呢個夏天﹐剩係整呢個『泰式酸辣鳳爪』都整左四五次﹐哈哈﹗好多 Fans 支持 (★^o^★) 多謝多謝﹗
您地要食我梗整﹐最緊要您地食得落就得… ╰(*´︶`*)╯♡
之前叫我整~ 我都懶懶地 w(@。@;)w 因為地方淺窄﹐要特登搬部 KA (食物處理器) 出嚟打個汁﹐打開就順便打一過打多少少放雪櫃 ヽ(●´∀｀●)ﾉ 只要小心處理都可以放到一個多月。呢個『泰式酸辣鳳爪』唔難整﹐都係嗰句… 煩 d 啫﹐哈哈﹗☆*:.｡. o(≧▽≦)o .｡.:*☆
整呢個鳳爪﹐我冇特定分量嘅食譜﹐樣樣都好隨意… 總之調較到啱您先自己口味為止﹐重點係… 要放雪櫃醃過夜先至夠入味﹗ლ(´ڡ`ლ) 我習慣用保鮮袋醃﹐感覺好似均勻 d。
兩磅急凍去骨鳳爪﹐解凍後用熱水拖一拖﹐再啤水一陣~ 浸冰水至凍透﹐鳳爪中間切半﹐再用熟水過一過﹐隔水備用…
打汁：指天椒、青檸青(皮)、青檸汁、檸檬汁、芫茜莖、魚露、砂糖、白醋、熟水
後期：洋蔥半個 (一半切絲一半切粒)、蕃茄兩個 (一半切絲一半切粒)
裝飾：青檸半個 (切片)、芫茜葉
(下圖過程拍自手機)
