花膠螺頭瑤柱燉湯 (附食譜)

冬至大日子  點少得一啖靚湯
老一輩嘅人都會話冬大個年
即係… 食冬至呢餐飯比食團年飯更為重要

今日餸菜冇太大特別
都係炆吓冬菇  有碟菜咁樣就算
反而將所有心機都放晒喺呢個燉湯入面

前一晚就開始浸定乾瑤柱同響螺頭
花膠就喺冰箱拎返去雪櫃格回溫
第二日嘅重頭戲就可以開 Show 喇

木瓜雪耳雞腳湯 (附食譜)

好似好耐都冇煲過湯咁

以前一星期都會有一至兩次

依家就一星期都唔煲一次

天氣凍個人都特別懶係真 >"<

返到屋企成尊佛咁  郁都唔願郁

見到面書個個都上載 D 湯同糖水相

先搞到我手癢癢都要搵 D 野搞吓

一時之間  諗到有幾個湯都想煲

節瓜章魚湯、木瓜雪耳湯同花膠響螺頭湯…

之前發左 D 花膠一份份包好左放喺冰箱

如果想收工即晚煲會趕唔切解凍 D 花膠同浸螺頭

仲要去買左豬肉先可以返屋企

搞得嚟都好夜吓

諗好煲咩湯  要買 D 咩材料

諗埋個路線圖  就可以順暢好多

快速趕返屋企煲啖靚湯

低等生活：關於街邊乞丐

攝氏3度的巴黎早上，莫過於到麵包店購買熱騰騰的牛角包，拿上手的溫暖感，由掌心傳遞到心裏，自我感覺非常良好。

拐了一個街角，看到小女孩抱着小狗行乞，她的視線極度準確地落在快要進入我的嘴巴的牛角包，一陣罪咎感立即湧上心頭，轉身問身邊朋友：「我把牛角包送給那個女孩好嗎？」朋友A連忙點頭，朋友B快速回答：「不必，你幫得多少？整個巴黎都有乞丐。」

最終我決定把牛角包送給那個女孩，換來她的微笑，也換取了自我感覺良好。往街上繼續向前走，遇上第二個抱着小狗的女孩，再遇上第三個抱着小狗的女孩，然後遇上第四個抱着小狗的女孩……朋友B說：「你看，是有組織的團隊。你不要忘記，你的錢是日以繼夜工作賺回來的。」

朋友B說得沒有錯，我自問太沒智慧，未有了解箇中情況，便墮入陷阱。當然，現代「丐幫」也實在太進步，行丐者配隻小狗，等於在原有的可憐加上精緻的可愛，站在Marketing的角度，真的很煞食，能吸引一批全新捐獻者。

記得有前輩提點過，不要計較行丐人士的真偽，畢竟他們的生活不會特別好，放下了錢，就當作幫人，不用太過執着，不必回頭再想。我曾經也同意這種論調，但這種「當作幫人」只不過是自我感覺良好，有時做人要宏觀一點看事情，若是助長社會歪風，就要收起無謂婦孺之仁。

謝謝陳俊偉先生分享

親情味

早排喺 Daddy 屋企食到 D 好有質數嘅『臘腸』
就問佢喺邊度買

原來… 佢都試過好多間都覺得麻麻
無意中喺佢買開個豬肉檔見到有就買嚟試
呵呵﹗  殊不知竟然有大驚喜

肥瘦適中  而且色澤十足
食起上嚟個煙韌度亦非常合心意
所以就一直幫襯

問到 Daddy 佢買開 D 臘腸價錢如何

哇~ 都並非便宜喎

一孖都要二十幾蚊  不過咁有質數

都係值得嘅~

Daddy 就問我要唔要買

我當然唔會咁陰公  請佢食檸檬啦

要要要… 老實不客氣 ~ 要兩孖吖唔該
(因為唔使我比錢吖嘛 ~ 呵呵)

三界五行：治病救人功德無量

上醫治未病，上相治未亂，上家治未吵。就是說，好醫生可在症狀未出現時，提醒對方加以防範，這就是「預防勝於治療」。高明的丞相體察民情，關心民生，掌握形勢，把矛盾化解於淺層次中。一個和睦家庭，沒積怨和隔夜仇，遇到小衝突，可即時解決於萌芽狀態中。

作為宗教，道行比名醫、良相、好家長高，具有「先知」能力。各種宗教所訂的教規、誡律，都是為信眾的道德、行為、修養「打預防針」。佛教「上報四重恩，下濟三途苦」，既為善信指點永生極樂的天堂路，也提供預防墮入地獄的良藥。用「目連救母」的盂蘭節故事，弘揚孝道，布施眾生，警告世人，要避免地獄之苦，就不要犯誡，多行善，先正自身；提醒世人勿犯下死後會落入畜生道、餓鬼道、地獄道的罪惡。

「下濟三途苦」，幫助一個人走正途善道，好像醫生一樣，在未病時提供預防，發病時全力救治。發現身邊有人心靈不乾淨，或手腳不淨、嘴巴不淨的傾向，及時加以提醒，若對方已有明顯迹象，應加勸喻及幫助其改正，對方知錯能改，善莫大焉，自己亦積了功德。


謝謝方向宇先生分享

三界五行：惡有惡報 地獄受苦

世人要往生淨土，到極樂世界，生前必須功德圓滿，這些功德除了「上報四重恩」，還要「下濟三途苦」。三途苦，即是輪迴六道的三惡道。六道，是眾生寄居凡間，軀體生命結束之後，靈魂輪迴的必經之路，是精神、靈魂的空間，可以理解為心路。

六道分為三善道、三惡道，三善道是天道、人道、阿修羅道，任何人生前如果遵守五戒，可在人道或阿修羅道輪迴。如果在五戒基礎上再做到十善，就可入天道。三惡道是畜生道、餓鬼道、地獄道，任何人生前作惡，死後就在三惡道輪迴。地獄道最苦，所謂「打落十八層地獄，永不超生」。

世界上絕大多數宗教都認為有地獄存在，天堂快樂無憂，地獄痛苦無助。祖佛的弟子目連，其母在世時存心不善，而且貪婪刻薄，死後被判到餓鬼道。目連神通廣大，下地獄見其母被倒懸，饑不得食，渴不得飲，於是把帶來的飲品食物送給她；但飲品變成燒熔的鐵漿，食物變成燃燒的火炭！目連求佛祖打救，佛祖表示地獄規管嚴厲，他幫不了甚麽。佛祖救助不了的，凡人又如何能夠「下濟三途苦」，幫扶地獄的鬼魂？（待續）


謝謝方向宇先生分享

三界五行：四重恩的意義

儒、釋、道三教引領中華民族在歷史長河經風浪、遇波折而屹立不倒，長存不滅，必有真理在。

就以佛教《回向偈》勸眾人「報四重恩」為例，父母恩，無父母就沒有子女，烏鴉、羔羊尚懂報恩，為人子女若不報答父母，天下父母心何其可憐！宗教、社會教育、道德倫理一定想方設法弘揚孝道。

眾生恩就是惜緣，用現代語言來說就是感恩。國土恩有兩個層次，既包括現在全世界推行的環保，報答大自然為我們提供陽光、空氣、風景、水、食物、一切資源，不做任何傷害大自然的行為，當然也包括愛國。古有岳飛，謹記其母在其背上刺「精忠報國」，以身報父母恩和國土恩。近代更有中華兒女以身報國，用血肉築成長城抵抗外敵入侵。

三寶恩為甚麼排在最後？因為宗教謙卑，甘心叨陪末席，和尚自稱「貧僧」、「老衲」，貧是謙卑自己道行學問貧乏不足，衲是古時和尚穿的袈裟都是用善信施捨的布縫製而成，叫做「百衲衣」，這是自謙老邁，全靠善信關懷。時下很多人參禪，甚至去韓國、日本學禪，可見感三寶恩，並不老土。


謝謝方向宇先生分享

三界五行：感恩的人生才圓滿

佛教的淨土法門《回向偈》明示，要往生淨土，必須感恩、行善、做功德。這些功德，包括「上報四重恩，下濟三途苦」。四重恩是父母恩、眾生恩、國土恩、三寶恩。父母養育之恩最偉大，因此孝敬父母比甚麼都重要。佛祖曾經顯靈，對前來求他庇佑的忤逆子女說：「你們何必千里迢迢來求我？佛其實就在你們家中。」忤逆子女說家中並無供奉佛像菩薩。佛祖說，孝敬家中父母就等於敬佛。

眾生恩，人生在世，包括常在一起或從未見面的人，都對自己有恩。例如，尊稱老師為恩師；又例如，醫護人員、僱主、員工、公僕、清潔工人、廚師、司機……他們為你帶來平安、機會、舒適、方便。又例如我們未見過面的農民、製衣工人，可帶來衣食。還有親戚、朋友、鄰居，都是前生有緣，今世來關照的。凡是幫助、照顧、愛護、激勵過自己的，都是恩人、貴人。

國土恩，山河大地為我們提供安身立命之所、衣食住行之源，不感恩，是罪過。三寶恩，「阿耨多羅三藐三菩提」，即是度我們脫離苦難困厄恐懼的佛、法、僧，令我脫離苦海，到達智慧彼岸之恩，豈能不報？


謝謝方向宇先生分享

三界五行：功德圓滿無掛無牽

佛教所講的圓寂，原是梵語涅槃之意，是最高境界，可包括死亡，但主要是生前的功德修為。例如覺光長老就是「安詳舍報示寂」，舍離了「五蘊身」的正報以及「五蘊身」所依靠的依報（即塵世的一切處境），很安詳地顯示他已往生淨土。

圓寂這兩個字，是唐代高僧玄奘法師根據梵語而音義兼譯的，在此之前，譯法不一，較常見的是：滅度、滅寂、無為、安樂、解脫、不生不滅。玄奘獲唐太宗賜姓唐， 名三藏，在國都長安大慈恩寺靜心翻譯佛經，面對涅槃這個關乎生死、捨得、去留的大議題，玄奘絞盡腦汁，譯成圓寂，無論出家僧侶或在家修為的善信，都易領悟。

照玄奘的意思，圓寂不僅是斷滅生死苦惱， 而是有德就圓，有圓才有寂。用大眾較易明解的話來說，具備一切智慧福德的就是圓，永離一切煩惱生死的就是寂，兩者兼具就達到圓寂境界。

佛經淨土法門《回向偈》對圓寂往生有提示：「願以此功德，莊嚴佛淨土；上報四重恩，下濟三途苦；若有見聞者，悉發菩提心；盡此一報身，同生極樂國」。此偈明日續談。


謝謝方向宇先生分享

三界五行：寄居塵世惜緣惜福

德高望重的覺光長老圓寂追思、讚頌、荼毗儀典已先後舉行，並遵其遺囑擇吉日舉行靈灰撒海遊娑婆儀式。覺光長老慈悲為懷，一生弘揚佛法，功德無量。

佛教認為「不生不滅」、「無老死盡」，所以不說「死」，只說往生、涅槃、圓寂。《覺光長老圓寂訃告》則說他「住世緣盡，安詳舍報示寂」。

住世，就是暫住、寄居塵世，只是一段緣。緣盡，就要安詳往生。舍報，是捨棄、結束一生的果報，果報分為正報、依報。正報，俗家稱為「肉身」，即佛家所說的「五蘊身」，俗世認為是身體的高矮肥瘦、美醜智愚、健康孱弱、壽命長短。佛家教義是「五蘊皆空」的色、受、想、行、識，以及與此有關和由此衍生的眼、耳、鼻、舌、身、意，色、聲、香、味、觸、法……凡是與軀體有關的，都屬於正報。

依報是肉身寄居的國家地區、依賴生存生活生計生意的環境，包括家庭、學業、事業、社交、人際關係……凡是肉身所依靠的，都是依報。正報與依報，既是前生修為、輪迴人道所帶來，也有今生行善所積的福德。（待續）


謝謝方向宇先生的分享

原個南瓜雞肉炒飯 (附食譜)

Yeah... 好靚吖 ^^"
第一次整都算係咁啦

見到素顏小姐整得好靚
咁啱情人又鍾意食南瓜
搞到我都忍唔住手整返個比情人開心吓

Woowoo... 見到張相我都覺得好靚好開心呀 ^^~
見賣相咁靚  仲以為好難整好複雜
原來比我想像中容易
只係需要花多少少功夫啫

韓國炸醬麵 (附食譜)

早排睇完大熱嘅星星都有好興趣煮吓韓國野

Hehee... 見到超市有得買呢盒韓國炸醬

記得之前有睇過素顏教過整韓國炸醬麵
就買嚟試吓

我自己就未食過韓國嘅炸醬麵

所以完全冇 Idea 到底係咩味道

無相肝 ~ 就買嚟試吓煮咪知道囉 XP

(好勇呢﹗ )

丹麥包、朱古力牛角包

好耐都冇去啊蛇度做過包包喇
一般嘅包包  又點會使得郁我去吖

今次呢個係『丹麥包』同『朱古力牛角包』
又覺得點先？

做酥皮真係真係太過煩複
我怕我整完之後個殘局收拾唔到 XDD
都係去啊蛇度比佢監督住做好 D

今次
另一個目的我都係想去學吓點樣去扭個丹麥包
點知… 都係扭錯左﹗ >"<
呢個係失敗者嘅示範 (唔好學我) XP

味道從來都冇輸過
亦冇得輸  所以一直堅持支持至今
最好就是最好

Housewarming Party (附食譜)

好耐都冇試過請朋友仔上嚟屋企食飯

今次來個小型嘅 Housewarming Party 請 D 朋友嚟食吓聚吓

我仲好有心機整埋個 Menu 添呀 XP

忌廉白酒汁煮腸仔扁意粉 (附食譜)

煮中餐難定西餐難？
如果您問我我就覺差唔多
不過中餐食飯您唔會單單煮一個餸
兩個人都起碼兩至三個小菜… 甚至更多

西餐就可以簡單 D 快 D
一碟意粉就可以上檯  而且仲可以變得好精美
煮個意粉加 D 自己鍾意嘅材料炒埋就可以

通常我都會睇吓有咩材料剩… 要煮埋嘅
再去超市買多少少配料就成事
煮西餐買野易過中餐好多  至少唔使急住趕去街市

泰愛煮

喺曼谷上完一個烹飪班超開心
原來煮泰菜都唔係想像中咁難
上次曼谷之行 D 相都未得閒執
而且仲有大量文要 PO >"< 過兩日又要飛﹗ 點算好

喺曼谷  我喺超市買左一堆香料同調味料返嚟
好犀利 ~ 因為我連糯米都買返嚟﹗
哈哈  XDDD  我自知太癲  太愛煮真係冇辦法吖

急不及待
返嚟第二晚就煮餐泰國菜比情人試吓我嘅廚藝
學以致用  即刻就試吓

其實情人唔食得辣
所以所有味道都要輕手 D
先嚟一個『冬蔭功湯』

情人要多酸  我就加多 D 青檸汁
情人話好好味吖  仲問下次可唔可以加 D 薯仔 =.= ?
咁… 以乎有 D 變左質喎 Hahahaa
好好好 ~ 煮野食各有所好架啫﹗
下次就為左您試吓啦 XP

自家做上等奶皇月餅

今年嘅中秋節一好就計劃好左要整月餅
限量整十六個而已
叫做湊湊熱鬧  賀賀中秋吧 XDD

記得舊年用左『南』同『蔚南』嘅私家名模去做
可惜『蔚南』兩字唔係好突出
今年就只係做左四個嘅『南』字
其他都係用花花模

將突出嚟嘅位置搽左蛋漿  但個身就偏白左 D
因為呢個係酥皮  唔同普通月餅嘅餅皮所以唔會回油
要研究吓… 點樣可以將個身 ~
唔需要搽蛋漿都可以焗得燶返少少

蘋果雪梨豬腱湯 (附食譜)

秋天嚟得快  走亦走得快
眨吓眼… 下星期就已經立冬喇
我~ 仲未準備好呢 >"<

太鍾意秋意綿綿嘅感覺
雖然涼意的確帶嚟一 D 憂愁嘅感覺
不過天氣就真係好舒服

秋天湯水之選也莫過於雪梨
今次就煲個左『蘋果雪梨豬腱湯』

泡菜炒飯 (附煮法)

繼續努力清吓屋企嘅廚餘
今次要消滅嘅主角有… 約三分一盒嘅泡菜同幾片三色椒

之前嗰晚就煲定飯  放入雪櫃
第二晚放工返嚟就可以拎出嚟炒  快靚正

準備定冷飯、三色椒、泡菜同兩隻雞蛋
油燒熱  將打勻嘅蛋漿先落鑊做成炒蛋碎  推埋一邊備用
加入泡菜同已切成粒粒嘅三色椒炒熱
就可以將冷飯加入  拌勻一同炒
(食得辣嘅… 可以加入少許韓國辣椒膏)
最後加入適量嘅海鹽就食得架喇

係咪好快呢﹗
如果覺得好似太齋嘅  都可以買 D 免治肉碎
加入一齊炒  咁樣食落就仲會有多 D 趙口

簡單 ~ 色香味嘅炒飯就咁就完成囉﹗

Yeah... 超好味吖

竹笙花旗參豬腱湯 (附食譜)

太好了 ~ 又有靚湯飲
邊個話煲湯好難？  可能對我嚟講最困難係買料

因為有時夜收工  去到街市商販都開始收檔
可以肯定嘅係… 我一定買唔到新鮮雞囉 (太早收喇)
所以只有星期六、日先買到

花旗參好耐都冇煲嚕
花旗參煲雞應該係絕配又好味
可惜真係買唔到新鮮雞吖  >"<  煲住豬腱先啦

屋企雪櫃好多藥材  要加油慢慢清吓先得
如果唔係… 唔過期都比我擺到過期 XDD
除左花旗參 ~ 仲加左竹笙、無花果、龍眼肉… 同豬腱

廚餘炒飯 @ 雞肉生菜包 (附煮法)

太美味喇~
非常咁簡單做左個廚餘炒飯

用的就是我喺泰國舖食剩嘅『雞肉碎』
預先煲定飯  放涼後包好保鮮紙放入雪櫃一晚
待雪櫃抽走白飯本身的水份  就變成廣東人俗稱嘅『冷飯』

第二日就可以用嚟做炒飯
不過煲完嘅飯即時都可以用嚟炒  只係會較為濕身
同炒完出嚟會偏腍

多講禪話、多聽禪音

從書櫃中抽出一本講佛學故事的書，很多篇章都值得回味，讓人有一種吸一口新鮮空氣的感覺。

其中一個故事是這樣的。一個女人有美貌，有才富，但仍然感到不快樂，於是去請教禪師，學習快樂之道。禪師跟這個女人說：「與人相處，多講禪話，多聽禪音。」

這個女人問：「禪話即是說些甚麼呢？」禪師答：「多說謙虛的言語，多說真實的言語，說為對方設想的言語。」女人又問：「禪音又怎樣去聽呢？」禪師道：「化一切聲音為微妙的聲音，把辱駡聲音轉化為慈悲的聲音，當你面對粗聲鬧聲都不介意，那就是禪音。」

說謙虛言語可能不難，但說出為對方設想的說話絕對不容易，以這種態度吐出來的字句，相比攻擊謾駡，惡言相向，威力可能更加強。至於化一切聲音為微妙的聲音，更是修行奇高的人才能做得到。心在於自己，別人說甚麼，自己如何接收才是最重要，面對惡言相向，也不用突然改變自己的性格，迎戰他人。


網路轉載~ 謝謝魏綺珊小姐分享

心懷善念

聽過這樣一個故事。一位年輕人駕車趕回公司洽談一宗大生意，在途中見到一輛在路邊拋錨的汽車，一對年老夫婦正合力企圖更換輪胎，可是二人卻手忙腳亂，年輕人的車疾駛而過，向前走了一百米，他決定停在路邊，下車往年老的夫婦走去，幫忙換好輪胎，老人家連番道謝，他們說手提電話沒電，一直站在路邊揮手截車但無人理會。

年輕人與老人家道別後趕急返回公司，雖已遲到，卻讓他鬆一口氣，因為客戶仍未到來。十多分鐘後，會議室迎來的正是剛才更換輪胎的老年夫婦，這宗生意不用說很快談得攏。

閱讀一本佛家書指出，不少人一世中只喜歡追求財富，但不一定有福報，佛家有云，福報之樹，永遠紮根於善良的泥土當中。今天享有的福報，乃是前生的善行所致，有因自然有果。

心裏永遠懷有善心，福份會不求自來，相反，一心只為名利不擇手段，今生可能享盡榮華富貴，卻在來世自食苦果。


網路轉載~ 謝謝魏綺珊小姐分享

低等生活：世界馳名的HK Style抗爭

不在香港，沒法親身了解公民抗爭情況。但就算親處其中，也會「當局者迷」，未能像BBC和CNN精要地把只此一家的HK Style抗爭描繪出來。

英國BBC率先以「一些只能在香港示威現場發生的事情」為題，歸納了香港佔中示威者一些特點：（1）學生在集會示威期間，抽出時間去做功課；（2）為了設置路障帶來公眾不便，以多張紙牌表示歉意；（3）充分利用最平常不過的兩傘，一邊抵擋胡椒噴霧，一邊遮擋滂沱大雨；（4）為在場抗爭同伴提供「退熱噴霧」，以助消除周身臭汗味；（5）保持公民意識，聽從告示牌避免踐踏草地；（6）勤力清除垃圾，拾起所有煙頭，把膠水樽集齊回收，就算被惡意擲臭雞蛋，也一聲不響立即清理現場。

美國CNN更以「Freaking Nice」來形容示威者，報道指雖然他們被警方推過、拉過、撞過、催淚過及胡椒噴過，卻沒有變得更為失控和憤怒，反而神奇地朝向更互助的路線，包括替清潔工人收集垃圾和替有需要出入人士開路，還在黄色暴雨下為當值警員打傘。

莫說外國媒體嘖嘖稱奇，就連我這個土生土長香港仔也覺得不可思議。在太平盛世日子，我們輕易表現得客氣有禮，但在紛亂受壓時勢，尚能發揮公德和教養，就真的不簡單。無論佔中結果如何，佔中的學生們已替香港公民質素在國際舞台上挽回極高分數，多謝！


網路轉載~ 謝謝陳俊偉先生分享

章魚節瓜雞腳湯 (附食譜)

好似好耐都冇煲過湯飲
唔知做咩呢排都覺得好攰
返到屋企剩係想坐喺度睇吓電視  唔想郁

想飲… 好啦﹗ 就郁吓去買料
反正煲湯都唔算咩咁大工程
Woowoo... 好好味啊﹗  夠味到不得了
只因足料囉  Heheee

至愛雞粥 (附做法)

鍾意食粥嘅我唔會分春夏秋冬
夏天比較少煮 D
只係唔想夏天食到成身汗咁解啫 XD

我習慣會預早一日浸定米喺冰箱
(我通常浸 1.5 量米杯  洗完米水浸過面即可)
依家就長期都會 Keep 住一碗浸左水嘅米喺冰箱
方便自己心血來潮時都可以煮

之前都提過  用少許鹽、油嚟浸米
浸米喺冰箱係因為想 D 米  煮嘅時候容易開花
令粥快 D 變得綿身

煮野食冇特別既定手法… 啱定錯
各師各法  重點係好味啫
係味先 >3<

低等生活：聰明的人懂得忘記討厭的人

就像很多真正聰明的人，朋友B屬於大事精叻、小事糊塗。精叻起來能夠改變歷史，糊塗起來叫人笑破肚皮。她說：「我有一個缺點 ── 又或者可以是優點 ── 是我很容易忘記討厭的人。」

朋友B經常發生的情況大概是這樣：基於工作或私事，與某人合作或接觸，她的熱心和慷慨，有時被當作水魚，有時遭視作奴婢，換來不愉快經歷……若干日子後，她出席某個公眾場合，再次遇上某人，會恍如初次相識，很有禮貌地握手說：「你好，我是B小姐，很高興與你碰面。」

天地良心，朋友B是無辜的，她解釋：「我並非裝作失憶，我真是忘記了他的樣子，真的以為是初次結識 ── 我不會忘記不愉快的經歷，但不知何故，我的腦袋會自動Blur了討厭的人的面孔，像在夢裏的人物，會變得面目模糊，只留下一個身影。」

由此可見，上天對朋友B不薄，竟然能擁有這種令人艷羨的「缺點」。當然，對曾得罪朋友B的人來說，簡直是天大的侮辱 ── 被討厭至少還記在心中，被忘掉則顯然視如螻蟻不值一提。

如果有一個App，可以把討厭的人忘掉，清除內心積存的怨恨，騰出空間容納更多善良的人，我一定會付款下載。在有這一個App發明之前，我們可以做的，是好好培養自己的品性和涵養，不去怨恨別人，更不要當被人怨恨的對象。


網路轉載~ 謝謝陳俊偉先生分享

市井留聞：朋友，我Unfriend了你

朋友，如果你發現我Unfriend了你，不必訝異，反正你不缺我，我不缺你，或者有天有緣相聚，真的相識了，我們再正式「Add Friend」都未為晚也。

三界五行：財不露眼是真富

所謂「財不可露眼」，這是自保的金科玉律。孔子在2,000多年前就指出，「慢藏誨盜」，財物隨便亂放，或放在當眼處，無形中引人犯罪，教人起盜心之餘，也把自己暴露在危險中。

風水也如是，講究藏風聚氣，財位分暗財位明財位，明財位在顯眼的位置，負責招財，暗財位在不露眼的位置，負責聚財。面相的明財位在鼻準，這個地方豐隆飽滿，招財、創富能力必強。暗財位在鼻孔，鼻孔外露難聚財，因為犯了「財不可露眼」的大忌。

有些人表面看來並非富豪相，但卻非常富有，他們很可能是「禾稈冚珍珠，有錢無人知」的貴格。體痣生在有毛髮遮掩的地方，包括頭髮、眉毛、腋窩、下體 ，都屬於這個格局。至於腳底有痣，主因權貴而得財，先有名後有利；手心有痣是「掌上明珠」，主得長輩、配偶疼愛而得財。手指有痣亦主吉，但指側、指內比指背較貴氣，拇指主名、食指主權、中指主人緣、無名指主愛情與婚姻、尾指主享受。

若身上有這樣的好痣，愈少人知愈好，最好不要給別人看，尤其是涉及私隱部位，除了「財不可露眼」外，還會「蝕底」呢！


網路轉載 ~ 謝謝方向宇先生分享

三界五行：進食勿發出噪音

「筷子十二誡」的第四誡是「敲碗擊碟」。無論是進食前後還是進食中，都不能用筷子敲擊碗、碟。原因有二：一是古時的乞丐討食，都會敲碗敲缽，並隨着節奏訴苦，引發途人注意和同情，你有衣有食，何故要像乞丐討食般敲碗？二，是從前主人餵飼貓狗，敲擊碗碟呼喚其前來進食。若我們敲擊碗碟，既自貶身份，又對同桌人不尊重。其實，嚴格來說，筷子作用只有兩個：夾食物、把食物送進口中，所以，即使用筷子移動食具，如骨碟、豉油碟、筷子架都是不好，敲着碗碟呼喊服務員更是失禮。

第五誡是「品箸留聲」。品箸，即是吮筷子，這已經是不好的食相，如果再加上把筷子吮出聲音，更是錯上加錯。在不設公筷的情況下，吮過筷子才夾菜，無異於要別人吃你「口水尾」。吮筷子發出聲音，更得人驚、乞人憎。正確的筷子使用方法，是唇、牙齒、舌頭盡量不和筷子接觸，夾了菜就放進口內咬，吃飯就用筷子尖小心翼翼一口一口往嘴裏送，若發覺筷子尖沾了飯粒 ，不要吮筷子，可以嘗試再吃一小口飯，讓飯粒隨着這口飯送進嘴裏，或可嘗試讓兩隻筷子尖摩擦一下，把飯粒擦在自己碗內。


網路轉載 ~ 謝謝方向宇先生分享

三界五行：食相的宮廷規矩

清朝五帝古錢是近代常用的風水法器，可招財化煞，辟邪旺宅。順治、康熙、雍正、乾隆、嘉慶，連續五代興旺，是歷史上難得的；而且康熙在位61年，乾隆在位60年，可見「皇氣」頗重，用這五帝的錢幣做法器，就「有皇氣照住」，小人小鬼邪氣妖氣難侵犯。五帝治國先治家，我們不妨看看滿清皇帝對子孫進食「筷子十二誡」，作為改善自己食相、改善衣食運的參考。

第一誡是「仙人指路」。進食時，不論輩分高低，都不可以用筷子指着別人說話，也不可一邊拿着筷子，一邊伸出食指去指指點點。如果是長輩，這樣做會破壞用餐的和諧氣氛，若晚輩這樣做，是不尊重同桌人的表現。現在有些年輕人，拿筷子姿勢不正確，會無意中伸出食指，必須改善。

第二誡是「執箸巡城」。就是拿着筷子，在各碟菜之間巡逡，猶豫夾哪一碟中的哪塊肉、哪條菜；是挑肥揀瘦的表現，非常失儀。正確做法是，決定了吃哪那一碟才下箸。

第三誡是「翻天覆地」。拿筷子的手要保持手背向天，若手背朝地，手勢非常不雅。這與吃魚時不要把整條魚翻轉的道理相似。


網路轉載 ~ 謝謝方向宇先生分享

三界五行：惜口福 等如積食福

進食時，不論在家中還是酒樓食肆，都不可把雙臂趴在桌上，因為此舉會妨礙鄰座進食。若身份是晚輩或下屬，這樣做會給人自大無禮的觀感，即使是長輩或上司，也予人傲慢、自私之感。

但進食亦不宜過分拘束。有些人吃飯時拿起碗筷，由手肘到上臂都緊貼自己的身體，雖然不會妨礙別人，但自己就很侷促，反而顯得怯懦，不夠大方。俗語有云，「人搖福薄，樹搖葉落」，平時坐着搖晃下肢不是福相，從電視新聞所見，中外元首政要接見客人，所有主客無不正襟危坐，哪有搖腳的？進食時搖腳，是食福淺薄、無衣食的動靜，若有此壞習慣，要馬上戒，就有機會改運，可添福添壽。

中國傳統認為，食與福，是因果關係，要惜福，就要惜食。「衣食在碗底」不可以剩下飯菜在碗中。僧侶進食後，把清水注入碗中或缽中，然後連水帶飯粒飲下肚，珍惜「粒粒皆辛苦」之餘，又方便接下來的食具清洗，節約用水兼且省時間。如今物質豐盛，此舉精神可嘉，但不一定要效法。不過，惜食不浪費，點菜、盛飯時最好因應個人的胃口。


網路轉載 ~ 謝謝方向宇先生分享

三界五行：養成有衣食的貴格

高貴的食相要從小開始訓練，習慣成自然，長大後，無論出席甚麼場面，就算是國宴，也能表現得大方得體。食相可說是衣食的具體表現。人有與生俱來的先天福分，亦有後天學習修得的善果，這些福分與善果，和家庭、出身並沒太大關係，富貴人家的子女食相不一定比寒門百姓好。

在歐美，有幾間收費天價的貴族儀態學校 ，食相、坐相、行相、站相、說相、笑相……逐科收費。食相有中、西餐之分，中餐要學使用筷子，所以學費最貴，英國皇室成員，貴如戴妃，也曾去美國「進修」過餐桌禮儀。中西進食儀態，除了食具有筷子、湯匙、刀、叉分別外，亦有很多共同之處，例如，不要東張西望、左顧右盼，尤其是雙眼如鼠，不斷地打量食物，露寒酸的饞相。進食時要避免發出聲音，包括口齒發出的聲音及食具碰撞的聲音。避免食物掉到桌上、身上、地上，因為檢起來吃會失儀，不檢起來吃，是浪費食物，犯了「無衣食」大忌。食物骨頭、渣滓，不要直接吐在桌上，以免污染食物和鄰座，應該用筷子夾着輕放在骨碟中。做到上述幾點，已予人「斯文」、有衣食的好感。


網路轉載 ~ 謝謝方向宇先生分享

三界五行：惜福積福享清福

生老病死是人生必經之路，老病期間，衣食住行都需要別人照顧。在「臨尾」的幾年，有人真心實意地照顧，才是晚年之福。僕役宮位於下停嘴角兩旁，包括法令紋。僕役宮顯示個人與僱員、下屬、晚輩、門生、朋友、傭人的關係，青年、中年時候，從面相的僕役宮、官祿宮結合兩顴，可以看出領導、指揮、駕馭他人的能力，到了晚年，憑僕役宮可以判斷個人能否得到稱心的照顧。

不過，處境好壞，並非絕對，尤其是處於逆境、弱勢，自己的感受比甚麼都重要。如何在惡劣環境保持良好心境，尤其是衣食的部分，同一間病房，兩個病情相若的病人，面對同樣的膳食，一人覺得難吃，另一人卻覺得好吃，關鍵在於有沒有好的心態。在這種環境下，有沒有「近身錢」、「親生仔」，已經不太重要了。

一般而言，晚年有衣食的人，法令紋弧度較大，嘴角向上翹，人中較闊、較長、較深，下巴較長而且向上兜。但是否不具備以上相格就無衣食呢？這倒未必。因為，「福由心生」，自知相格差，能惜福積福，心地好、心態好，自然福有攸歸。


網路轉載 ~ 謝謝方向宇先生分享

夜香花 @ 簡易冬瓜祛濕湯 (附食譜)

一直都好想買『夜香花』做冬瓜盅
其實我都唔知點解每每見到冬瓜盅時
就會見到呢種一粒粒嘅『夜香花』

據資料解說：『夜香花』原名叫『夜來香』
用途：夜來香枝條細長，夏秋傍晚，黃綠色花朵開放，
飄出陣陣濃香，在南方多用來佈置庭院、
窗前、塘邊和亭畔。

又是以花和花蕾供食用的一種半野生蔬菜。
具清肝明目之功效，可治療目赤腫痛，麻疹上眼、角膜去翳等。
其花、葉在夜間吐放地濃香氣味（含丁香生物鹼等毒素），
也容易使人頭暈、失眠、甚至氣喘、胸悶、全身不適。

收工經過菜檔時竟然比我見到~ 呵呵﹗
不過來得太突然  未準備好要做冬瓜盅呀 >"<
但又唔想嘥左呢個買『夜香花』嘅機會
(好似視夜香花為珍貴罕物 ~ 好白黐呀 XDDD)

其實只需用好少
三蚊一兩 ~ 就買一兩玩吓啦 XP

遷後第一煮 (附食譜)

早前搬屋  執野執到進入瘋狂狀態

太多事情要安排  要買  要搬  要夾時間等等…

沒辦法 ~ 除左衫之外  我擁有嘅雜物實在有太多

剩係整餅 D 廚具、包裝品都兩大箱 ~.~"

仲其他碗碗碟碟、文具、小玩意… 唉﹗
就係我咁多年嘅資產 XP

(我係唔會掉低您地架 T.T 嗚嗚嗚~~ )

三界五行：甚麼人與宗教有緣

宗教信仰講緣分，所謂與佛有緣、與道有緣，先天而言，這就是冥冥中有主宰，命緣如此；後天而論，這就是覺悟和機緣。結合科學與玄學去分析，先天是命理，後天是生理與心理。

華蓋星入命，較容易接近佛教、道教，如果八字有偏印，而出生年月日時戌、亥較多者，五行又土旺，這就是與佛與道有緣。當然，有這樣的命理不一定要出家、上山，在家修為也可以。

在生理而言，有些人長期患病或患重病，宗教信仰，開始時可作為精神寄託，唸經聽道，通過冥想靜修，漸漸摸索到與神佛溝通的途徑，把生死交託予天，「盡人事，順天命」，日子就容易過。神職人員或善信義工探訪輔導病人，目的是協助病人減輕痛苦，爭取早日康復痊愈。

不少患「不治之症」的人，在宗教力量鼓舞下，積極面對人生，當病情略有好轉時，主動當義工，照顧重病的人，自己不知不覺好起來。另外，不少人因為信奉宗教，成功戒除酗酒、賭博、濫藥習慣。信仰也可令人克服自卑、自大的心理，變得自信、謙和，命運隨着性格的改變而變好。


網路轉載 ~ 謝謝方向宇先生分享

堅果合掌瓜湯

原來某 d 堅果都可以用嚟煲湯 而且仲好有益處

我曾經睇過本食譜書講過
原來食素嘅人會搵堅果煲湯嚟代替肉類煲湯

雖然我今次都有落瘦肉去煲
再加左 D 合掌瓜、核桃、腰果、果皮同無花果
味道都幾唔錯架  有興趣不妨一試

三界五行：對配偶勿惡言相向

在現實生活中，有些夫婦不惜緣惜福，沒有做到互相尊重，不用善言去激勵對方，反而惡言相向，似乎要激死對方才安樂，嚴重影響彼此心情，更有損感情。對方出門去玩，沒有祝福，只有這句「你去死吧，最好就不要回來」！對方作出嘗試，卻不給予鼓勵，只有「睇你個死樣，肯定唔得」！甚麼好意頭、甚麼鬥志都被打沉了。

這樣逞一時之快的口孽，表面上是對方暫時輸了，但最終受苦受難的，可能還是你自己。若大吉利是，好的不靈醜的靈，對方運勢被壞了，甚至咒死了，真是得不償失。尤其是早上起床就惡言相向，這天想有運行都幾難。

面相氣色由早晨形成，形成的因素很複雜，除了先天的命運外，也要看最近的健康、休息、心情。晨早流流被對方噴了一面晦氣，心情哪裏會好，氣色更不會好，即使不信相學命理這一套，帶着這樣的心情上班，工作如何能集中精神？如何去接受新的挑戰、爭取新的機會？一個連自信心也沒有的人，上司不會信任。如果是從事駕駛、高空、高危工作的人，這種心情下工作，出事機會亦很可能提高。


網路轉載 ~ 謝謝方向宇先生分享

三界五行：夫妻互助 互為貴人

夫妻，古代以「良人」互稱，甚麼是「良人」？孟子的解釋是：「良人者，所仰望而終生也」，很清楚地說明，那寄託終身的最佳人選。近代改稱為「愛人」，寓意更加清晰了。

在術數而言，不論「良人」或「愛人」，都應該互為「貴人」，互相提攜扶持，互助、互旺、互讓、互諒。佛家說，前生500次回眸，才換來今生一次擦肩而過，而「百年修得同船渡，千年修得共枕眠」。

夫妻惜緣、惜福，就要相敬如賓。夫妻相處應如初見，要客氣、禮貌、為對方着想，令對方回到家中，有賓至如歸的感覺，盡量令對方感到舒適、自然、愉快，這樣對方就覺得你是最「良」、最「愛」的人。

相敬的意思是互相尊敬，不要以為只是老婆對老公好，古時就有一位替老婆畫眉化妝的才子張敞，皇帝知道後理解為恩愛的表現，並無責罰。

西方的離婚率每創新高，有社會學家和心理專家提倡「保鮮」，保持新鮮感，天天都給予對方驚喜。這樣的「保鮮」並非只做表面工夫，而是從內心鮮活出來，想法、言語、舉止都流露出對美好未來的憧憬。


網路轉載 ~ 謝謝方向宇先生分享

三界五行：修心修身先要修口

道家說：「禍福無門，唯人自召」 。禍與福，沒有定數，很可能因個人思想、言語、行為、生活習慣所形成。而禍的生成，更可能是因為言語不當或不善使然，所以有 「禍從口出」之說。

儒釋道都主張修心、修口，心是內修，口是外修，絕對不能口是心非。儒家對君子的基本要求是「敏於事而慎於言」，不但辦事要醒目，而且說話要謹慎。「不可與言而與之言，失言」，不應該說的偏要說，這就是失言。

佛家戒律很多，在最基本的5戒中，把妄語與殺生、偷盜、邪淫、飲酒並列在一起，可想而知「亂講話」的罪孽深重。

道家說：「信言不美，美言不信；善者不辯，辯者不善。」說白了，就是人要講信用，牙齒當金使，不必花言巧語。俗語所講的「衰多口」其實就是「把口唔修」。

講一套做一套，口蜜腹劍，搬弄是非，挑撥離間，固然不對，在現實生活中，很多人雖然沒犯這樣的言語錯誤，但仍不能為家庭和配偶帶來幸福，又是甚麼原因？明天再談。


網路轉載 ~ 謝謝方向宇先生分享

悶爆 壓力大 無朋友 是時候轉工了

辭職？留下？永遠都是打工仔的最大難題，《Business News Daily》訪問不同行業的從業員，綜合出是時候辭職的「預兆」。

一、極度沉悶

每天上班感覺無所事事，失去動力，工作開始拖延。 

二、作嘔感覺

工作令你有作嘔的感覺，還沒上班便期待下班。

三、沒發展空間

安於現狀雖然是好事，但如果工作完全沒有挑戰，則絕對不是好事，如果工作無法讓你學習新事物和成長，或許是時候找新工作。

四、心理健康變差

工作帶來太大壓力，以至影響心理健康，勸你還是以個人健康為重，別幹了。

五、出現更合適工作 

當有更合適的工作出現時，那麼你是時候換工作了。當然，「更合適的工作」並非單靠薪金來衡量，更重要的是能否給你更佳的事業發展空間，能否滿足個人更深層的需要。 

六、離退休還遠

未滿40歲就已經滿腦子是退休的事。

七、工作環境變差 

工作環境越來越差，例如公司進行大規模改革，聘請大量新員工，管理架構出現變動等，令你不想再留下來。

八、覺得格格不入

轉換新工作需要時間適應，但如果工作了一段時間，仍感到格格不入，或許是時候轉工了。因為這代表你無法在職場上建立友誼，也無法找到能給予指導的良師，慢慢地你會變得愛抱怨、覺得不被賞識，甚至陷入困境。

還是猶豫不決？心靈導師就教路，可以找一個瓶子，放滿碎石，每當發生一些事想離開，便拿掉石子，反之則將石子放回，當瓶子空空如也時，便是辭職之日！

澳洲新聞網

網路轉載 ~ 謝謝分享

不敗薯仔沙律 (附食譜)

早排睇到個 Video ~ 無意見到呢個制作過程幾有趣
即管試吓呢個做法出嚟嘅效果 同我平時做開嘅有咩唔同

薯仔沙律話難唔難 話易唔易
呢個做法比起我一直做開嘅功夫多一點

以前嗰個食譜(舊文) 只要烚好薯仔
切好晒材料 撈埋調味料就OK
亮點係個蛋黃醬同個練奶 再加 D 鹽就搞掂
鍾意有口感嘅 我會用旅行火腿 切一粒粒

而呢個『薯仔沙律』嘅亮點係…
要用鹽醃小青瓜？要炒薯仔起沙？
我再轉埋隻日式 BB 沙律醬 睇吓出嚟係點架先﹗

白酒汁南瓜燴雞腿肉 (附食譜)

呢排天氣好好 雖然係曬 但人都開心 D

熱辣辣都唔知食咩好 日日食沙律三文治冷麵都唔係長遠之計

不如煮個顏色鮮艷 D 望落都開胃 D 嘅菜啦

呵呵﹗太滿意~ 好味當然唔在講啦 XD

佢勝左方便配搭 煲個飯就可以當燴飯 有汁又唔會乾巴巴

唔想食飯 又可以配意大利粉 長通粉 螺絲粉 乜都得

開飯喇喂~~~ ლ(´ڡ`ლ)

老黃瓜扁豆袪濕湯 (附食譜)

上星期瘋狂落雨 呢幾日就熱到呢…

夏天最好就係煲定 D 涼茶放喺雪櫃當水飲

而湯水梗係煲老黃瓜同冬瓜湯啦

先嚟個老黃瓜湯水好嗎？

呢個湯水有助濕疹健脾袪濕之調理用作用

如果好似我咁有水腫情況嘅 加 D 生薏米去煲就更加好

老黃瓜屬寒涼﹐選擇食物時應要按個人體質衡量啊~

韓式部隊鍋 (附食譜)

有次小玉提議整韓國嘅『部隊鍋』
原來『部隊鍋』喺韓國係好普遍嘅野 好多地方都可以食到
其實… 就等同我地香港打邊爐一樣 一年四季都可以食到
而型式亦差無兩 都係拾吓拾吓

睇左幾個台灣同韓國嘅 Blogger 介紹
見唔係好複雜… 我又心思思想整
於是我地就發揮我地嘅慳家本領
就係將所有野都兩份分嘞~ Heheheee

喺屋企煮野 少人食有個唔好之處就係好難買野啦
唔可以買兩粒兩條半包架嘛
又唔係樣樣都可以放得耐 由其係蔬菜添啊

之後我地就各自買 D 可以用得晒嘅野
用唔晒嗰 D 我地買完再約交收
哈哈哈 ~ 我真係覺得我地好犀利呀﹗

零技術嘅韓式『部隊鍋』不費吹灰之力就可以完成
睇吓圖啦 ~ 簡單 D 講就係買、洗、切、砌
(我麻麻地鍾意食韓國麵~ 所以就轉左烏冬 嘿嘿﹗)

是時候的起心肝嗎？

自己甚少在部落格講公司事…
正好就係兩年前嘅時間轉到現時公司 開始我靜態嘅工作生活

我想轉工 亦唔呢三兩個月嘅事
可能由我入職後三個月左右就已經有轉工呢個念頭 (哈哈)
呢份工作七乘都好 就係同事唔好 同事好與唔好 好見仁見智
其實就同交朋友一樣 合則來 不合則去 自己絕對有權去選擇

明白每個地方都有是非 牽涉其中亦不足為奇
我個人係非常硬頸 鎖定唔啱嘅事我係唔會去參與
更討厭佛口蛇心嘅人 損人而不利己
正正就係呢個性格 令我呢兩年喺寫字樓靜落嚟
我只需要做好我嘅工作 安份守己 返工等放工 放工等放假 放假等出糧
日復日 不經不覺就兩年

三界五行：良好溝通靠語言

《鬼谷子》被尊為「文兵法」，語言可以代替軍隊去打仗，出色的軍事家採取文攻，不戰而勝，以兵家格言來說，是「攻城為下，攻心為上」。鬼谷先生在第九章《權篇》詳細解釋游說、談判、講話的必勝技巧，又教人如何用心、用耳、用眼去聽其言觀其行，明辨真偽善惡。方向宇認為不論你從事甚麼工作，即使是退休人士、主婦，也可以用來與人溝通。

《權篇》說：「口可以食，不可與言」，相當於現代俗語，「嘢可以亂食，話不可亂講」，否則，禍從口出，害己害人。鬼谷先生是道教信徒，他的理論不會離經背道，背叛道教祖師老子。老子說：「信言不美，美言不信」，可信的話，不一定動聽，動聽的話，不一定可信。但鬼谷先生是教人游說、推銷，可信而不動聽的話，很可能就沒有人聽，沒有人聽，又如何有人信呢？這就是矛盾，也就是事物的陰陽兩面。鬼谷先生教導學生，游說目的是希望人聽自己的、信自己的，所以，既要動聽，又要真實，千萬不能說謊，為求達到目的，必須提高自己口才。他把溝通語言分為5大類：病言、怨言、憂言、怒言、喜言。如何改善，明天再續。


網路轉載 ~ 謝謝方向宇先生分享

茶樹菇煲雞 (附食譜)

係咪好耐冇見過我煲湯同 PO 食譜呢？

呵呵呵﹗廢話少講…

易整又美味嘅『茶樹菇煲雞』即刻送上

(抱歉呢﹗部相機嘅鏡頭仲未配到 ~ 粗粗地用部舊野 S3 手機頂住先)

枸杞豬潤湯 (附食譜)

我超鍾意飲湯之外
更欣賞可以用食療法去調理身體
有得食、有得飲又有益 何樂而不為？﹗

近期見到街市有得買『枸杞菜』
而且仲幾靚吓
我都唔執書買返斤返去滾吓湯

『枸杞菜』例牌配『豬潤』、『杞子』、『瘦肉』
都好吖 反正好耐都冇飲過 係功夫多少少啫
以前細個成日都聽人講話豬潤好好﹐好補血
最啱就係月事後飲用喎

雖然我唔係好食豬潤
但我都會飲豬潤湯
只要烹調得好 入口就唔會有腥味

螺頭瑤柱煲羅漢果 (附食譜)

呢埋天氣超不爽

變化不穩時冷時熱 稍一不慎就好易中蕉

隔嚟左右唔係感冒就咳 危機四伏

依家最慘就係病菌橫行霸道

中左蕉嘅 睇一次醫生都未必可以好得返晒

身邊嘅情人、朋友都有不少已中伏

情人病左成個星期 發燒、感冒同咳樣樣齊

西藥食得多好鬼燥 想快 D 好又不得不食

但中國人嘛 始終不及中藥或湯水內調有益

成日都話由內以外就係最好

多飲湯水 除左身體好面色都會通透紅潤 D

咳咳咳… 最好就係煲羅漢果

有人鍾意就咁用羅漢果煲水飲

我就唔係好接受到淨係用羅漢果煲水嗰陣味

所以搵 D 食材配搭一下

成件事即刻開心晒 ~ 呵呵呵…

慢慢享用

2013.06.16-23 - 東京差電之旅 (ねぎし牛舌料理)

上次嚟東京
喺吉祥寺間『利久』食左個超級好味嘅牛脷
今次試第二間『ねぎし』

呢間牛脷店喺地庫
但佢都超多分店 我唸大部份日本人都認識

燈箱已經介紹左好幾款唔同嘅套餐

望到都要吞口水 好似好吸引咁啊

好~ 事不宜遲 個肚已經嘰呢咕嚕打緊鼓喇

專門食牛舌嘅地方 總會有個餐牌介紹佢地嘅招牌野

前半近脷頭嘅叫赤舌 比較爽口 D 通常做薄切

而近根部尾段叫白舌 比較軟腍 D 通常做厚切

唔同嘅配搭您都可以喺餐牌上搵到

再唔係嘅 仲有 D 散叫可以點

(按此可參考詳細餐牌)

除左牛脷 其實仲有豬、牛、雞肉可以點

所以唔食牛脷嘅朋友都冇有怕 ^^"

點左套餐唔夠食嘅

亦可以用較優惠嘅價錢去追加

地方都大啊 而且樓底高又光猛

算得上環境舒服

來來來… 飲杯先﹗

我同艾蜜麗都點左呢個『白舌厚切 (4枚 8切) 套餐』

嚟喇嚟喇~~~ 一邊影 一邊口水流喇…

套餐包括有：『前菜醃漬物』、我唔食嘅『山芋蓉』 (最怕滑潺潺 >.<" 想嘔 )、

『厚切白舌』、『香蔥牛尾清湯』同『白飯』

Yummy 呀 ~ 整體都 OK

但相比起~ 我覺得『利久』好味 D (相關舊文)

趣怪妹妹唔食牛脷 所以就點左『燒雞套餐』

仲追加左碟『燒豚肉』一齊試吓﹗

今晚美味滿足嘅晚餐又告一段落

行多陣就返去梳洗 好好整理一下戰利品

再品嚐埋我地今晚嘅甜品咁就 Happy Ending 喇

係咪見到都口水流呢？

情人節大餐 @ hOme SwEEt HoMe (附食譜)

唸食咩都係一個超大嘅難題
先要考慮對方唔食咩 (๑-_-๑) 同鍾意食 d 咩
又要考慮買料時間上嘅配合
夠唔夠時間去準備同烹飪

所以最好先寫定菜單
將同一類型嘅野就寫埋一堆 ヽ(●´∀｀●)ﾉ
再分返類買咁就最穩陣 咁就唔會買漏啦

頭盆：薯蓉焗田螺

原來好多人都唔知道出面嘅薯蓉係用薯粉開水溝出嚟
想食有益健康嘅~ 幾時都係自己煮最安全同乾淨
情人第一次食自己整嘅薯蓉 (●^∀^●) 冇錯呀﹗係佢有份整架

┗(＾0＾)┓ ♥ 薯仔我地都鍾意食吖 ♥┏(＾0＾)┛

Double Up 松露扁意粉配香煎三文魚 @ 高級便當

平時嘅我~ 應該會將香煎三文魚個名放喺頭
但今次主角係佢… 『松露扁意粉』

為左情節人去 Citysuper 買食材
屋企雖然有通粉、意粉、扁意粉、螺絲粉
但見到呢包有埋味嘅松露扁意粉
有 d 心郁郁想買 不過要成 HK$60 先得 250g  >_< 有 d 貴啦﹗
(普通嗰 d HK$12-13 已經有包 500g 喇)

我踎左喺地吓唸左都有十分八分鐘
因為仲有其他什麼咩墨魚汁、磨菇、香草… 好幾款味咁啦
左唸右唸一輪 就下定決心就拎左呢包『松露扁意粉』
見係情人節一於豪一豪 ~ 敗吓家啦 >.<
(企返起身嗰陣仲有 d 腳痺添啊 =.=")

情人節當然唔忍心情人要捱肚餓或者係買飯盒啦

之不過情人節當晚已經唸好左据扒

咁應該買咩料煮呢個松露扁意粉好呢？

我嘅選擇困難症又衝到我頭上

剩係瓜瓜菜菜又有 d 齋

豬、牛、羊、雞、魚… 到底點好？！

不如照舊煎返三文魚啦…

有益健康又好味

再買返 d 菇菇一齊炒個意粉就 Good Fit 啦

平時真係唔會咁豪買三文魚做午餐

揀盒細件 d 都要成 HK$60 幾蚊

好肉赤吖~~~

冇眼睇 我擰轉面一手就放落手推車

我用植物牛油先煎左件三文魚備用

之後用剩餘嘅牛油炒菇菇至熟透再加埋

已烚好嘅『松露扁意粉』至熱

最後加入一大匙黑松露菌拌勻就食得喇

YEAH~~~

好彩好彩 情人大讚好味 (我即時飄飄然) 

仲話呢個 Combination 好好喎

梗好啦 咁高級嘅便當 一年一次架咋

要等您慢慢回味 (偷笑中) 

一年後先再有得食架喇 Wahahaa...

素炒螺絲粉

之前喺超市買左一盒好靚嘅 Portabello (巨形燒烤磨菇)

其實最完美就係用嚟焗
買 d 菠菜洗淨略焯渣乾水份 將煙肉片切粒炒香
加埋菠菜用鮮忌廉同芝士一齊炒 取出放上巨菇面
之後再曬上 Mozzarella Shredded 同 Parmesan Shredded 就可以拎去焗
但功夫就比較多 不過好好味架

由於時間關係 今次做左個無肉餐單

將少部份嘅 Portabello 切左片

加左少少粟米粒用左白汁嚟炒螺絲粉

另一邊就將 Portabello 切件

配上翠肉瓜同青椒用蒜蓉炒香

就完成左一菇兩味嘅是日嘅晚餐

多謝嘗面 ^^"

赤小豆扁豆粉葛湯 (附食譜)

飲碗老火湯真係好過食補品
堅持要 Keep 住飲靚湯水係我唯一嘅養生之道

我都係個超級無敵嘅懶人
不過講到煮野食野同煲湯我就唔會懶

煲湯唔難 因為係個煲煲
準備材料雖然係要花 d 時間同心機去準備
但我覺得都唔夠走去買材料辛苦

今次煲粉葛拎到我傻左
買左兩斤粉葛加埋一斤半瘦肉… 等於重爆

最可憐嘅係收工後出到去街市已經開始收檔
要九秒九趕去相熟嘅菜檔肉檔買靚料
再去買埋其他野已經出晒汗 =.="

所以呢啖湯冇血都有汗架﹗
啖湯好甜吖又夠晒味 ~ 好正﹗﹗