係咪好耐冇見過我煲湯同 PO 食譜呢？
呵呵呵﹗廢話少講…
易整又美味嘅『茶樹菇煲雞』即刻送上
(抱歉呢﹗部相機嘅鏡頭仲未配到 ~ 粗粗地用部舊野 S3 手機頂住先)
******************************
茶樹菇煲雞 (附食譜) ~ 食譜：三至四人份量
材料：
茶樹菇 - 1兩半 (54g)
無花果 - 8粒 (切開)
淮山 - 5錢 (20g)
黨參 - 1兩 (38g)
雞心棗 - 5粒 (買原粒自己去核)
雞 - 半隻
豬前展 - 約半斤 (瘦肉亦可)
我的做法：
1. 茶樹菇浸水一陣﹐榨乾水再浸水﹐重覆數次.
2. 雞、豬前展汆水備用.
3. 其他材料浸洗隔水備用﹐雞心棗切半去核.
4. 將所有材料放入約 3.5 公升的滾水﹐待水滾後用轉細火煲多兩個半鐘﹐落鹽調味即成.
**記得：如果唔係用脫左水嘅淮山片﹐就要浸耐 D 去除流黃。(舊文)
