2014年1月14日星期二

開口





網路轉載 - 謝謝林二汶分享

**********


睇完呢篇文章﹐我就唸起《溝通》二字
亦係喺我網誌右邊打上嘅座右銘
係一世人當中最深嘅學問

我唸好多人都犯緊同樣嘅弊病
有時自己都會有咁嘅情況發生

識唔識得去檢討自己﹐呢一環係好重要
有 d 人知道自己有問題﹐但係唔改 (等同唔知)
更有 d 人可以從來都唔覺得自己有問題

當冷靜落嚟﹐我會先唸一唸
呢個人有冇需要或者值唔值得
要我花時間去同佢溝通?﹗

如果我覺得您係對我重要嘅
我一定會主動行出呢一步
先行出呢步﹐唔關係什麼冇尊嚴同冇面子問題
而係我重視呢段感情

我堅持要人與人之間係要《溝通》要《坦承相處》
以我嘅性格﹐無論爽與不爽都會真心吐出
問題係視乎自己點去表達
可以令件事得到解決而大家又覺得舒服

明白每個人嘅接受能力各有不同
對唔同嘅人﹐方法亦有差異
所以我都不斷努力學習﹐取長補短
希望可以做得更好





2014年1月13日星期一

天麻川芎瘦肉湯 (附食譜)


見好耐都冇煲過天麻川芎湯
就走去買舊瘦肉嚟煲吓補補佢

之前都講過﹐依家嘅魚頭唔適合煲湯水 (相關舊文)
所有嘅湯水我都勁鍾意飲
因為中國人嘅老火湯功效實在太勁

而藥材湯更為我嘅至愛
功效太多﹐所謂『有病醫病﹐無病內調』 (即調理身體)
所以雪櫃、儲物櫃都放滿左好多
只要買舊肉﹐或者買隻雞隨時就可以煲得

但每種藥材屬性都有唔同
有時都要根據個人嘅體質去配搭而飲用
一係可以煲 D 大路 D 嘅湯水
再唔係﹐可以請教您嘅中醫師啊﹗

呢個湯水味道好甘
但都唔叫難飲嘅… 最緊要係有益嘛﹗


特登影左 D 材料比您地睇吓個樣
又搵左 D 資料同大家分享吓﹗Enjoy~



根據資料記載﹐各樣藥材都含有藥用價值﹐其之功能如下:

天麻為珍貴藥材,中國諸多藥典中均有記載, 《本草綱目》記載,「天麻,乃肝經氣分之藥」。

天麻性味甘、辛、平、無毒,歸肝經,能息風止痙、平肝陽、祛風通絡,有治療驚厥、抽搐拘攣、眩暈、頭痛、半身不遂、肢體麻木、風濕痹痛等功效。

天麻中含有天麻苷(Gastrodin即天麻素)等有藥效的成分,現代醫學認為其有抗驚厥、健腦、延緩衰老、鎮靜、安眠、抗炎、提高免疫力、降血壓等藥理保健作用。

川芎:活血行氣﹐祛風止痛。常主治月經不調、經閉痛經、癥瘕腹痛、胸脅刺痛、跌扑腫痛、頭痛、風濕痹痛等之功效。

茯神:寧心、安神、利水、治心虛驚悸、健忘、失眠、驚癇﹐小便不利。

浮小麥:主止陰虛發熱﹐能斂虛汗。


******************************

食譜:-  二人份量

材料:
川芎  -  兩錢 (8g)
天麻  -  10片
茯神  -  1兩 (38g)
浮小麥  -  1兩 (38g)
南棗  -  4粒 
百合  -  約20粒
薑  -  6片
瘦肉  -  1斤

我的做法:
1. 瘦肉汆水備用.
2. 南棗去核﹐天麻用滾水過一過﹐其他材料沖水備用.
3. 將所有材料放入約2.5-3公升的滾水﹐待水滾後用轉細火煲多兩鐘﹐落鹽調味即成.




2014 三餸一湯


2014 年開爐第一激… 煮個開年住家飯
放假輕輕鬆鬆﹐有時間我就可以煲個靚湯煮番幾味
係我至愛嘅優質生活

請左我個 VIP ~ Amazing Girl 嚟食飯
呢個『節瓜蝦米粉絲』由2013 講到 2014 先煮
哈哈哈﹗咁有時樣樣都想煮﹐都唔知煮得邊樣先吖嘛
有相有真相… 終於有得食喇

自己都好耐冇食過﹐真係好好味
我習慣用魚露去煮呢個餸﹐炒起、食起都香 d
原本成碟滿晒架﹐食食吓先記得影咋

依家百物騰貴﹐一斤節瓜要成 $14-18
好瘋癲呀﹗節瓜咋喎 T.T (淚)



『露筍炒牛肉』
如果係煮日式﹐我就會買肥牛嚟卷住 d 露筍煎
再點芝麻醬或者照燒汁
既然今晚係中餐﹐就轉一轉

今次 d 牛肉唔夠腍啊~ 有 d 韌﹐屎人牛肉佬吖
明明叫左佢比 d 腍 d 嘅我架嘛
呃我﹗正衰人 >.<


原先計劃想蒸條魚﹐不過我好少整魚
有陰影之餘又唔知去邊度買好
Amazing Girl 話想食豆腐豆腐 =.=

好啦好啦﹗順吓您意啦
淨煮豆腐好似好單調
要唸唸~ 要唸唸… 見到有真姬菇

又醒起屋企有黑松露菌
落多少少功夫﹐將真姬菇先炒再加入黑松露菌
輕輕埋個芡﹐淋上肉子豆腐再蒸蒸就 K.O. 啦


三個餸就咁就完成左… 冇難度~
最開心嘅係﹐三大碟餸 Amazing Girl 都幫我清得晒
好犀利吖﹗睇唔出您咁大食 (各方面都係 Hehee... XD)

雖然有時自己煮係 d 麻煩
要花時間去唸食咩﹐又要買、要整、要煮又要洗
功夫一大輪

不過… 當見到有人會食晒您煮嘅野
又讚您整得好味嘅時候﹐真係咩都抵返晒﹐咩辛苦都唔記得嚕
呢個就係我嘅入廚樂

Amazing Girl 仲超好﹐係都要幫我洗晒 d 碗先走
(其實我地倆個都唔鍾意洗碗架)
但您過門都係客﹐點好意思呢
辛苦晒您啊﹐真抵鍚 ^3^

對呀﹗我仲有個湯…
等陣返嚟下回再分解﹗




2013 收爐大吉


2013 年最後一煮… 乖乖地煲個靚湯
係好好味道嘅『章魚節瓜雞腳湯』
Yummy 吖~~


說的是百喝不厭﹐呵呵﹗


Amazing Girl 鍾意食雞翼﹐又鍾意食薯仔
等我一次過滿足您兩個願望啦
我… 其實都係第一次煮﹐好唔好味都要多多包涵架


Hehee... 好應節呢﹗呢個係火雞肉啦
多謝 Amazing Girl 加餸啊 ^3^


今年聖誕節好開心﹐有您您您…您地喺我身邊
仲有好多好多禮物收呀)))

Amazing Girl 送我嘅第三份禮物
係同上次長銀包一樣顏色嘅鎖匙包
呵呵呵 ~ 咁就可以拼埋一套啦
Yeah Yeah... 好靚好靚 (似我……  =.= 救命吖 )

仲有其他好友送來嘅禮物
多謝晒您地啊﹗
希望年年聖誕節都咁開心就好喇~


一年好快咁就過去
感恩 2013 得到嘅所有一切
我會好好珍惜﹐真的會好好珍惜我的所有




2014年1月11日星期六

如何避免是非


學佛以來,待人接物更加小心,總不免有些無謂的是非,怎麼辦?

在這世界上,不被別人說是非的人很難得;不說別人是非的人更難得。對付辦法就是‘忍’!別人告訴你的事不要信以為真,自己所見的,裝著沒看到,賢父說:'是非日有,不聽自然無。 '最好還能這樣想:可能我過去生中造的口業太多,今生就來受報,隨他說好了,趁這機會正好磨練自己,將來債也還了,行也修了,豈不是一舉兩得?倘能如此,保證就坦然了。

一般人都是喜歡聽好聽的,其實別人說你好,你不是真好,因果不饒你,說好有什麼用?說你壞,你不是真壞,因果不找你,說壞也等於零。遇著這種事,千萬不能用以毒攻毒的辦法對付他,這樣是非將會更多。要想避免別人不說你的是非,首先自己就不能說別人的是非,更要管教子女不說是非,假使大家都能這樣做,以後就沒有是非了。

以前稱搬弄是非的女人為'長舌婦',但有些男人的舌頭並不比某些女人的短,我看現在的女人很多都有職業,下班後又要忙於家務,空閒時間少,說是非的機會也少了。也許是現在教育普及,女性的知識水準提高了的關係,不願說人家的是非,這是好現象,希望以後永遠也聽不到'長舌婦'那種聲音,不管是個人或家庭,以及社會,定會減少很多無謂的是非和煩惱。

佛教對兩舌很重視,所以列為十惡之一。我們修行最重要的是使身、口、意三業清淨,將來才能超凡入聖,證無上道,否則,不管怎麼修,也是磨磚作鏡,徒費功夫!

客:法師開示的很有道理,但是想做到卻不容易。
僧:修就是要修難做的事,不然,你我早就成了佛。不要怕難,把'我'看淡些,就不會感到難了。
(知義法師著《初機學佛決疑》)

問:如果所領的執事需管理人事,而管了之後又會令自己起煩惱,心不清淨,請問應該如何面對?
答:做事難,做人更難。特別是現代人煩惱習氣很重,我們好心幫助他,往往還引起誤會。如果我們沒有智慧、善巧方便,這些煩惱總是不能避免,所以古人言:'多一事不如少一事,少一事不如無事。 '你可以與老闆商量,你不管人事,管別的事情。

人事是最難管的,而且人事最容易得罪人,所以要有高度的智慧,佛家講善巧方便。而最重要的是'公平',管人事不能偏心,有偏心就免不了造罪業。某人對我好一點,我就把升遷機會給他;他對我不好,明明他有升遷機會,就去障礙他,這就造罪業,會有果報。

我們這一生遇到許多苦難,原因是什麼?我過去生中障礙過他,今天他有緣來障礙我,業因果報絲毫不爽。學佛之後,看法就不一樣,對於這些事情心平了,確實能夠逆來順受,這個結就解開了,業就消除了。

所以,能生智慧,能生歡喜心,這是佛法對我們真實的利益,否則在現前社會想不開的事情多了,甚至於有些想不開的人去自殺。自殺還是不能解決問題,果報現前時還是要受,真正解決問題要破迷開悟。而人與人之間最重要的是真誠,學佛尤其是讀了《華嚴經》,處理這些人事問題應會方便許多。
(淨空法師《學佛問答》21-90-32)

問:請問被人誤會是否要解釋清楚?如何判定在何種狀況下需要解釋?
答:視情形而定,有些誤會必須要解釋,有些誤會可以不必解釋。是否該解釋,判斷的原則就是在利益對方,有些解釋於對方有益,有些不解釋於對方有益,只要'不為自​​己,專為對方',依此標準而定,就不會有錯誤。
(出處同上 21-90-46)



網路轉載~ 謝謝分享