鮮吖
老公就話好  問我去邊度食

食完晏就同老公去灣仔街市買餸
一檔過買晒心水生猛海鮮
半斤海蝦  一斤蜆  一隻花蟹  六隻象拔蚌仔
HK$192 ~ 收左我地 HK$190

買左四樣海鮮！二百蚊有找

其實… 我好怕煮 D 識郁嘅野
連魚個質感都唔鍾意
但又好鬼想食  唯有硬著平皮去煮

好野味 @ 廚娘便飯 (附做法)

成日諗食咩餸真係好頭痕
我有時都話不如拎張外賣紙隨意揀
但揀… 都係好困難嘅事 XP

唔係我唔係就係老公唔食
哈~做人人妻甚艱難
所以做個家庭煮婦真係唔易呢！

刺身加料 @ 廚娘便飯

原先諗住煮個 Risotto 加個冰鎮露筍簡單 D 就算
點知收工去左 Citysuper 行左陣
見到 D 刺身鬼咁吸引

忍唔住就買左幾盒返屋企同老公分享
老公仲問我做咩今日咁豐富
哈！我都唔知點答

為食囉！想食囉！想對您好 D 囉！
XDDD

長假期 @ 廚娘便飯 (附煮法)

早排有長假可以長嘆一番
主力當然係喪眠啦
我同老公都係夜瞓  又瞓得吓嘅人

平時返工兩點幾先瞓
假期就更加放肆… 三、四先會瞓
之後又瞓到第二日嘅點幾兩點先會醒
的確係好爽呢！

放假有時間多
我都鍾意去買餸煲吓湯煮返兩味
盡吓做人妻嘅責任

All Day Breakfast

假日早午餐
真係只得假期先煮得到

平時起身返工已經用九秒九速度
仲邊有多餘時間整呢！
要我早起  實在太困難 =.="

一早Plan 好左放假日要整 All Day Breakfast 比老公食
所以之前嗰日就買好晒材料
咁第二日就唔使再出街買啦 ^^~

望落好豐富  其實冇難度
都係煎煎炒炒咁
加 D 鹽同黑胡椒就最原味好味

老公見到好開心呢~

炎夏簡單d @ 廚娘便飯

早排熱到黐左線
出一出街都成身汗  超辛苦
何不呆左家中休息吓  睇吓劇  做吓家務
反而都仲舒服

同老公講不如食得簡單 D
費事又煮到成身汗

今晚煮左我最鍾意嘅素麵 (舊文)
蒸左 D 南瓜  同我冰箱快備嘅王將餃子
輕鬆簡單又一餐咯~

老表聚 @ 廚娘便飯

老表們一直都好想試吓我嘅手勢
趁婚後冇咁忙
就大家相約抽出日子嚟我同 Honey 家聚吓

問好左佢地想食咩餐
早早就同大家夾好晒  定好餐牌
好讓自己有個預算準備一下

三界五行：種植樹木四大好處

陽宅風水，非常注重植樹，雖然，過往的家居，不論富戶豪門，還是小康之家，甚至鄉郊寒舍，即使沒有庭院，也可以在屋前屋後種樹，現代都市，已極少有自家種樹的環境，但是，植物對於風水、環境、健康的好處，仍很有參考價值。

古代陽宅風水認為，草木不生的地方，人不宜居。不要以為這是迷信，植物生長3大要素：陽光、土壤、水分，缺乏陽光、土質欠佳、水源污染，就會寸草不生，這樣的地方，人的健康肯定受影響。在現實生活中，有些地區，因為工廠排出有毒氣體、污水，令居民患病死亡的事情時有所聞。而全球氣候極端化，甚麼現象都可以發生，其中一個成因，與人類過度砍伐樹木有關。

中國傳統風水認為，種植樹木有四大好處：藏水避風、陪萌地脈、化解煞氣、增旺增吉。

藏水，植物的根莖枝葉，收藏水分，它們自己賴以生存，又能調節環境的濕度；避風，風，會帶來沙塵暴，樹林、草地可以減少風帶來的負面影響；地脈，本來是風水名詞，但可理解為人與大自然的關係，時下流行一個名字叫做人脈，指人與人的關係，地脈，就是人與地球的關係。陪，一起；萌，發展。（待續）


謝謝方向宇先生分享~

三界五行：淨化新居祛邪納福

「拜四角」宜在入伙前進行，可以提前一年半載，或裝修前一、兩個月，或在裝修後亦可，但不宜同一日入伙兼「拜四角」。入伙必須擇吉日良辰，之前必須進行大清潔，無論是新樓或是二手樓，都要淨化。

淨化分幾個層次。一是自然淨化，盡量打開窗戶，讓陽光、鮮風來活化環境，消滅細菌病毒蟲蟎。二是打掃衞生，徹底清除裝修殘留廢物。三是風水綠化。我們看不見裝修殘留廢氣，甚至聞不到，然而很多有害氣體會留存一段較長日子也不會散去，這些廢氣對老弱年幼人士的健康有很大影響。除了時常開窗通風吹散部分廢氣，更好的方法是養植一些可淨化有害氣體的常綠植物，例如蘆薈、綠蘿、吊蘭、長春藤、文竹、發財樹、巴西鐵樹等。以前人們以為這只是風水擺設，但近年已被西方科學家證實是「室內天然空氣淨化機」。

四是傳統淨化。這是入伙前必須的風水步驟，用黃皮葉、碌柚葉、艾葉煲成淨化水，用新水桶盛載，再用五色花，包括紅、黃、藍、白、綠（買不到綠色花可用柏葉、鮮艾葉等代替）沾淨化水。先面向家門，由左手邊的青龍位開始，由左至右象徵式灑遍全屋，灑到家門右手邊白虎位收工；然後用新的白毛巾沾些淨化水，擦抹全屋的門、窗，所有房門的內外、門把、門鉸都要抹，這是最徹底的淨化。


謝謝方向宇先生分享~

簡單出手 @ 廚娘便飯

老爺奶奶返到嚟
煮過中餐、甜品同糖水比佢地食
係唯獨未試過煮西餐

知道老爺一直謀住冰箱裡頭嘅鵝肝
想食好耐  哈哈哈…
好啦好啦！等我出手了左您個心願啦

三界五行：謀求幸福須修口德

福的對立面就是禍。道家認為「禍兮福之所倚，福兮禍之所伏」，大難不死，必有後福，失敗或遇到不幸的事情，我們應經一事，長一智，吸取經驗教訓，再接再厲，很可能享受到成功的幸福。如果身在福中不知福，不惜福，不修福，很可能惹來大禍。

《太上感應篇》不但是道家典籍，也是古今第一善書，一開始就直接告訴我們：「禍福無門，唯人自召，善惡之報，如影隨形。」接着詳細列明各種召福的善行、召禍的惡行。結尾亦很簡單，「故吉人語善、視善、行善，一日有三善，三年天必降之福。凶人語惡、視惡、行惡，一日有三惡，三年天必降之禍。」其實，不論時間的長短，惡有惡報，善有善報，若然未報，只是時辰未到，時辰一到，一定全報。

三善三惡，以言語的業力最大。心善不如口善，俗話說的「衰多口」、「生壞把口」是很有道理的。視，並非單指目光，更重要的是看待人、事、物的心態、方法以及作出審視判斷。行，是行為、行動。所以，人的修為，口德往往比內心、行為更重要。上天造人，眼、耳、手、足都是成雙成對的，只有嘴巴得一個，這是教我們多看、多聽、多做事、多走路，少言。人生在世，小時候學講話只需幾年時間，但學習不出惡言，就要一輩子。若直到「人之將死，其言也善，」那時才覺悟，實在令人感嘆。


謝謝方向宇先生分享~

飯後清潤糖水 (附食譜)

嚟個簡單又快捷嘅中式糖水
不費吹灰之力就可完成

只要屋企有材料  隨時做都可以
凍熱都一樣咁好味  連糖水料全部都食得返

******************************

做法：-

雪耳	1 個	浸軟去蒂切件
紅棗/雞心棗	約 15 粒	浸軟去蒂
圓肉 (龍眼肉)	約 20 粒	浸軟
乾百合	1 把	洗淨浸軟
去芯蓮子	1 把	洗淨略浸

(1) 去芯蓮子先浸, 後隔水蒸 10 分鐘

(2) 先將紅棗, 龍眼肉加入約1.5 - 2 公升水大火煲約 10 分鐘

(3) 加入蓮子, 水滾後轉中火再煲 10 分鐘

(4) 最後加入乾百合同雪耳煲多 10-15 分鐘即成

(5) 試味~ 如需要可在熄火前加冰糖吊味

何謂 Dutch Baby (附食譜)

哈哈！到底咩係 Dutch Baby

我冇特別去深究過

只係有日喺 FB 見到朋友整左呢個甜點

正好我又想搵 D 野搞吓

即刻 Whatsapp 問朋友攞個食譜

原來食譜係嚟自『愛料理』icook 嘅台灣網站

朋友話呢 D 材料正常都會有

即刻打開睇睇望吓… 啊！又係喎！

唯獨是香蕉同藍莓我就衝去樓下超市買

無相肝 ~ 好快啫 ^^"

只要唔係要 D 蛋糕材料就可以

事關星期日烘焙店都休息

三界五行：改變心境 對抗逆境

運，很難改，氣，較易改。現代心理學和醫學建議，在不能改變外在環境時，應改變自己的心境。雖然改變心境，環境不會馬上變好，例如天要下雨，不能改變，但想一想：下雨也好，洗乾淨地面，沖走細菌；下雨都好，消暑散熱；下雨很好，否則農作物會旱死……心情就不會因下雨而悶悶不樂，而更好的心態是盼望雨後見到彩虹。

又例如，失運就會生病，生病最容易心情欠佳，心情欠佳會加深病情。若樂觀面對，雖然不能直接令病變好，但處之泰然，有信心戰勝疾病，與醫生合作，配合治療，設法令自己吃好一些、睡好一點，一定會比心態負面的人容易痊愈。若常常悲觀失望，整天唉聲嘆氣，呻到樹葉都落，對病情沒好處。

中醫學認為疾病來自「六邪」：風、寒、暑、濕、燥、火。「六邪」客觀存在於外界，本來是「六氣」—— 6種自然現象：風，東南西北風，四季都有；冬天寒冷、夏天暑熱、春天潮濕、秋天乾燥；爭秋奪暑的長夏天時，酷熱如火。自己病了，可能是不小心傷風、受寒、感暑、困濕、惹燥、上火，也有可能是體內正氣不足，令邪氣積聚而伺機發病。而「六邪」中，濕最麻煩。家居潮濕，開抽濕機就搞掂，體內濕氣重，人就易疲倦，總覺得睡不夠，面油多，面色差，四肢乏力稍動則累，提不起精神，胃口差，如不及時調理，就衍生百病。


謝謝方向宇先生分享~

檸檬蛋白撻 (附食譜)

相約左去小玉家整呢個『檸檬蛋白撻』

講真心  我勁 Like

查返 D 記錄原來我對上次整已經係七年前 (掩面)

(舊文1)  (舊文2)

仲有一張影得好靚  但又搵唔到篇文 >_<"

一品鍋 @ 廚娘便飯

懶人便飯又出動
要食得開心有盈養又想懶嘅
最好就係一碟或者一煲過

屋企仲有少量蔬菜
收工去 Citysuper 一次過掃晒要買嘅野
再九秒九衝返屋企準備

等 Honey 收工返嚟就可以即刻開飯
慘慘… Honey 呢幾個月公司忙得要命
睇睇吓電視就已經喺沙化瞓著左

呢個一品鍋我又係用左一粒魚湯寶做湯底
除左魚同羊肉我先用另一鍋拖水 (避走泡泡)
將所有買返嚟嘅蔬菜洗好砌靚佢

滾左就可以加埋 D 魚同羊  再滾多陣
就係咁… 一餐多菜少肉嘅晚餐就咁完成
驚 Honey 唔夠飽再煮多個烏冬麵

Yeah... 冬天懶人恩物之選

多謝收睇